Kappasuttam Vhas Vises Chunni Sahiyam Part 01

Author(s): Bhadrabahuswami, Sanghdasgani Kshamashraman,
Publisher: Shubhabhilasha Trust

Page 475

३९४ विसेसचुण्णि
[अद्धाणपगयं उंबर कोंट्टिबेसु व, देवउले वा णिवेदणं रण्णो । कतकरणे करणं वा, असती नंदी दुविहदव्वे ॥३१३१॥
"उंबर०" गाहा । कण्ठ्या । 'कोटुिंबेसु व' त्ति । जहिं गोहत्थं दिज्जइ जाव उवसामिज्जइ ताव एसा जयणा । अह न तीरति उवसामिउं ताहे संजओ जो कयकरणो सो करणं करेइ । जाहे ण सक्का नत्थि वा ताहे 'नंदी दुविहदव्वे' ।
तइए वि होति जतणा, वत्थे पादे अलब्भमाणम्मि । उच्छुद्ध विप्पइण्णे, एसणमादीसु जतितव्वं ॥३१३२॥
"ततिए वि०" गाहा । ततिए जयणा वत्थे पादे अलब्भंते जत्थ पडिसेवंति तत्थ पुव्वगहिएणं अच्छंति जाव उवसमइ । अह ण होज्ज ताहे पुराणादीहिं जइयव्वं । उच्छुड्डविप्पइण्णाणि वा गेण्हंति जयणाए ।
हियसेसियस्सरे असती, तण अगणी सिक्कगा व वागा वा ।
पेहुणचम्मग्गहणं, भत्तं तु पलास पाणिसु वा ॥३१३३॥
"हियसेसगाण असती०" गाहा । तणाणि वा गेण्हेज्ज, अगणिं वा सेवेज्जा, सिक्कएहि वा पात्रे हिंडावेज्जा, वक्कमया वा पाउरणा गेण्हेज्ज, मोरिंगमया वा, जहा वाडियाणं पाउरणाणि । पलासपत्तेसु भत्तं गिण्हेज्ज, पाणिसु वा गेण्हेज्ज ।
असई य लिंगकरणं, पण्णवणट्ठा सयं व गहणट्ठा ।
आगाढ़े कारणम्मि, जहेव हंसादिणं गहणं ॥३१३४॥ "असई य लिंगकरणं०" गाहा । कण्ठ्या । दुविहम्मि भेरवम्मि, विज्ज णिमित्ते य चुण्ण देवी य । सेट्ठिम्मि अमच्चम्मि य, एसणमादीसु जतितव्वं ॥३१३५॥
"दुविहम्मि०" गाहा । जीवियाओ चरित्ताओ वा जो भंसेइ तत्थ विज्जादीहिं वसीकरेंति । सो य अणुसट्ठादीहिं पण्णविज्जति । विज्जानिमित्तचुण्णादीहिं वा 'देवि य' त्ति जा तस्स महादेवी इट्ठा सा विज्जादीहिं आउट्टाविज्जइ, खंतिया खंतिओ वा, से जइ तेहिं भणंतो ठिओ सुंदरं, अह न ट्ठाइ "सेट्टिम्मि०" पच्छद्धं । जाव पसाइज्जइ ताव सेट्ठि-अमच्चाणं उवग्गहेणं अच्चंति। एसणादीस जयंता पासंडगणं वा उवट्टायति । ताहे ते उवसामेंति अणुसासणादीहिं।
१. गोभत्तं इति भाव्यम् ? २. हिययेसगाण मुच ।