Kappasuttam Vhas Vises Chunni Sahiyam Part 01

Author(s): Bhadrabahuswami, Sanghdasgani Kshamashraman,
Publisher: Shubhabhilasha Trust

Page 428

भासगाहा-२८७०-२८७८] पढमो उद्देसो
३४७ “बिइयपदं०" गाहा । तत्थ गेलन्ने ताव - पइदिणमलब्भमाणे, विसोहि समइच्छिउं पढमभंगो । दुल्लभ दिवसंते वा, अहिसूलरुयाइसुं बिइओ ॥२८७३॥
"पइदिण०" गाहा । 'सोहि बोलिण'त्ति (?) जया अन्नं न लब्भइ तया पणगादि जाव मासलहुं तत्थ पच्छित्तं गेण्हइ, तओ मासगुरु,२ तओ चउलहुया । एएहिं वोलीणेहिं पढमभंगे गेण्हइ । 'दिया घेत्तुं दिया भुंजइ' परिवासितमित्यर्थः । 'अद्धाणे' आदिग्गहणेणं ओमोयरियाए जुवलो वा बालो वा वुड्डो य तेसिं अणहियासाण तिक्खछुह-तिक्खतण्हाण कस्सइ वा मूलं रत्तिं जायइ, अहिणा वा खाइओ, तस्स रत्तिं वेगो भवइ । आदिग्गहणेण३ अग्गियावाही ताहे दिया घेत्तुं रत्तिं दिज्जइ।
एमेव तइयभंगो, आइ तमो अंतए पगासो उ । दुहओ वि अप्पगासो, एमेव य अंतिमो भंगो ॥२८७४॥ पढमबिइयाउरस्सा, असहुस्स हवेज्ज अहव जुअलस्स ।
कालम्मि दुरहियासे, भंगचउक्केण गहणं तु ॥२८७५॥
“एमेव०" [“पढमबिइया०"] गाहा । एवमवहरणे जे पढमबिइएसु भंगेसु कारणा ते तइयचउत्थेसु वि भंगेसु होज्ज अद्धाणपडिवण्णाणं । अन्नहा नत्थि लंभो । ताहे चउसु वि भंगेसु विभासा । रुया = रोगो जेण घेप्पेज्ज भुंजेज्ज वा । आदिगहणेण दुब्भिक्खे परं रत्तिं लब्भइ ।
एमेव उत्तमद्वे, चंदगवेज्झसरिसे भवे भंगा । उभयपगासो पढमो, आदी अंते य सव्वतमो ॥२८७६॥
"एमेव उत्तिमट्टे०" गाहा । 'चंदगवेझं' जहा-इंदपुरे इंददत्ते, पूतलिया अच्छिम्मि विधेयव्वा । एवं णमोक्कारं मा णाराहेहिति तो दिज्जइ मग्गंतो ।
अद्धाणम्मि व होज्जा, भंगा चउरो उ तं न कप्पइ उ । दुविहा उ होति उ दरा, पोट्टे तह धन्नभाणे य ॥२८७७॥ उद्दद्दरे सुभिक्खे, अद्धाणपवज्जणं तु दप्पेण ।
लहुगा पुण सुद्धपए, जं वा आवज्जई जत्थ ॥२८७८॥
"अद्धाणम्मि०" ["उद्दद्दरे०"] गाहाद्वयं कण्ठ्यम् । उदरा पूरिजंति इति उद्दद्दरा । ते दुविहा पोट्टदरा धण्णदरा य । किंचि उद्दडुरं णो सुभिक्खं । एवं चत्तारि भंगा । तइयभंगे गच्छ।
१. न नास्ति अइ। २. तओ मासगुरु पुनरावर्तते ब। ३. नास्ति ड। ४. ऊर्ध्वदरमपि सुभिक्षमपि १, ऊर्ध्वदरमसुभिक्षं २, सुभिक्षं नोर्ध्वदरं ३, नोर्ध्वदरं न सुभिक्षम् ४, (मलवृ) ।