Kappasuttam Vhas Vises Chunni Sahiyam Part 01

Author(s): Bhadrabahuswami, Sanghdasgani Kshamashraman,
Publisher: Shubhabhilasha Trust

Page 444

३६३
भासगाहा-२९५३-२९६३] पढमो उद्देसो
भूमिघर देउले वा, सहियावरणे व रहियआवरणे । रहिए विज्जा अच्चित्तम मीस सच्चित्त गुरु आणा ॥२९५८॥ [नि० ]
"भूमिघर०" गाहा । जं भूमिघरं देउलिया वा सकवाडा तत्थ ठाइयव्वं । 'सहितावरणे' त्ति सकवाडं, 'रहियावरणे' त्ति अकवाडं । सकवाडस्स असईए अकवाडे ठायंति । ताहे अन्नकवाडं आणेत्ता तेण ठएंति । असई कवाडस्स विज्जाए दारं ठएंति । विज्जाऽसतीए अचित्तकंटियाए, असई मीसियाए, असई सच्चित्ताए वि । यदेतदुक्तं अस्य व्याख्या -
सकवाडम्मि उ पुट्वि, तस्सऽसई आणइंति उ कवाडं । विज्जाएँ कंटियाहि व, अचित्तचित्ताहि वि ठयंति ॥२९५९॥ "सकवाडम्मि०" गाहा । कण्ठ्या । एएसिं असईए, पागार वई व रुक्ख नीसाए । परिखेव विज्ज अच्चित्त मीस सच्चित्त गुरु आणा ॥२९६०॥ गिरि नइ तलागमाई, एमेवागम ठएंति विज्जाई । एग दुगे तिदिसिं वा, ठएंति असईएँ सव्वत्तो ॥२९६१॥
"एएसिं असईए०" [“गिरि नइ०"] गाहा । पागारं वा रुक्खं वा गिरिं वा णदिं वा तलायं वा । आदिग्रहणात् खड्डा वि तडीए एएसिं एगतरं णिसाए । यत्र एको प्रवेशनद्वारो भवति सेसासु दिसासु नत्थि पवेसो तत्थ ठायंति, असईए दुविहपवेसेहि, तस्स असईए तिहिं वि पवेसेहिं, असईए आगासे वि सव्वत्थ विज्जाए दारं ठएंति । जत्थ आगासं तत्थ समंतओ दंडपरिहारविज्जाए बंधति । असईए 'गुरुआण' त्ति ।
नाउमगीयं बलिणं, अविजाणंता व तेसि बलसारं । घोरे भयम्मि थेरा, भणंति अविगीयथेज्जत्थं ॥२९६२॥ आयरिए गच्छम्मि य, कुल गण संघे य चेइय विणासे । आलोइयपडिकंतो, सुद्धो जं निज्जरा विउला ॥२९६३॥
"नाउमगीयं०" ["आयरिए०"] गाहाद्वयं कण्ठ्यम् । थिरीकरणार्थं थेज्जत्थं । एवमुक्तं आचार्येण तओ सो अगीतो महइमहालियं गयं लउडं वा गहाय उट्ठिओ भणइ-सुवह वीसत्था, अहं सीहादि वारेमि । ते सुत्ता । सो जग्गइ गयाहत्थो । सीहो आगओ । तेण इसि त्ति आहओ। णाहओ, णाइदूरं गंता मओ । अन्नो सीहो आगओ । सो चिंतेइ-सो चेव पुणो