Sadguru Sange Vishwa ne Panthe

Author(s): Manorama B Khanderiya, Balwantrai N Khanderiya
Publisher: Vishwavatsalya and Santbal Award Foundation Ahmedabad

Page 87

૬૮
તા. 12-10-75 અહમ્' અને “સ્વચ્છેદ' શુભને આડે આવે ત્યારે ગજબ થઈ જતો હોય છે
(૧) “અહમુ” અને “સ્વચ્છેદ' એવા ઊંડા દુર્ગણ છે કે જે કોઈ ને કોઈ પ્રકારે પ્રચ્છન્નપણે આવીને પણ માથું કાઢે છે. જ્યારે શુભને ઓઠે તે આવે ત્યારે તો ગજબ થઈ જતો હોય છે. એટલે સતત અને અજબ પ્રકારે અખંડપણે એનાથી ચેતતા રહેવાનું છે.
(૨) આ નારી-ગૌરવ વર્ષ અને અહિંસાનું પણ ભગવાન મહાવીરનિર્વાણનું સર્વોચ્ચ યાદગાર વર્ષ છે. તો આ દિવસોમાં ભગવાન મહાવીરના માર્ગને આજના જગતમાં પ્રસ્તુત કરનાર શ્રીમદ્ અને પછીથી વ્યાપકતાની દૃષ્ટિએ ગાંધીજી અને ઊંડાણની દૃષ્ટિએ અમારા ગુરુ છે.
(૩) એટલે સંતબાલમાં કાંઈયે દેખાતું હોય તો આ બધો સંદર્ભ છે. તે સાથે જોઈને લેવાનો છે. બીજી બાજુ નારીગૌરવના આ વર્ષે શક્ય તેટલા નારીગુણો જોવાના અને પ્રશંસવાના રહે છે.
- સંતબાલ
તા. 12-10-75 અહંકાર કે સ્વછંદ ગુરુભાવનો નાશ કેવી રીતે કરે છે તેની સ્પષ્ટતા
જ્યાં જરા પણ “અહમ” કે “સ્વચ્છેદ'નો ઝપાટો આવ્યો કે ત્યાં ગુરભાવ ગમે તેવો હોય તો ય પાટિયાહૂલ' થઈ જવાના. ટૂંકમાં આ તો વેળુના કોળિયા છે. એ કાંઈ ખાંડના કોળિયા થોડા જ છે ! કેટલીક વાર તો સ્વચ્છંદી કે અહંકારી બનેલા શિષ્ય કે શિષ્યા ગુરુને નામે એક બાજુ જાણે પરમ-પરમ ભક્તિ શ્રદ્ધા દાખવે છે (પણ બીજી બાજુ, ગુરુ નામને બજારમાં દુનિયાના ચોગાનમાં વેચવા પણ નીકળી પડે છે. અને જો ડાહી દુનિયા આવા અહંકારી કે સ્વચ્છંદી શિષ્ય કે શિષ્યાને રેવડી દાણાદાર કરી નાખે તો પાછો એ દોષ પણ ગુરુને જ નામે ખતવવા તૈયાર થઈ જાય છે. કહે છે : જુઓને ગુરુનામમાં ક્યાં દુનિયાને શ્રદ્ધા છે? માટે તો ગુરુનામમાં કાંઈ દમ નથી અથવા ગુરુમાં પોતાનામાં કાંઈ દમ નથી. નહી તો આવું કેમ થાય? પણ એવા શિષ્ય કે શિષ્યાને કદાચ જિંદગીના છેડા લગી એ સમજ પડતી નથી કે આ વાંક પોતાના અહંકાર અથવા સ્વચ્છંદનો છે નહી કે ગુરુના નામનો (ગુરુનો) કે ડાહી દુનિયાનો ખેર !
શ્રી સદગુરુ સંગે : વિશ્વને પંથે