Book Title: Naykarnika
Author(s): Fattehchand K Lalan, Mohanlal D Desai
Publisher: Shardaben Chimanbhai Educational Research Institute
View full book text
________________
શ્રી વિનયવિજયજી
૪૧
વિહાર
તેમણે સુરત, અમદાવાદ, જુનાગઢ, રાધનપુર, દીવ, આદિ ગુજરાત કાઠિયાવાડમાં સ્થલે સ્થલે વિહાર કર્યો છે. ચોમાસાં સુરત, અમદાવાદ, ખંભાત કર્યાં છે, પરંતુ રાંદેરમાં અનેક વખત ચોમાસાં કરેલ છે અને ત્યાં જ દેહવિલય થયો હોય એમ શ્રીપાલ રાસથી સમજાય છે.
શિષ્યપરંપરા
શ્રી વિનયવિજયજીની શિષ્યપરંપરા મળી શકતી નથી. તેમના શિષ્ય શ્રી રૂપવિજયજી નામે હોય એમ લાગે છે, કારણ કે શ્રી રૂપવિજયજીએ બનાવેલી નાની નાની સઝાયમાં પોતાના ગુરુનું નામ વિનયવિજય ઉપાધ્યાય કહેલું છે. તે નામ જો આપણા ચરિત્રનાયકને લાગુ પડી શકે તેમ હોય તો જ રૂપવિજય શ્રીવિનયવિજયજીના શિષ્ય હોઈ શકે. શ્રી રૂપવિજયની સઝાયોના નમૂના સ્વ. ભીમશી માણેકની સઝાયમાલા ભાગ ૧ લાની સઝાયોમાંથી લઈએ.
ગોડીદાસ સંઘવીતણે આદરે કીધ સઝાય
વિનયવિજય ઉવઝ્ઝાયનો રૂપવિજય ગુણ ગાય. કહે. (શિખામણની સઝાય. પૃ. ૪૦)
આમાં જો ગોડીદાસ સંઘવીનો કાલ જાણી શકાય તો રૂપવિજયનો કાલ જાણી શકાય તેમ છે.
પ્રહ ઉઠી સતી જપિયે સોલ જિમ વહિયે રૂદ્ધિ વૃદ્ધિ ધૃત ગોલ શ્રી વિનયવિજય વાચક સુપસાય રૂપવિજય ભાવે ગુણ ગાય.
(સોલ સતીની સઝાય પૃ. ૬૨)
નેમ રાજુલ શિવપુરિ મળ્યાં, પૂગી તે મનકેરી આસ શ્રી વિનયવિજય ઉવઝાયનો શિષ્ય રૂપ સદા સુખવાસ. વહેલા. (શ્રી નેમરાજુલનો પત્ર પ્રારંભ પૃ. ૧૫૧)
