Khartar Gacchha Bruhad Gurvavali

Author(s): Jinpal Upadhyaya, Jinvijay
Publisher: Singhi Jain Shastra Shiksha Pith Mumbai

Page 120

वृद्धाचार्यप्रबन्धावलिः ।
९३
जोगिनीपीठे विहारो निसिद्धो तेहिं । तओ ढिल्लीपुरसंघस्स अन्भत्थणावसेण जिणचंदसूरी आगओ जोगिनीपीठे । पवेसमहोच्छवमज्झे जोगिनीहिं छलिओ मओ । अजवि पुरातनढिल्लीमज्झे तस्स थुंभो अच्छइ । संघो तस्स जत्ता - कम्मं कुइ || इतिजिनचन्द्रसूरिप्रबन्धः || ६ ||
७. - जिनपतिसूरिप्रबन्धः ।
९. जिणचंद सूरिपट्टे सिरिजिणपतिसूरी हुत्था । सो विचारवरिसवइटिओ पट्टे ठाविओ । विहरंतो आसीनगरे समागओ। संघेहिं पवेसमहोच्छओ कओ महावित्थरेण । पुणो बिंबपइट्ठाकारावणमारद्धं संघेहिं । तयणंरे एगो विजासिद्धो जोगी आगओ भिक्खट्टा । विग्गचित्तो संघो कोवि तस्स भिक्खं न देइ । तओ सो रुट्टो । मूलनायगबिंबो कलिओ, गओ । पट्ठालग्गवेलाए सङ्घोवि संघो उट्ठावेउं लग्गो परं न उडेइ बिंबो । तओ संघो चिंताउरो जाओ । जोगिणं पिच्छंति, कत्थवि न लद्धो । तया साहुणीणं मज्झे जा महत्तरी अजिया सा आयरियं वंदित्ता एवं वृत्ता समाणा'भगवन् ! संघो हसइ, अम्हाणं भट्टारगो बालो तारिसी विज्जा नत्थि, किं किजइ' । तओ जिणपतिसूरी सीहासणाओ अन्ट्ठेइ, अब्भुट्ठेइत्ता सूरिमंतेण बिंबस्स मत्थए वासक्खेओ कओ । तक्कालं एगेण सावगेण उट्टाविओ बिंबो । बिंबप | महूसो जाओ । खरयरगच्छे जयजयसद्दो उच्छलिओ । अन्नं च - रायसभाए छत्तीसवादा जिया । जिनपतिसूरिणा पुणो खरयरगच्छ समायारी उद्धरिया । महापभावगो जाओ । जिणवल्लहरिकयस्स संघपट्टयपगरणस्स टीका जेण कया । इति जिनपतिसूरिप्रबन्धः ॥७॥
८. - जिनेश्वरसूरिप्रबन्धः ।
I
१०. जिनपतिरिपट्टे नेमिचन्द्र भंडारी जिणेसरसूरीणो (१) पिया संजाओ । तस्स दो सीसा संजाया । एगो सिरिमालो जिनसिंहसूरी। बीओ ओसवालो जिणप्पबोहरी । अन्नया जिणेसरसूरी पल्हूपुरे नियपोसहसालाए उवविट्ठो संतो सूरिस्स दंडगोअम्हा तडतडित्ति सर्वं काऊण दुहाखंडी संजाओ' । तओ सूरिणा भणियं - 'भो सीसा ! एस सदो कुओ संजाओ ?' | अवलोइऊण सीसेहिं कहियं - 'सामि ! तुम्ह हत्थदंडओ दुहा संजाओ । तओ चिंतियं आयरिएण'मम पच्छा दो गच्छा होहंति । तओ सयमेव नियहत्थे गच्छं करिस्सामि' । इत्थेव पत्थावे सिरिमालसंघेहिं मिलिऊण चितियं इत्थ देसे कोई गुरू नागच्छइ । पयलह गुरुसयासे गुरुं आणेमो । मिलिऊण सयलसंघो गुरुसमीवं गओ । वंदिऊण आयरियं विन्नत्तं सयलसंघेहिं - 'भो सामि ! अम्ह देसे कोवि गुरू नागच्छइ । तओ अम्हे किं करेमो । गुरुं विना सामग्गी न हवई' । तेण गुरुणा पुव्वनिमित्तं नाऊण जिणसिंघगणी लाडणुवाउत्तो सिरिमालवं सुब्भवो नियपट्टे ठविओ । नामधेयं कयं जिनसिंघसूरि सि । कहियं - 'एए सावया तुम्ह मए समप्पिया । गच्छह संघसहिओ' । तओ वंदिऊण गुरुं सावयसहिओ जिनसिंघसूरी समागओ । सव्वसिरिमालसंघेहिं कहियं - अज्जप्पभिइ एस मम धम्मायरिओ । अओ दो गच्छा संजाया । बारससय असीए संवच्छरे पल्हूपुरे नयरे जिणेसरसूरिणा जिनसिंघसूरी कओ । पउमावईमंतो उवएसिओ । केवइ वरिसेहिं जिनेसरसूरी देवलोयं गओ ||८||
९. - जिनसिंघसूरिप्रबन्धः ।
११. जिनेसरसूरिपट्टे जिनसिंघसूरी सजाओ । पउमावईमंतसा हणत परो निच्चं झाएइ । झाणावसाणे पउमावइए भणियं - 'तुह छम्मासाऊ वट्टइ' । तओ सूरिणा भणियं - ' मम सीसाणं पच्चक्खीभूया । कहसु मम पड्ढे को होही " तओ
मवईए भणियं - 'गच्छ मोहिलवाडीए नयरीए तांबीगोत्तपवित्तकारगो महाधरनामगो महड्डीओ सावगो अच्छइ । ततो रणपालो । तस्स भजाखेतलदेवीउयरे सुहडपाल इइ नामधेओ सबलक्खणसंपन्नो, तुह पट्टे जिणपहसूरी