________________
આવી શિબિર ગોઠવી જિનશાસનની ભાવી પેઢીને તૈયાર કરવાનો પ્રયત્ન કરે છે. અનેક યુવાનો, યુવા મંડળો વ્યવસ્થા સંભાળવા પોતાના ધંધા નોકરી છોડી આ શિબિરાર્થીઓની પાછળ ભોગ આપે છે. પૂ.આ. શ્રી પ્રેમસૂરીજીની પ્રેરણાથી પૂ.આ. શ્રી ભુવનભાનુસૂરીજીએ સૌ પ્રથમ આ શિબિરોની શરૂઆત કરી. આજે તો અનેક સમુદાયના અનેક મહાત્માઓ શિબિરના નામે કે અલગ નામે આવી સંસ્કાર શ્રેણી રાખતા થયા. આજે અનેક સંયમીઓ, ઉત્તમ ટ્રસ્ટીઓ, શ્રેષ્ઠ આરાધકો આવી શિબિરના પ્રભાવે જૈનશાસનને મળ્યા છે.
પૂર્વે શિબિરોનો વિરોધ કરનારા શિબિરોના ઉત્તમ પરિણામ જોઈ આજે શિબિરો રાખતા થયા છે. આવી શિબિરોમાં આપના બાળકોને છેવટે ચોમાસામાં કે વેકેશનમાં પણ મોકલી તેમનું હિત કરો એ જ શુભેચ્છા.
૩૬. પાપની કમાણીનો પરચો આજથી ૧૫-૧૭ વર્ષ પૂર્વેની વાત છે. અમદાવાદના કૈલાશભાઈ (નામ બદલ્યું છે) ને શેરબજારનો ધંધો હતો. લાખો રૂપિયા આ ધંધામાં કમાયા. નવો બંગલો રહેવા માટે ખરીદ્યો. ફર્નીચર સાથે બંગલો તૈયાર થયો. રહેવા જવાનો દિવસ આવી ગયો.
સવારના પ્રવેશ પૂર્વે રસ્તામાં કૈલાશભાઈને એક્સીડન્ટ થયો, હોસ્પિટલમાં દાખલ થવું પડ્યું. ઘરના પ્રવેશને બદલે હોસ્પિટલમાં પ્રવેશ થયો. ૨-૪ મહિના હોસ્પિટલમાં રહેવું પડ્યું. પછી પણ ઘરમાં સંપૂર્ણ બેડ રેસ્ટ જ કરવો પડતો. જાતે ઊઠી નહોતા શકતા. ૧-૨ વર્ષ આમ જ નીકળી ગયા. બંગલામાં ૧૨ રૂમમાંથી માત્ર ૧ જ રૂમમાં ૨ વર્ષ પસાર કરી છેવટે ભારે કર્મના ઉદયે પરલોક સીધાવી ગયા. ૧જૈન આદર્શ પ્રસંગો- છિ [૪૬]
