________________
૧૧. નવકાર કરે ભવપાર ૭-૮ વર્ષ પૂર્વ મુલુંડના સુનિલને છેલ્લાં કેટલાંક મહિનાઓથી માથાના દુઃખાવાની મુશ્કેલી હતી. દિવસમાં ૨૪ કલાકમાંથી ૧૮ કલાક જેટલો સતત દુઃખાવો ચાલુ જ રહે. અનેક ડૉક્ટરોની અનેક જાતની દવાઓ, જુદા જુદા નિદાનોથી કંટાળ્યો હતો. દર્દ સહન થાય નહિ. દુ:ખાવો વધતો ચાલ્યો, માથા પછાડવા પડે, ચક્કર આવે. તેની મમ્મી જૈન આદર્શ પ્રસંગોના ભાગ ૧ થી ૬નું પુસ્તક વાંચતી હતી. અને સુનિલે આ ચોપડી જોઈ વાંચવા લીધી. તેમાં નવકારનો પ્રભાવ વાંચી પોતે નવકારના શરણે જવા નક્કી કર્યું.
શ્રદ્ધાથી નવકાર ગણવાના શરૂ કર્યા. ૧૦૦-૨૦૦ નવકાર પૂર્ણ કર્યા કે થોડો ફરક લાગવા માંડ્યો. જેમ જેમ નવકાર ગણાતા ગયા કે દુઃખાવો ઘટતો ગયો. આશરે ૫000 જેટલાં નવકાર પૂર્ણ થયા ત્યારે માથાનો દુઃખાવો લગભગ મટી ગયો !! સીટી સ્કેનનો રીપોર્ટ પણ નોર્મલ આવ્યો. નવકારના પ્રભાવે માથાનો દુઃખાવો મટી ગયો. અંતે એટલું જ કહેવું રહ્યું કે નવકાર એ સઘળા દુઃખોને દૂર કરવાની માસ્ટર કી છે. એકવાર શ્રદ્ધાથી અનુભવ તો કરી જુઓ.
૧૨. બેડ રેસ્ટ છતાં તપસ્વી જામનગરના એ શ્રાવિકાની ઉંમર આશરે ૭૦ વર્ષ. ઘણા વર્ષોથી તબિયત ખરાબ હોવાથી ઘણું ખરું પથારીમાં જ સૂતા રહેવું પડે. આમ છતાં આવી અવસ્થામાં પણ છેલ્લાં ૧ વર્ષમાં વર્ધમાન તપનો પાયો નાંખ્યો કે જેમાં ૧૫ આયંબિલ અને ૫ ઉપવાસ આવે, તેમજ ૨ મહિના એકાસણા, ૧૦૮ પાર્શ્વનાથ તપ, વર્ધમાન તપની ૧૨ ઓળી પૂર્ણ કરી. આ ૧ વર્ષમાં આટલા તપના પ્રભાવે તબિયત ખૂબ સારી રહેતી, સમતા પણ જોરદાર. ડાયાબીટીસ, સંધિવા, બી.પી. જેવા રોગો હોવા છતાં તપના પ્રભાવે ખૂબ રાહત છે. | જૈન આદર્શ પ્રસંગો-b] R ... [ ૧૮ ]
