________________
સાધ્વીના ઉપાશ્રયમાં અંતરાય કરશું ? ક્યારે ય નહીં.
આજથી સંકલ્પ કરજો કે સાધુ-સાધ્વીના ઉપાશ્રયમાં શક્ય હોય તો પૈસા, જગ્યા આદિનો લાભ લઈશું પરંતુ વિરોધ તો ક્યારેય પણ નહિ જ કરીએ.
૩૦. દેવદ્રવ્યની ભક્તિ બબલદાસ કપુરચંદ શાહ. ૫૦ વર્ષ સુધી દેરાસરની પેઢીનો વહીવટ ચીવટથી સંભાળતા હતા. રોજે રોજની દેવદ્રવ્યની રોકડ મોઢે હોય. પર્યુષણમાં દરેક બોલેલા ચડાવા ભાદરવા વદ ૧૦ પૂર્વે સહુએ ભરી દેવા જોઈએ તેવો આગ્રહ રાખતા. તેમના ગામમાં ત્રિકમલાલ પ્રતિષ્ઠિત વ્યક્તિ હતા. તેમણે બોલેલી રકમ બાકી હોવાથી બબલદાસે પહેલાં ચીઠ્ઠી મોકલી ! ન આપ્યા તો દશમે સવારે ત્રિકમલાલ પૂજા કરવા આવ્યા ત્યારે બોલીના પૈસાનું યાદ કરાવ્યું ! ત્રિકમલાલે ઉપકાર માનતા કહ્યું કે તમે યાદ કરાવ્યું તે ખૂબ સારું કર્યું. ત્રિકમલાલે ઘરે જઈ પુત્રોને ભેગા કરી રૂપિયા ચૂકવી દેવા જણાવ્યું. પૈસા ભરાઈ ગયા. બાદ જ પૂજા કરવા ગયા !
વર્તમાનકાળમાં બોલી બોલેલા ભાગ્યશાળીઓએ તુરત જ પૈસા ભરી દેવા જોઈએ. બોલનારની ભાવના શુભ હોય છે. પરંતુ પછીથી આપી દઈશ વગેરે વિચારને તાબે થવાથી ઘણી વાર દેવદ્રવ્ય ભક્ષણ વગેરે ભયંકર દોષ ઘણાને લાગી જાય છે. પછી ભૂલી જવાય, ધન જતું રહે, પુત્રો ન ચૂકવે, ધંધા વગેરેમાં ફસાય વગેરે ઘણા કારણે આજે કોઈક સંઘોમાં કેટલાંકના રૂપિયા ભરાયા નથી !!! આ દોષ અનેક ભવ ઘણા દુઃખો આપશે જ એ શ્રદ્ધા લાવી ધર્મદ્રવ્યનું દેવું ૧ સેકંડ પણ ન રાખવું. અમદાવાદ કૃષ્ણનગર સંઘના કેતનભાઈ વગેરે તો ઘણી વાર સંઘમાં વધારાના પૈસા જમા રાખે છે !!!!! [ જૈન આદર્શ પ્રસંગો-છ 25 [૩૮]
