Khartar Gacchha Bruhad Gurvavali

Author(s): Jinpal Upadhyaya, Jinvijay
Publisher: Singhi Jain Shastra Shiksha Pith Mumbai

Page 118

वृद्धाचार्यप्रबन्धावलिः। जायइ । पच्छा अभयदेवमूरिपोसहसालाए गओ। दिट्ठो सुविहियचूडामणिनिग्गंथो आयरिओ । तस्स सयासे दिक्खा गहिया। कमेण जोगवाहाविऊण गीयत्थो कओ। सव्वसंघअब्भत्थणावसाओ एगारह सइ सतसढे वरिसे अभयदेवसूरिणा सरिमंतो दिनो जिणवल्लहसरि इइ से नाम विहियं । सव्वत्थ विहरइ विहिपक्खथापगो सुविहियचक्कचूडामणी। संवेगपरायणो विहरंतो मेइणि मेदपाडदेसे चित्तकूडदुग्गे संपत्तो। तओ मिच्छत्तबहुलो लोओ जिणधम्म कोवि न पडिवजेइ । तओ सूरी चामुंडादेवीपासाए ठिओ । तओ रयणीसमए चामुंडा आगया। कंपियं पासायं । गुरूणं उवसग्गं काउमाढत्ता । सूरिणा सूरिमंतबलेण खीलिया वसीकया। छागाइजीववहबलिं छंडावियं । जिणसासणस्स पभावणा जाया। देवया भणियं-'मम नामेण गच्छनामं कुणह, जहा संतुट्ठा सहायं करेमि तुम्हं' । गुरुणा तहेव कयं । सव्वे लोया बोहिया । सम्मत्तं दिन ।
५. अन्नं च-जिणवल्लहसूरिसमीवे एगो सावगो साहारण इइ नामो निद्धणो धम्मिओ चिट्टइ। गुरुणा तस्स दसकोडिदव्वस्स परिग्गहो दिनो । रायपहाणपुत्तेण हसियं लोगसमक्खं । एसो दरिद्दी गिहे गिहे भोयणं करेइ । एयस्स दसकोडिदव्वपरिग्गहं पस्सह । गुरुणो वि तारिसा । तओ गुरुणा उत्तं-'भो पहाणपुत्त नो हसियव्वं एयस्स । एसो तव मत्थयाओ [क]करं उत्तारिस्सइ ति कटु । अन्नया गुरुवयणाओ साधारणसावगेण पंचसयमयणसगडाणि गहियाणि । तम्मज्झे उबरि मयणं मज्झे सुवन्नं । विक्वियं धणड्डो जाओ। रायपहाणपुत्तो रन्ना दंडिओ, बंधिओ। दव्वं नत्थि तस्स सिरे कक्करं दिन्न । साहारणसावगेण कोडिदव्वं दाऊण छोडाविओ । जिणपासायं कारियं चित्तकूडनगरे । जिणवल्लहरिणा पइट्टियं । सेत्तुजे संघाहियो जाओ । साहारणसावगो देवगुरुपयभत्तो परमसुसावगो।
अन्नं च - वागडदेसे दससहसगृहाणि सिरिमालाणं पडिवोहियाणि जिणवल्लहसूरिणा। पिंडविसुद्धियगरणं च रइयं ।। इति जिनवल्लभसूरिप्रबन्धः ॥४॥
५.-श्रीजिनदत्तसूरिप्रबन्धः । ६. जिणवल्लहरिपट्टे जुगप्पहाणा जिणदत्तमरिणो अणहिलपुरपत्तणे विहरिया । तत्थ सिरिनागदेवो नामसावगो परिवसइ । तस्स संसओ जाओ जुगप्पहाणस्स । सव्वे साहुणो अभिमाणवसेण नियनियगच्छे अप्पाणं आयरियं जुगप्पहाणतं वयंति । सम्मं न नजइ केणावि । तओ नागदेवसावगो गिरनारपब्बए अंबिकादेवीसिहरे गंतूण अट्ठमं तवं कयं । अंबिका पञ्चक्खीभूया । तस्स हत्थे अक्खरा लिहिया। एवं वयासी-'भो नागदेवसावगा! तुह चित्त जुगप्पहाणस्स संसओ अत्थि । गच्छह णं देवाणुप्पिया तुम अणहिलपुरपत्तणे । सव्याए पोसहसालाए चुलसीगच्छठियाणं आयरियाणं दरिसह नियहत्थं । जो हत्थक्खराणि वाएइ सो जुगप्पहाणो नायव्यो' । तओ देयावयणेणं नागदेवो तत्थ गओ। सव्याए पोसहसालाए आयरियाणं नियहत्थं दरिसियं, न कोवि वाएइ । तओ सोसावओ खरतरगच्छाहिवस्स जिणदत्तसूरिणो पोसहसालाए गओ। वंदिओ सूरी दिट्ठो हत्थो । मरिगा मोणं कयं । महाणुभागा नियगुणथुत्तिं न कुव्वंति, लजंति य । तओ सूरिणा तस्स समणोवासगस्स हत्थे वासक्खेवो कओ । गुरूणं आएसवसाओ सीसेण इइ अक्खराणि वाइयाणि
दासानुदासा इव सर्वदेवा यदीयपादाब्जतले लुठन्ति ।
मरुस्थलीकल्पतरुः स जीयाद् युगप्रधानो जिनदत्तसूरिः ॥१॥ तओ नागदेवेण निस्संसएण तिपयाहिणीकरेमाणो बारसावत्तवंदणेणं बंदिओ । सव्वविक्खाओ जाओ।
७. अन्नया जिणदत्तसूरी अजयमेरदुग्गं पइ विहरिओ। तत्थ चउसहिजोगिणीपीढं । जया जिणदत्तसूरी इत्थ चिट्ठिस्सइ, तया अम्हाणं पूयासकारो न भविस्सइ त्ति कटु, जोगिणीहिं विचिंतिऊण चउसट्ठिसावियारूवं काऊण