Mahavaggatthakatha

Author(s): Vipassana Research Institute Igatpuri
Publisher: Vipassana Research Institute Igatpuri

Page 366

(९.३८५-३८५)
बोज्झङ्गपब्बवण्णना
३४१
तत्थ निरयेसु पञ्चविधबन्धनकम्मकारणतो पट्ठाय महादुक्खानुभवनकालेपि, तिरच्छानयोनियं जालखिपनकुमीनादीहि गहितकालेपि, पाजनकण्टकादिप्पहारतुन्नस्स सकटवहनादिकालेपि, पेत्तिविसये अनेकानिपि वस्ससहस्सानि एकं बुद्धन्तरम्पि खुप्पिपासाहि आतुरीभूतकालेपि, कालकञ्चिकअसुरेसु सट्ठिहत्थअसीतिहत्थप्पमाणेन अट्ठिचम्ममत्तेनेव अत्तभावेन वातातपादिदुक्खानुभवनकालेपि न सक्का वीरियसम्बोज्झङ्गं उप्पादेतुं, अयमेव ते भिक्खु कालो वीरियकरणायाति एवं अपायभयं पच्चवेक्खन्तस्सापि वीरियसम्बोज्झङ्गो उप्पज्जति ।
__न सक्का कुसीतेन नवलोकुत्तरधम्मं लद्धं, आरद्धवीरियेनेव सक्का अयमानिसंसो वीरियस्साति एवं आनिसंसदस्साविनोपि उप्पज्जति । सब्बबुद्धपच्चेकबुद्धमहासावकेहि ते गतमग्गो गन्तब्बो, सो च न सक्का कुसीतेन गन्तुन्ति एवं गमनवीथिं पच्चवेक्खन्तस्सापि उप्पज्जति। ये तं पिण्डपातादीहि उपट्ठहन्ति, इमे ते मनुस्सा नेव जातका, न दासकम्मकरा, नापि तं निस्साय जीविस्सामाति ते पणीतानि चीवरादीनि देन्ति । अथ खो अत्तनो कारानं महप्फलतं पच्चासीसमाना देन्ति। सत्थारापि “अयं इमे पच्चये परिभुजित्वा कायदळहीबहुलो सुखं विहरिस्सती''ति न एवं सम्पस्सता तुम्हं पच्चया अनुञाता। अथ खो “अयं इमे परिभुञ्जमानो समणधम्म कत्वा वट्टदुक्खतो मुच्चिस्सती''ति ते पच्चया अनुज्ञाता, सो दानि त्वं कुसीतो विहरन्तो न तं पिण्डं अपचायिस्सति । आरद्धवीरियस्सेव हि पिण्डपातापचायनं नाम होतीति एवं पिण्डपातापचायनं पच्चवेक्खन्तस्सापि उप्पज्जति अय्यमित्तत्थेरस्स विय ।
थेरो किर कस्सकलेणे नाम पटिवसति । तस्स च गोचरगामे एका महाउपासिका थेरं पुत्तं कत्वा पटिजग्गति । सा एकदिवसं अरजं गच्छन्ती धीतरं आह- "अम्म, असुकस्मिं ठाने पुराणतण्डुला, असुकस्मिं सप्पि, असुकस्मिं खीरं, असुकस्मिं फाणितं, तव भातिकस्स अय्यमित्तस्स आगतकाले भत्तं पचित्वा खीरसप्पिफाणितेहि सद्धिं देहि, त्वञ्च भुजेय्यासि । अहं पन हिय्यो पक्कपारिवासिकभत्तं कजियेन भुत्ताम्ही"ति । दिवा किं भुजिस्ससि अम्मा,ति ? साकपण्णं पक्खिपित्वा कणतण्डुलेहि अम्बिलयागु पचित्वा ठपेहि अम्मा,ति।
थेरो चीवरं पारुपित्वा पत्तं नीहरन्तोव तं सदं सुत्वा अत्तानं ओवदि "महाउपासिका किर कजियेन पारिवासिकभत्तं भुञ्जि, दिवापि कणपण्णम्बिलयागुं
341