Book Title: Nayadhamma Kahao
Author(s): N V Vaidya
Publisher: N V Vaidya
View full book text
________________
-XVI.122]
नायाधम्मक हाओ
जहाविभव इड्डिसकारसमुदएणं अप्पेगइया हयगया जाव अप्पेगइया पायचारविहारेण जेणेव कण्हे वासुदेवे तेणेव उवागच्छंति २ करयल जाब कण्डं वासुदेवं जएणं विजएणं वद्धावेंति । तए णं से कण्हे वासुदेवे कोटुंबियपुरिसे सद्दावेइ २ एवं वयासी - खिप्पामेव भो देवाणुप्पिया ! 'अभिसेकं हत्थिरयणं पडिक पेह हयगय जाव पञ्चप्पिणंति । तए णं से कण्हे वासुदेवे जेणेव मज्जणघरे तेणेव उवागच्छइ २ समुत्तजालाकुलाभिरामे जाव अंजणगिरिकूडसन्निभं गयवइं नरवई दुरूढे । तए णं से कण्हे वासुदेवे समुद्दविजयपामोक्खेहिं दसहिं दसारेहिं जाव अणंगसेणापामोक्खेहिं अणेगाहिं गणियासाहस्सीहिं सद्धिं संपरिवुडे सब्बिड्डीए जाव वेणं बारवईं नयरिं मज्झमज्झेणं निग्गच्छइ २ सुरट्ठाजणवयस्स मज्झंमज्झेणं जेणेव देसप्पंते तेणेव उवागच्छइ २ पंचालजणवयरस मज्झंमज्झेणं जेणेव कंपिल्लपुरे नयरे तेणेव पहारेत्थ गमणाए । तए णं से दुवए राया दोश्चं पि दूयं सहावेइ २ एवं वयासी - गच्छहं णं तुमं देवाणुपिया ! हत्थिणारं नयरं । तत्थ णं तुमं पंडुरायं सपुत्तयं जुहिट्ठिल्लं भीमसेणं अज्जुणं नडलं सहदेवं दुज्जोहणं भाइसयसमग्गं गंगेयं विदुरं दोणं जयद्दहं सजाणं कीवं आसत्थामं करयल जाव कट्टु तहेब जाव समोसरह । तए णं से दूए एवं जहा वासुदेवे नवरं भेरी नत्थि जाब जेणेव कंपिल्लपुरे नयरे तेणेव पहारेत्थ गमणाए । एएणेव कमेणं तच्चं दूयं चंप नयरिं । तत्थ णं तुमं कण्हं अंगरायं सैल्लं नंदिरायं करयल तदेव नाव समोसरह । चत्थं दूयं सुत्तिमत्रं नयरिं । तत्थ णं तुमं सिसुपालं दमघोससुर्य पंचभाइसयसंपरिवुडं करयल तहेव नाव समोसरह । पंचमगं दूयं हत्यिसीसं नयरिं । तत्थ णं तुमं दमदंतं रायं करयल जाव समोसरह । छट्ठ दूयं महुरं नयरिं । तत्थ णं तुमं धरं रायं करयल जाब समोसरह । सत्तमं दूयं रायगिहं नयरं । तत्थ णं तुमं सहदेवं जरासंघसुर्यं करयल जाव समोसरह । अट्ठमं दूयं कोडिण्णं नयरं । तत्थ णं तुमं रुप्पि मेसगसुयं करयल तद्देव जाव समोसरह । नवमं दूयं विरीटं नयरिं । तत्थ णं तुमं कीयगं भाउसयसमग्गं करयल जाव समोसरह । दसमं दूयं अवसेसेसु
Shree Sudharmaswami Gyanbhandar-Umara, Surat
29
www.umaragyanbhandar.com
Page Navigation
1 ... 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174