________________ અમદાવાદમાં જ એક યુવાન મળવા આવેલો ત્યારે કહેતો હતો કે છેલ્લાં 5 વર્ષની રોજની લે-વેચમાં ક્યારેક થોડું કમાયા પણ મોટે ભાગે ઘણું ગુમાવ્યું. શેરબજારનો સમય 9 થી ૩નો હોય ત્યારે ટીવી સામે જ બેઠા રહીએ. એ સમયે માત્ર પૈસાની લેગ્યાના અતિ ગાઢ પાપો બાંધવાના અને વળી એ સમયે પુત્ર વિગેરે કોઈ વાત કરવા આવે તો પણ ગુસ્સો આવી જાય ને લાફો મારી દઈએ. સ્વભાવ ચીડીયો બની જાય. કોકનો ગુસ્સો કોક પર ઉતરે. એક બાજુ પૈસા ગુમાવવાના અને બીજી બાજુ ઘરમાં ઝઘડા, ક્લેશો ઉભા થાય, પત્ની પણ કંટાળી જાય. એના કરતાં નિયમ આપો કે હવે ક્યારેય આવો રોજનો લે-વેચનો ધંધો મારે નહિ કરવો. જુગાર જેવું વ્યસન કે જેમાં પ્રભુનો નિષેધ હોય એવું પાપ તમે ન કરો તો જ ટેન્શન વગેરે દુઃખોથી બચી જશો. નક્કી કરજો કે પૈસા ઓછા મળશે તો ચાલશે પણ કર્માદાનના પાપના પૈસા નહિ જ જોઈએ. 37. એના મહિમાનો નહિ પાર એક શ્રાવિકાબેનના જીવનનો પ્રસંગ છે. તે લખે છે કે અમે 50 જેટલી બેનો હતી. અમે શીખરજીની જાત્રા કરવા ગયેલા. ત્યાં જાત્રા કરી અમે પંચતીર્થી કરવા જતા હતા. જિયાગંજ અને અજિમાગંજ દર્શનાર્થે જતા હતા. રસ્તામાં લૂંટારૂ ટોળી આવી. અમારી બસને ઘેરી વળી. અમે નવકાર મંત્રના જાપ ચાલુ કરી દીધા. નવકાર મંત્રના જાપના પ્રભાવે અચાનક એક પોલીસ વાન આવી પહોંચી ! અને લૂંટારા ભાગ્યા. પોલીસ અમને સુરક્ષિત જગ્યા પર લઈ ગઈ અને અમે લૂંટારૂં ટોળીથી બચી ગયા. નવકાર કરે ભવપાર. | ભાગ-૭ સંપૂર્ણ | જૈન આદર્શ પ્રસંગો- કુણિક [48]
