Ramayanma Sanskritino Sandesh Part 01

Author(s): Chandrashekharvijay, Bhanuchandravijay
Publisher: Kamal Prakashan Trust

Page 5

પ્રાર્થના
પૂ૦ સિદ્ધાન્ત મહોદધિ, કર્મશાસ્ત્રના અજોડ વિદ્વાન, ત્રણસો મુનિવરોના પરમ ગુરુદેવ, સુવિશાલગાધિપતિ સ્વર આચાર્યપુરદર શ્રીમદ વિજયપ્રેમસૂરીશ્વરજી મહારાજા સાહેબને મુવિનીત શિષ્યરત્ન અને મારા મગુરુદેવ પૂ૦મુનિરાજ શ્રીમદ ચન્દ્રશેખરવિજયજી મહારાજ આદિ, વર્ષોની મુંબઈ-શ્રીપાળનગરની વિનંતિથી સં. ર૩૩નું આ વર્ષનું ચાતુર્માસ કરવા પધાર્યા. પૂ ગુરુદેવશ્રી છેલ્લા દસ વર્ષથી દર ચાતુર્માસ દરમિયાન દર રવિવારે “રામાયણ” ઉપર પોતાની રસધાર વહાવે છે, જેનો અણમોલ લાભ ગુજરાત અને સૌરાષ્ટ્રની જૈન-અજૈન જનતાએ હજારોની સંખ્યામાં લીધો હતો એ અનોખી રસધારનો લાભ આ વર્ષ મુંબઈની પ્રજાને પણ પ્રાપ્ત થાય એ કાજે, પૂજ્યશ્રીના “પંચસૂત્ર” નામના મહાસૂત્ર ઉપર પ્રતિદિન ચાલતા પ્રવચનો ઉપરાંત, દર રવિવારે “જૈન રામાયણ” ઉપરની ધર્મદેશનાનું આયોજન કરવામાં આવ્યું છે.
ધર્મ અને સંસ્કૃતિના વિષયમાં અનોખી સમજણની દેન કરતી, અધ્યાત્મરસમાં તરબોળ બનાવતી, વિકતિઓના વિકારી વાયુમંડળથી દૂર થવાનું એલાન કરતી અને સંસ્કૃતિના જાજવલ્યમાન આદર્શોને સમજાવતી, પૂ. ગુરુદેવશ્રીની ‘રામાયણ” ઉપર વહી જતી આ અમૂલી ધર્મદેશનાઓને અક્ષરદેહ આપી તેને પ્રજા સમક્ષ મૂક્વાનો નિર્ણય કરવામાં આવ્યો છે. જેથી દૂર સુદૂર રહેલા, અને આ પ્રવચનોનો સાક્ષાત લાભ ન મેળવી શકનારા પુણ્યવાનો પણ એના અનુપમ આસ્વાદનો લાભ માણી શકે. સાક્ષાત્ પ્રવચનો સાંભળી શકનારા અને નહિ સાંભળી શકનારા-સહુ કોઈને માટે આ પ્રવચનોનો સંગ્રહ જીવનભરની એક અમૂલી મૂડી બની જશે એવી મારી દ4 આશા છે.
પ્રત્યેક રવિવારનું પ્રવચન આગામી રવિવારે વાચકોના હાથમાં મૂકી દેવાની પૂર્ણ વ્યવસ્થા કરવામાં આવી છે. એ મુજબ તા. ર૬-૬-૭૭ના રોજ-હજારોની મેદની સમક્ષ થયેલું પ્રથમ પ્રવચન-લગભગ અક્ષરશઃ રજૂ કરવામાં આવ્યું છે. જેને વાંચી, વિચારીને સહુ કોઈ પોતાના જીવનમાં સાંસ્કૃતિક પદ્ધતિઓને આચાર અને વિચારમાં એકરસ કરે એ જ મંગળ અભિલાષા.
શ્રીપાળનગર, મુંબઈ ૬ તા. ૨૮-૬-૭૭
–મુનિ ભાનુચન્દ્રવિજય