Book Title: Sadguru Sange Vishwa ne Panthe
Author(s): Manorama B Khanderiya, Balwantrai N Khanderiya
Publisher: Vishwavatsalya and Santbal Award Foundation Ahmedabad
View full book text
________________
૨૦ હતું નહીં. ફંડ જલદી થયું નહીં, વચ્ચે અડધી રકમ થયાં બાદ અટક્યું, કાર્યકર્તાઓ નિરાશ થઈ ગયા. ફરી ફંડ ચાલુ કર્યું અને જરૂર કરતાં વધુ રકમ મળી વગેરે. હવે ધીમે ધીમે તે કેન્દ્ર જામતું આવે છે. જુઓને માનવમુનિ કેવું સરસ કામ કરે છે ! એમનો તો કોઈને જ પરિચય નહિ પણ કુદરતી જ આવી ગયા અને વિનોબાજીએ પણ આપણું કામ કરવાની તેમને રજા આપી. આ બધું બતાવી જાય છે કે જે જે પ્રથમ કલ્પના હોય છે તે તે બધાને વ્યવહારમાં લાવવાની પૂરી શક્તિ મહારાજશ્રી ધરાવે છે.
અંબુભાઈની આ વાત સાચી અને વિચારવા જેવી છે. ગુરુદેવ જે કેવળ ગગનવિહારી અને કલ્પનારંગી હોય તો આટલાં કામો થાત નહીં. એમ પણ જોવામાં આવે છે કે સંન્યાસી જીવન હોવાથી, ગુરુદેવ સંસારી જીવનની ઘણી બાબતોમાં અનુભવથી વંચિત હોવા છતાં તેમનું એક પણ સૂચન એવું ભાગ્યે જ હોય છે કે, જે સંસારીને – પ્રશ્નો હલ કરવામાં – ઊલટું યા તો પ્રતિકૂળ પરિણામ દેનારું હોય. ગુરુદેવને ન સમજી શકવાનાં કારણે સામાન્ય આવું ઘણી વાર લાગે છે તે પણ હકીકત છે.
ચિચણ, તા. 8-5-74
વિનોબાજી અને સર્વ સેવા સંઘ સંત વિનોબાએ જો “સર્વ સેવા સંઘ'ને નામે જો રચનાત્મક કાર્યકરોનું સંકલન ન કર્યું હોત તો એક તાજા ભવિષ્યમાં જે એક કડી આપણા માટે મહત્ત્વની ઉપયોગી બનવા સંભવ છે, તે ક્યાંથી મળત?
એકંદરે સહજ અને પ્રમાણમાં ઠીક લખાયું છે. અંબુભાઈના નવ દિવસ વસવાટના તમો બન્નેને, કુટુંબને ઉપયોગી થયા ગણાય.
- “સંતબાલ' ગુરુદેવ એક અચ્છા શિક્ષક માણસો તૈયાર કરવાની ગુરુદેવની હથોટી વિચારણા સમજવા જેવી છે. અંબુભાઈ કહે : “મહારાજશ્રી એક અચ્છા શિક્ષક છે. શરૂમાં તેઓ ક્રમવાર વર્ગો ચલાવતા અને એ રીતે અમને બધાને પાઠ શીખવ્યા છે, પોતાની વિચારધારાને સમજાવવા માટે બકરાણા વગેરે સ્થળે ભરાયેલા વર્ગો તો યાદગાર થયા છે. તે વખતે મહારાજશ્રી દરેક મુદ્દાની બહુ ઝીણવટથી અને વિગતે વાતો - છણાવટ -- કરતા. આ બધો લાભ અમને મળ્યો અને વર્ષો બાદ તૈયાર કંઈક થઈ શક્યા. આજે તો હવે એટલો સમય - અવકાશ - પણ મહારાજશ્રીને નથી અને બીજી રીતે પરિસ્થિતિ બદલાઈ ગઈ છે. તૈયારી અને ઘડતરની દષ્ટિ અને ભૂતકાળના એ દિવસો અને એ વર્ગો આજે પણ મને એટલા જ જરૂરી અને ઉપયોગી લાગે છે પણ હવે તે શક્ય નથી.
શ્રી સદગુર સંગે : વિશ્વને પંથે
