Kappasuttam Vhas Vises Chunni Sahiyam Part 01

Author(s): Bhadrabahuswami, Sanghdasgani Kshamashraman,
Publisher: Shubhabhilasha Trust

Page 423

३४२ विसेसचुण्णि
[राईभत्तपगयं चउगुरुया, परित्तढोड्ढरे, अझुसिराणं गोणखइएसु, गुलियाए, सुण्णघरे य चउलहुया । राईभोयणनिप्फण्णं च । 'बंधस्स परूवणा' सा थेरी जइ पाहुणयाणं देइ साणगोणेहिं वा अण्णेहिं वा खइए केच्चिरं कम्मबन्धो भवइ ? अन्नो भणइ-जाव कुलवंसो पहीणो । अन्नो - जाव नामगोत्तं पहीणं । अन्नो - जाव अट्टियाणि धरेंति । अन्नो - जाव आउं पहीणं । अन्नो - जाव दिणभत्तं । आयरिओ आह-एए सव्वे अणादेसा । अहं भणामि-ताव कम्मबंधो जाव तस्स ठाणस्स न पडिक्कमइ । एस पढमभंगो ।
इयाणिं द्वितीयभंगप्ररूपणार्थमिदमुच्यते - संखडिगमणे बीओ, वीयारगयस्स तइयओ होइ ।
सन्नायगमण चरिमो, तस्स इमे वन्निया भेदा ॥२८५४॥ [नि०] "संखडिगमणे०" गाहा । अस्य व्याख्या - गिरिजन्नगमाईसु व, संखडि उक्कोसलंभ बिइओ उ ।
अग्गिट्ठि मंगलट्ठी, पंथिगविइगाइसू तइओ ॥२८५५॥
"गिरिकन्नग०"गाहा । गिरिकन्ना भत्तवाल संखडी भण्णइ । सा लाडविसए वरिसारत्ते भवइ । गिरिकन्न त्ति भूमिदाहो भणितं होइ । तत्थ संखडी गओ । तत्थ तेण धरंतसूरे भिक्खं गहियं । जाव एइ ताव अत्थमिओ सूरो । सो य जाणइ-जाव गच्छिस्सामि ताव अस्थमेहिति, त ओहावि पडिग्गाहेत्ता राओ भुजइ । एस बिइओ भंगो।
__ तइयभंगो-अग्गिट्ठियाए, एए चेव मरुया भोइज्जति । हेमंतकाले तत्थ अणुग्गते गेण्हेज्ज । अहवा सन्नाभूमिं गओ । एए चेव सड्ढो य पाहुणओ संपट्ठिओ । तं साहुं मंगलनिमित्तं निमंतेज्जा-गेण्हह इच्छाकारेणं । तं गेण्हेज्ज । अहवा वइयाए अणुग्गते उच्चलियो कामाणं । आदिग्रहणेणं बाहिरग्गामे वा । एए चेव लोगा भोत्तुं कम्मकरओ जाइ । एवं तइयभंगो गओ। इयाणि चउत्थो भंगो -
छंदियसयंगयाण व, सन्नायगसंखडीइ वीसरणं । दिवसे गते संभरणं, खामण कल्लं न इण्हि ति ॥२८५६॥
"छंदिय०" गाहा । छंदित इति निमंत्रिता इत्यर्थः । केसिं चि संजयाणं सन्नातयाण संखडी । तत्थ निमंतिया वा अनिमंतिया वा ते साहू तत्थ गया। ताहे तेहिं गिहत्थेहिं ते संजया भणिया-अज्ज ! मा भिक्खं हिंडेज्जाह, इहं चेव संखडीए पज्जत्तं दाहामो । नवरं संजया विस्सरिया । जाहे लोगस्स दिन्नं जं दायव्वं जं च कायव्वं । ताहे खणीभूतेहिं रत्तिं संजयाणं ण
१. गिरिजन्ना इति चू, मुच, च मन्न ड।