________________
વીરાંગના
સિધ્ધરાજ જયસિંહના લશ્કરે જુનાગઢને ઘેરે ઘાલ્યાની વાત સાંભળેલી તેની પ્રતિકૃતિ જેવો દેખાવ જોઈ ગામનું અઢારે વર્ણ ઉશ્કેરાઈ ગયું હતું. ગામની દષ્ટિમાં નગરશેઠની આબરૂ ઉપર ધાડ પડે તે પિતાના ઉપરની આપત્તિ જેવું લાગતું હતું. મહાજનના આગેવાનેએ મળી રાજમાતા પાસે જવાનું નક્કી કર્યું ત્યાં તો બંદર તરફ બંદૂકના તાસીરા થતા સાંભળ્યા.
અણધાર્યો બંદૂકના બહાર સાંભળીને વળી આ નવી ધાડ શું આવી ? તેના વિચારમાં સૌ પડ્યા. માણસનું એક ટોળું તે તરફ જોવા-જાણવા તૈયાર થયું તેટલામાં પચીસેક આરબોની એક હથિયારબંધ ટુકડી શેઠના ઘર તરફ આવતી જોઈને સૌ થંભી ગયા.
દેવકરણ કંપાણી બંદર–બેરખે પહોંચ્યા. તે પહેલા જમાદારે આરબની પચીસ પચીશ માણસની આઠ ટુકડી અને ઘોડેસ્વારોની બે ટુકડી તેના ચાઉસ સાથે દારૂગોળા બંદ લઈને દેવકરણ શેઠની રાહ જેતી તૈયાર રાખેલી. દેવકરણે આરબ જમાદારને પાસે રાખી વરધી દેવી શરૂ કરી. પહેલી એક ટુકડીને શેઠના મકાનના રક્ષણ માટે જવાને સૂચવતાં તેઓ બંદૂકના બહાર કરી રવાના થયા. બીજી પચીસ ઘોડેડ ટુકડી ગામ ફરતી ગોઠવાઈ જવા ચાલી. ' દેવકરણ શાહે ગામમાં ને રાજગઢ તરફ બાતમીદારે મોકલી દીધા હતા. તેમાંથી એક સ્વાર શેઠના ઘર તરફ રસાલો જવાના ખબર લાવ્યા કે તુરત જ બે ટુકડીને ઘરે ગયેલા રસાલા સાથે મુકાબલો કરવાને રવાના કરી. દરેક ટુકડી બંદૂકના બહાર કરીને એક પછી એક પસાર થતી. ઉપરાઉપરી થતા ધડાકા-ભડાકાથી ધરતી ધણધણી ઊઠી.
શેઠના ઘર તરફ પહેલી ટુકડી આવીને ડેલીએ ગોઠવાઈ ગઈ.
