Prastavana Trayi

Author(s): Shobhanmuni, Ajitsagarsuri
Publisher: Buddhisagarsuri Jain Gyanmandir

Page 47

प्रस्तावना ।
1
"
" सिद्धं सिद्धत्थाणं ठाणमणोवमसुहं उवगयाणं । कुसमयविसासणं सासणं जिणाणं भवजिणाणं ॥ १ ॥ ( सन्मतिप्रकरणम् ) केपामविदितमेतच्छेमुषीमतां विद्वत्पुङ्गवानां श्रीशोभनमुनिविनिर्मिता जिनस्तुतिचतुर्विंशतिका शोभनस्तुत्यभिधेया स्तुतिप्रवरा सुजनचित्तचमत्कारिणी सहृदयहृदयहारिणी यमकादि विविधालङ्कारविभूषिता नैकधा छन्दःसन्दोहकरम्बिता काव्यमूर्द्धन्यतां बिभर्त्ति ।
अवचूरिकाकृदादिभिरस्याः स्तुतेः शोभनस्तुतिरिति व्यपदेशेन व्यवह्नतिर्व्यधायि, स्तुतिकारस्यास्य सम्पूर्ण जीवनाख्यानं नालभ्यत, यत्किञ्चनाऽवलम्बनमासाद्याऽत्र तद्दर्शयितव्यमिति नाऽसमञ्जसम्
श्रीशोभनस्य ज्येष्ठबन्धुना कविकुलललामभूतेन धनपालेनाऽपरै
१ श्री शोभनस्य कविकुलावतंसस्य ज्यायान्बन्धुर्धनपालोऽपि कविताकामिनीमसाधारण्या भक्त्या सिषेवे । सोऽपि महाकविरभूत् । तत्र हेतुश्चायम्, भगवता हेमचन्द्राचार्येणापि तस्य श्लोकाः स्वकीये काव्यानुशासनग्रन्थे वचन श्लेषस्यो - दाहरणत्वेन संग्रहीताः । स व्युत्पत्तिशास्त्रविशारदोऽपि बभूव यतः श्रीमद्भिर्हेमचन्द्राचार्यैरभिधानचिन्तामणिकोषटीकायां “ व्युत्पत्तिर्धनपालतः " एवंविध उल्लेखो विहितः । तेन बहवोऽसाधारणा ग्रन्था विरचिताः । तेषां विरचिता तिलकमञ्जरी, पाइयलच्छी नाममाला, ऋषभपञ्चाशिका, वीरस्तवः सावयविहिइत्यादि प्रथा उपलभ्यन्ते ।
मुनृपो ( श्रीवाक्पतिराजः ) भोजराजं कनीयांसं धनपालञ्च ज्येष्ठं सुतं मेने ।