________________
છે. ચોવિહારનું ટીફીન જોડે હોવા છતાં ઘરાકીમાં સમય ન મળવાથી પાણી પીને ચોવિહાર કરે ને ટીફીન પડ્યું રહે. દિવાળી જેવા દિવસોમાં તો ઘરાકો રાત્રે મોડા સુધી પણ દુકાન બંધ કરવા દેતાં નથી. ત્યારે પણ ઘરાકોનો માલ લેવાનો ચાલુ હોય. છેવટે આવતીકાલે આવવાની વિનંતી કરે ત્યારે માંડ રાત્રે મોડા દુકાન બંધ થાય. પરમાત્માની આજ્ઞા પરની ગાઢ શ્રદ્ધા શું કામ કરે છે ? લોકોની દુકાન બપોરે ૧૨ વાગે કે ૨ વાગે પણ ન ચાલે પણ આમની રાત્રે પણ ચાલે છે.
(૩) મૂળનાયક પ્રભુ શ્રી મુનિસુવ્રતસ્વામી પર દ્રઢ શ્રદ્ધા એમના જીવનમાં જોઈ છે. દાદાને જોઈને આંખોમાંથી અશ્રુનો શુભ સ્રોત વહે. ખૂબ ખુશ થાય. એક વાર તો રોડ પર હજારો રૂપિયાનું પાકીટ રહી જવા છતાં દાદાની કૃપાથી ૩-૪ કલાકે તપાસ કરતાં પાછું મળી આવ્યું. એક વાર ૩૫-૪૦ હજારનું પાકીટ ભરચક રોડ પર આખી રાત રહી ગયું ને બીજે દિવસે તપાસ કરતાં પાછું મળ્યું !
(૪) અન્ડરબ્રિજમાં બાઈક સાથે ૫-ફૂટ ફેંકાયા. પણ પ્રભુના પ્રભાવે કાંઈ થયું નહિ. કપડાં ખંખેરી ઉભા થઈ ગયા. એક વાર જે સ્થળે પડવાને લીધે ૨-૩ જણને ફ્રેક્ટર થયા હતા ત્યાં પડવા છતાં તેમને કાંઈ ન થયું.
(૫) પ્રમુખ પદે આવ્યા બાદ પદની મહત્તા જાળવવા માટે ચોવિહાર કાયમી ચાલુ કર્યો કેમકે ટ્રસ્ટીઓ તો છેવટે રાત્રિભોજન ન જ કરતાં હોવા જોઈએ એમ શાસ્ત્રો કહે છે.
સંઘની ભક્તિ પણ ખૂબ કરે. સરળતા એવી કે સંઘની જાહેરાતોના બોર્ડ પણ જાતે લખે. દેવ-ગુરૂ-સંઘના કોઈ કામમાં નાનમ નહિ. રોજ સામાયિક-જિનવાણીશ્રવણ કરે. સંઘના કોઈપણ ફંડમાં પોતાનો ફાળો અવશ્ય હોય. ચોમાસા બાદ પણ છ મહિનામાં આશરે ૨૦-૨૫ વાર મળવા, વંદન કરવા આવ્યા હશે. જૈન આદર્શ પ્રસંગો- છિ [ ૩૪]
