Khartar Gacchha Bruhad Gurvavali

Author(s): Jinpal Upadhyaya, Jinvijay
Publisher: Singhi Jain Shastra Shiksha Pith Mumbai

Page 107

खरतरगच्छालंकार
पत्तनीय- श्रीप्रह्लादनपुरीय - श्रीवीजापुरीय - श्री आशापल्लीयादिनानास्थानसमुदाय महामेलापकेन वाद्यमानेषु द्वादशविधनान्दीतूर्येषु, दीयमानेषु तालारासेषु, नृत्यमानाखविधवसुधवासु नायिकासु, संजायमानासु श्रीसंघपूजासु, क्रियमाणेषु श्रसाधर्मिक वात्सल्येषु, दीयमानेष्वमेयेषु स्वस्वापतेयेषु, सम्पद्यमानेष्ववारितसत्रेषु, दिनत्रयममारिघोषणानि - र्माणपूर्वकं हिन्दुकवारकवत् सकलजनमनश्चेतश्चमत्कारकारी विपक्षहृदय कीलानुकारी सकलातिशयनिधानैः सर्वलब्धिप्रधानैर्निजावदातसंस्मारितपूर्वसूरिभिः श्रीजिनकुशलसूरिभिश्चक्रे । तस्मिन् महोत्सवे क्षुल्लकचतुष्टयं क्षुल्लिकाद्वयं कृतम्, तेषां नामानि विनयप्रभ - मतिप्रभ - हरिप्रभ - सोमप्रभक्षुल्लकाः, कमलश्री - ललित श्रीक्षुल्लिके इति । प्रभूतसाध्वीश्राविकाभिर्माला गृहीता । अनेक श्रावक श्राविकाभिः सम्यक्त्वारोप- सामायिकारोपः कृतः, परिग्रहपरिमाणं च गृहीतमिति ।
८०
तस्मिन्नेव संवत्सरे श्रीपूज्याः श्रीसत्यपुरीय समुदायाभ्यर्थनया श्रीसत्यपुरे श्रीसमुदायका रितसविस्तरतरप्रवेशकमहोत्सवाः श्रीमहावीरदेवतीर्थराजं नमश्चक्रुः । तत्र च मासमेकं श्रीसमुदायस्य समाधानं समुत्पाद्य, श्रीलाटहदसम्मुदायाभ्यर्थना श्री लादे श्रीसमुदाय विहितसविस्तरतरप्रवेशकमहोत्सवाः श्रीमहावीरदेवाधिदेवं नमश्चक्रुः । तत्र च पक्षमेकं श्रीसमुदायस्य समाधानं समुत्पाद्य, श्रीवाग्भटमेरवीयसमुदायाभ्यर्थनया श्रीवाग्भटमेरौ श्रीसमुदाय कारितसकलस्वपक्ष-परपक्षचेतश्चमत्कारकारिप्रवेशकमहोत्सवाः श्रीयुगादिदेवतीर्थनाथं नमस्कृत्य चतुर्मासीं चक्रुः । -
१०४. पश्चात्, तत्र च सं० १३८३ वर्षे पौषशुक्लपूर्णिमायां श्रीजिनशासनप्रभावना श्रीसाधर्मिकवात्सल्यादिनानाधर्मकृत्यकरणोद्यतसाधुराज प्रतापसिंहप्रमुख श्रीवाग्भटमेरवीयसमुदायाभ्यर्थनया श्रीजेसलमेरवीय-श्रीलाटहद-श्रीसत्यपुर- श्री प्रह्लादनपुरीयादिनानास्थानवास्तव्य महर्द्धिकसुश्रावकलोकमहामेलापकेन संजायमानेषु श्रीसाधर्मिकवात्सल्यश्रीसंघपूजादिनानाविधेषु धर्मकृत्येषु, दीयमानेषु तालारासेषु क्रियमाणेष्ववारितसत्रेषु, अमारिघोषणा निर्मापणपूर्वकं श्री उत्थापना - मालारोपण - श्रीसम्यक्त्वारोपण - सामायिकारोप - परिग्रहपरिमाणादिनन्दिमहामहोत्सवं चक्रुः ।
