Kappasuttam Vhas Vises Chunni Sahiyam Part 01

Author(s): Bhadrabahuswami, Sanghdasgani Kshamashraman,
Publisher: Shubhabhilasha Trust

Page 455

३७४
विसेसचुण्णि
[हरियाहडियापगयं वारेइ, सामत्थेण वा उरस्सबलेणं वारेइ । तत्थ जो अन्नो कोइ साहू दुब्बलो सो अप्पाणं भणइ -
को तुब्भं आयरितो ?, एवं परिपुच्छियम्मि अद्धाणे । जो कहयइ आयरियं, लग्गइ गुरुए चउम्मासे ॥३०१५॥ सत्थेणऽन्नेण गया, एहिंति व मग्गतो गुरू अहं । सथिल्लए व पुच्छह, हयं पलायं व साहिति ॥३०१६॥ जो वा दुब्बलदेहो, जुंगियदेहो असब्भवक्को वा । गुरु किल एएसिं अहं, न य मि पगब्भो गुरुगुणेहिं ॥३०१७॥ वाहीणं व अभिभूतो, खंज कुणी काणओ व हं जातो । मा मे बाहह सीसे, जं इच्छह तं कुणह मज्झं ॥३०१८॥ इहरा वि मरिउमिच्छं, संति सिस्साण देह मं हणह । मयमारगत्तणमिणं, जं कीड़ मुंचह सुते मे ॥३०१९॥ एयं पि ताव जाणह, रिसिवज्झा जह न सुंदरी होइ । इह य परत्थ य लोए, मुंचंतऽणुलोमिया एवं ॥३०२०॥ धम्मकहा चुण्णेहि व, मंत निमित्तेण वा वि विज्जाए । नित्थारेइ बलेण व, अप्पाणं चेव गच्छं च ॥३०२१॥
["को तुब्भं०" "सत्थेणऽन्नेण" "जो वा दुब्बल." "वाहीण." "इहरा वि०" "एयं पि ताव०""धम्मकहा०" सेसं गाहासिद्धं । 'ण य मि पगब्भो' त्ति । न य संपुण्णेहिं गुरुगुणेहिं, जाव "मुंचतणुलोमिया एवं'।
विसज्जिया व तेणं, पंथं फिडिया व हिंडमाणा वा ।
गंतूण तेणपल्लिं, धम्मकहाईहिं पन्नवणा ॥३०२२॥
"विसज्जिया व०" गाहा । तेणेहिं उवहिं हरेत्ता विसज्जिया । जइ न गवेस्संति उवहिं चउलया। तम्हा गवेसियव्वो । तेणपल्लिं गंतव्वं । ताहे जइ तेणपल्लीए पंथं ण याणंति ताहे जे अन्न केइ दीसेज्ज ते पंथं पुच्छित्ता चोरपल्लिं गंतव्वं ।
भद्दमभदं अहिवं, नाउं भद्दे विसंति तं पल्लिं । फिडिया मु त्ति य पंथं, भणंति पुट्ठा कहिं पल्लिं ॥३०२३॥