Kappasuttam Vhas Vises Chunni Sahiyam Part 01

Book Title: Kappasuttam Vhas Vises Chunni Sahiyam Part 01
Author(s): Bhadrabahuswami, Sanghdasgani Kshamashraman, 
Publisher: Shubhabhilasha Trust

View full book textPrevious | Next

Page 500
________________

४१९
भासगाहा-३२६६-३२७५] पढमो उद्देसो सो । खंदओ सावओ पंचहिं सएहिं पव्वइओ मुणिसुव्वयसगासे । अन्नया तित्थकरं पुच्छइविहरामि । भयवया वारिओ य-उवसग्गं ति । पुणो पुच्छइ-आराहया विराहया ? 'तुमं मोत्तुं सेसा आराहया' । सो गओ कुंभकारकडं नगरं । तत्थ य अग्गुज्जाणे ठिओ । पालकेण य दिट्ठो । ताहे तेण पुव्ववेरेण राया वुग्गाहिओ । एस परीसहपराइओ पंचहिं सएहिं सद्धिं रज्जं गहेच्छिइ । सो न पत्तियइ । ताहे तेण आउहाणि अग्गुज्जाणे छूढाणि ताणि दरिसियाणि । रन्ना भणिओ-तुमं चेव जं जाणसि तं करेहि से । तेण पुरिसजंतं काउं ते सव्वे आरद्धा पीलेउं । ता खंदएणं भणियं-मए पढमं मारेहि । ताहे सो भणइ-एए तुमं पेच्छाहि सीसे मारिज्जते । एवं तेण सव्वे मारिया। सव्वे सिद्धा । पच्छा तस्स खंदगस्स असुभो परिणामो जाओ-अहो ! हं एएण सासिओ। तेण निदाणं कयं । अग्गिकुमारेसु उववन्नो । एयदेवार्थं ।
दोच्चेण आगतो खंदएण वादे पराजितो कुवितो । खंदगसिक्खा' पुच्छा, णिवारणाऽऽराध तव्वज्जा ॥३२७२॥ उज्जाणाऽऽयुध णूमण, णिवकहणं कोव जंतयं पुव्वं । बंध चिरिक्क णिदाणे, कंबलदाणे रयोहरणं ॥३२७३॥
अग्गिकुमारुववातो, भीता देवीय चिण्ह रयहरणं । खिज्जण सपरिसदिक्खा, जिण साहर वात डाहो य ॥३२७४॥
"दोच्चेण०" ["उज्जाणा०" "अग्गि-कुमारुववातो."] गाहात्रयं कण्ठयम् । 'सिक्ख' त्ति आसेवणसिक्खं गहणसिक्खं च गेन्हिउं आपुच्छइ । 'बंध' त्ति बंधित्तुं३ पीलिया। 'कंबलदाणे' त्ति भइणीय से कंबलरयणं दिन्नं । तत्थ रयहरणं कयं, मारिजंते तं रयहरणं रुहिरुचिरिंकाहिं भरियं सन्हाए हरित्तु देवीए अग्गओ पाडियं 'भीया देवी य' त्ति कओ एस रयहरणो ? किं मम भायारिओ। 'खिज्जण' त्ति ते खंजिया' । ताहे सव्वओ समंता सजोयणं तणं वा कटुं वा साहरिउं दटुं। सो य णेणं पुरोहिओ सपुत्रदारो कुंभीपाएण दड्डो । पुरंदरजसा वि तित्थकरपादमूले साहिया । एवमादिया दोसा बहियागमणे, तम्हा बाहिं ण गंतव्वं । “एएण०" पच्छद्धं (गा० ३२७१) । एस ताव तदा पन्नवणा प्रतीत्य गतं ।
इदाणिं कालं पडुच्च । जत्थ जत्थ णाण-दसण-चरित्ताणि उस्संपंति तत्थ तत्थ विहरियव्वं । एयमणागओभासियं भणइ । तं पुण कहं जायं जहा ताणि उस्सप्पंति ।
कोसंबाऽऽहारकते, अज्जसुहत्थीण दमगपव्वज्जा । अव्वत्तेणं सामाइएण रण्णो घरे जातो ॥३२७५॥
१. दिक्खा मुच । २. चिंता मुच । ३. तं घित्तुं ब । ४. खेडिया ड खंजिया क।


Page Navigation
1 ... 498 499 500 501 502 503 504