Kappasuttam Vhas Vises Chunni Sahiyam Part 01

Author(s): Bhadrabahuswami, Sanghdasgani Kshamashraman,
Publisher: Shubhabhilasha Trust

Page 480

३९९
भासगाहा-३१५१-३१६३] पढमो उद्देसो
"वाले०" गाहा । कण्ठ्या । संजमविराहणा दारगाहाए पच्छद्धेण चेव विभासा कया । एए पंथे दोसा उक्ता । अधुना प्राप्ते दोषा उच्यन्ते -
वसहीए जे दोसा, परउत्थियतज्जणा य बिलधम्मो ।
आतोज्जगीतसद्दे, इत्थीसद्दे य सविकारे ॥३१५८॥ "वसहीए०" दारगाहा । तत्थ वसहीदोसा -
आहाकम्मियमादी, मंडवमादीसु होति अणुमण्णा । रुक्खे अब्भावासे, उवरिं दोसो परूवेस्सं ॥३१५९॥
"आहाकम्मिय०" गाहा। अह वसही अलब्भमाणा रुक्खहेट्ठा ठायंति आगासे वा तत्थ जे दोसा उवरि भणिहिंति । इमम्मि चेव सत्ते परउत्थियतज्जण त्ति दारं -
इंदियमुंडे मा किंचि बेह मा णे डहेज्ज सावेणं ।
पेहासोयादीसु य, असंखडं हेउवादो य ॥३१६०॥
"इंदियमुंडे०" गाहा । पडिलेहणियं करेंता दवअप्पकलुसादी सोयवादिया दटुं-एते असुइया न सोया असोयादी एवं असंखडेंति, हेउणा वातं(दं) मग्गंति । बिलधम्मेणं ति दारं -
भिंगारेण ण दिण्णा, ण य तुझं पेतिगी सभा एसा ।
अतिबहुओ ओवासो, गहितो णु तुए कलहों एवं ॥३१६१॥ "भिंगारेण०" गाहा । ण तुब्भं भिंगारेण वाइया । सेसं कण्ठ्यम् । चशब्दादिमं - तत्थ य अतिंत णेतो, संविट्ठो वा छिवेज्ज इत्थीओ । इच्छमणिच्छे दोसा, भुत्तमभुत्ते य फासादी ॥३१६२॥
“तत्थ य अइंत०" गाहा । तत्थ बिलधम्मेण वसंताणं-तुमे संथारओ मम अक्कंतो एवमादि भंडणं होज्ज । 'भुत्तमभुत्ते' त्ति भुत्तभोगीणं सइकरणं, अभुत्तभोगीणं कोउगं । 'आउज्ज गीतसद्दे इत्थीसद्दे य सविकारे' त्ति । (गा० ३१५८) आउज्जाणं सदं सोऊणं, नट्टणाडयाण य दट्ठणं अविरइयाओ य अलंकियविभूसियाओ दट्टणं विकारं करेज्ज । तासिं सदं सोऊण भुत्तभोगीणं पडिगमणादी ।
आवासग सज्झाए, पडिलेहण भुंजणे य भासाए । वीयारे गेलण्णे, जा जहिं आरोवणा भणिया ॥३१६३॥