१०५. ततस्तस्मिन्नेव संवत्सरे श्रीजवालिपुरीय समुदाय गाढतराभ्यर्थनया सकलातिशयनिधानाः समग्रसूरिमालाप्रधानाः श्रीजिनकुशलसूरियुग प्रधानाः श्रीवाग्भटमेरुतः प्रस्थाय समग्रराज्यभारधुराधरणधौरेय स्वकीयपूर्वजवाहिनकोद्धरणकारित - श्री शान्तिनाथमहाविम्वसमन्वितोत्तुङ्गतोरणनिरुपम गुरुतरप्रासादशिखरे श्रीलवणखेटकनगरे युगप्रवरागमस्वकीय दीक्षागुरुश्रीजिनचन्द्र सूरिगुरुजन्ममहोत्सवसौव जन्मदीक्षा ग्रहण महामहोत्सवविलोकन पवित्रीभूताखिलस्वपक्ष-परपक्षजनताननाः श्रीशम्यानयने च श्रीशान्तिनाथदेवाधिदेवम्, श्री समुदायकारितसविस्तर तरप्रवेशक महोसवा नमस्कृत्य कियन्ति दिनानि उभयस्थानसमुदाययोः समाधानं च समुत्पाद्य श्रीविधिधर्मकमलकाननप्ररोहसरोवरे श्रीजाबालिपुरे नानोत्सवनिर्मापणसमुद्यत श्रीजाबालिपुरीय महासमुदाय कारितसविस्तरतरप्रदेशकमहामहोत्सवाः स्वहस्तकमलप्रतिष्ठितं श्रीजा वालिपुरीय समुदायमनोवाञ्छितार्थपूरणाङ्गीकृतप्रतिज्ञं श्रीमहावीरदेवमहातीर्थराजचरणकल्पद्रुमं नमश्चक्रुः । तत्र च मत्रीश्वरकुलधर कुलप्रदीप मं० भोजराजपुत्ररत्न मं० सलखणसिंह - सा० चाहडपुत्ररत्नसा • झाञ्झणप्रमुख श्रीजाबालिपुरीयविधिसमुदायाभ्यर्थनया श्रे० हरिपालपुत्र रत्नश्रे० गोपालप्रमुख श्री उच्चकीयदेवराजपुरीय समुदाय - सकलोत्सवधुराधरणधौरेयधवलसा०जाह्नणपुत्ररत्न साधु राजतेजपाल - सा० रुदपालप्रमुख श्रीपतनीय - श्रीजेसलमेरवीय - श्रीशम्यानयनीय - श्रीश्रीमालीय - श्रीसत्यपुरीय - श्रीगुडहाप्रमुखनानानगरग्रामवास्तव्यासंख्य श्रीविधि समुदाय श्रावक लोकमहामेलापकेन दिनदशपञ्चकादारभ्य संजायमानेषु भविष्यत्क्षुल्लकानां सविस्तरतरेषु पुष्पाङ्कदानमहामहोत्सवेषु, दीयमानेषु तालारासेषु, अनेक महामहर्द्धिकसुश्रावकलोकैः स्वर्णरजतवस्त्रान्नदानैः सफलीक्रियमाणेष्वमेयेषु स्वस्वापतेयेषु गीयमानेष्वविधव सुधवाभिर्नारीभिः स्थाने स्थाने गीतेषु, श्रीसंघपूजा - साधर्मिकवात्सल्यावारितसत्रामारिघोषणादिनानाप्रभावनासु प्रवर्तमानासु, सं० १३८३ वर्षे फाल्गुनवदिनवम्यामतिशयेन विषमदुःषमाकाले प्रवर्तमाने, सकलस्वपक्षपरपक्षोत्तममध्यमजघन्य लोकानां मस्तके हस्ताध्यारोहं... कुर्वाणामपि, निरुपम