Neminirvanam

Author(s): Vagbhatt Mahakavi, Vagbhatt Mahakavi
Publisher: Pandurang Javji

Page 92

८८
'काव्यमाला।
स तमाल इवोत्थितो नवः शुशुभे भूधरकाननान्तरे ॥ ७॥ कुसुमैर्विकसद्भिराहृतैः सविधोर्वीरुहसंततेर्मुहुः । मरुतः कतमे तमोपहं न तमानचुरुपागता दिशाम् ॥८॥ गिरिराजमुवं समागतो वृषमेकं धनमादधत्सदा । विरराज समाजिरध्वनै()रहिभिर्देहनिवासिभिर्विभीः ।। ९ ॥ गलकन्दललम्बमानया तनुवास्तव्यभुजंगमुक्तया । शशिरश्मिरुचा त्वचा बभौ निबिडक्षान्तिवरसजेव सः ॥ १०॥ न परं च समाधिभावनात्प्रभुरामीलितदीर्घलोचनः । चरणेऽस्य विषाणघर्षणाक्षतकण्डूम॑गसंचयोऽप्यभूत् ॥ ११ ॥ ववृधे तपसा समं कमात्परमं ज्योतिरमुष्य धीमतः । रिपवश्च मनोभवादयः सह कायेन कृशत्वमाययुः ॥ १२ ॥ कथमस्य कुतोऽप्युपद्रवः समवृत्ते खरायुधादिजः । स हि भूभृति तत्प्रभावतो मृगवर्गेऽपि किल न्यवर्तत ॥ १३ ॥ न रवः परितापमातपादमृतांशोनं च निवृति ययौ। . यदहर्निशमेष योगभृद्विनिवृत्तेन्द्रियवृत्तिरास्थितः ॥ १४ ॥ नवनीलतृणाङ्कुराकृतिप्रसरज्योतिषि तस्य विग्रहे। . प्रणयं हरिणीदृशो व्यधुर्विपिनेऽप्यस्य यथा पुरे पुरा ॥ १५ ॥ सविधे विदधेऽस्य मर्मरध्वनिरारण्यकमारुतोत्थितः । दृढसंयमयोगपीडितस्सरबाणासनभङ्गविभ्रमम् ॥ १६ ॥ इह रैवतके विवर्धते कुतपस्तेन वहन्नपि क्षमाम् । न बभूव समो मुनेरयं सुतपो वर्धयतः समन्ततः ॥ १७ ॥ सुमनोभिरुपासितः सदा सहमानस्तुहिनातपव्यथाम् ।
१. देवाः. २. पर्वतभूमि, पार्वती वा. ३. धर्म, बलीवद वा.