Jain Adarsh Prasango Part 07

Author(s): Bhadreshwarvijay
Publisher: Bhadreshwarvijay

Page 7

કલિકાળમાં મોટાભાગના બાળકો ૧૦ મહિના સુધી સ્કૂલ, ક્લાસ, લેશન અને ટીવીના ચક્કરમાં એવા ફસાયેલા હોય છે કે રમવાનો પણ સમય ઘણી વાર નથી મળતો. વેકેશનમાં બે મહિના માંડ રમવાનો સમય મળતો હોય, તેમાં ૯૯ યાત્રાની આરાધના કરનાર બાળકોને ધન્યવાદ છે. તેમના માતાપિતાઓને તો ખૂબ ધન્યવાદ છે કે પોતાના કાળજાના ટુકડાને કયૂટર ક્લાસ, કરાટે ક્લાસ જેવા ક્લાસીસને બદલે પુણ્યાનુબંધી પુણ્યનું ઉપાર્જન કરનારા આવા આરાધનાના ક્લાસમાં મોકલ્યા. હે મા-બાપો ! તમે પણ તમારા સંતાનોનું હિત ઇચ્છતા હો તો છેવટે વેકેશનમાં પણ આવી તીર્થયાત્રા, પ્રભુભક્તિ, પાઠશાળા, શિબિર, ધાર્મિક વાંચન વગેરે ઉત્તમ આરાધનાઓની પ્રેરણા કરી સ્વપરહિત કરશો.
પાંચ વર્ષથી આ ઉત્તરોત્તર વૃદ્ધિના માર્ગે આગળ વધી રહેલા મિશનનું છઠું વર્ષ તો કોણ જાણે કયો રેકોર્ડ તોડશે ? એ ભવિષ્ય જ દેખાડશે. કહેવાય છે ને કે “આગે આગે દેખતે જાવ હોતા હૈ ક્યા ?”
૨. વર્ષીતપથી કીડનીના રોગનો નાશ
વડોદરાના એ ભાગ્યશાળીનું નામ નિપુણભાઈ છેલ્લા બે વર્ષથી કિડનીની બિમારી હતી. મોટા પ્રસિદ્ધ ડૉક્ટરોને બતાવ્યું પણ કોઈ ફેર ન પડ્યો, દર્દ વધતું જ ગયું.
નડિયાદની કિડની હોસ્પિટલમાં તપાસ કરાવતા ડૉક્ટરોએ જણાવ્યું કે બંને કિડની ફેઈલ છે, ઓપરેશન કરાવવું પડશે. અસહ્ય વેદનાને લીધે શારીરિક અને માનસિક રીતે હારી ગયેલા. મૃત્યુ સામે જ દેખાવા માંડ્યું. વિચાર્યું કે પહેલાં મોડા મરવાનું તો છે જ, તો પછી ઓપરેશન કરી આ દેહને શું કામ દુ:ખી કરવો ? સગાઓએ ઓપરેશન માટે ખૂબ આગ્રહ કર્યો પણ નિપુણભાઈએ અસંમતિ દર્શાવી.
લત
જૈન આદર્શ પ્રસંગો-&|