________________
પૂ. સાધ્વીજીએ કહ્યું, “અહીં રહેવું હોય તો તારા મમ્મી-પપ્પાને પૂછી આવ, હા પાડે તો જ અહીં રાખીએ.”
જયણા ઘરે આવી માતા-પિતાને પૂછે છે. અર્જન મા-બાપે એક જ વિચાર કર્યો કે મારું સંતાન સંત પાસે રહે તેમાં મને શું સંતાપ હોઈ શકે ? ખુશીથી રહે. જયણા પછી પૂ. સાધ્વીજી મ.સા. પાસે રહે છે ! આખુ ચાતુર્માસ ત્યાં જ રહી !! ક્યારેક કપડા લેવા ઘરે જતી, બાકી ખાસ ઘરે જતી ન હતી.
ચોમાસું પૂર્ણ થયું ને પૂ. સાધ્વીજીનો વિહાર નક્કી થયો અને મા-બાપની રજાપૂર્વક જયણા વિહારમાં સાથે ગઈ ! થોડાક સમયમાં દીક્ષા લેવાની ભાવના જોઈ મા-બાપે રજા આપી ! ભાયંદરમાં સુદામા ટાવરના સંઘમાં ધામધૂમપૂર્વક દીક્ષા થઈ. અનેક લોકો બાળ સાધ્વીજીને જોઈ આનંદ સાથે આશ્ચર્યને પામ્યા. ધન્ય છે જિનશાસનને !! જો કે આ દીક્ષાની ખાસ જાહેરાતો કરી ન હતી. તેની પાછળનું કારણ એ જ કે આજે બાળદીક્ષાના અનેક વિરોધીઓ પોલીસના લફરામાં પાડતાં હોય છે. બાળદીક્ષા એ શાસ્ત્રીય વિધાન છે. સાતઆઠ વર્ષની ઉંમરમાં પણ દીક્ષા આપવામાં જૈન શાસ્ત્રો સંમત છે. અનેક મહાન આચાર્યો જેવા કે કલિકાલ સર્વજ્ઞ હેમચંદ્રસૂરિજી, આ. બપ્પભટ્ટસૂરિજી વિ. એ ૬ વર્ષની ઉંમરે દીક્ષા લઈ જોરદાર સાધના કરી. શાસન પ્રભાવક બની અનેકોને ધર્મ પમાડ્યો !!
૨ વર્ષની ઉંમરમાં તો ટેણિયાને પ્લે ગ્રુપમાં મૂકવા, ૩-૪ વર્ષની ઉંમરે તો દફતરો ઉંચકીને જવાનું, પ-૬ વર્ષે તો સ્કૂલ, ટ્યૂશન, લેશનમાં જ ૮-૧૦ કલાક વીતાવનારા છોકરાઓના વડિલો બળજબરીથી ભણાવવાનો કે હેરાન કરવાનો કોઈ આરોપ નથી
[ જૈન આદર્શ પ્રસંગો-છ
25 [૪]
