________________
૩૨. પુણ્યના ચમકારા ૧-૨ વર્ષ પૂર્વે પ વર્ષનો પ્રીન્સ નામનો છોકરો રમતા રમતા ૬૦ ફૂટ ઊંડા બોરીંગના ખાડામાં પડી ગયો. આટલા ઉંડા ખાડામાં પડવા છતાં છોકરો બચી ગયો. લોકો ભેગા થયા, પ્રીન્સને કેવી રીતે બચાવવો તે માટે વિચારણા ચાલી. છોકરો ગરીબ ઘરનો છે, તેમ છતાં લોકોને બચાવવાની મહેનત શરૂ કરી. ખાવાનું નાડું, રમકડાં રમવા નાંખ્યા.
વિચારવાનું છે કે ગરીબના હજારો છોકરાઓ રોડ પર મરે છે, હોસ્પિટલમાં દવાના પૈસા વગર મરતા હોય છે, જ્યારે આ છોકરાને લોકોએ સહાય કરી ! પૈસાને કારણે કે પુણ્યને કારણે ? ૬૦ ફૂટ એટલે આશરે ૬ માળ. આટલા ઉંચા ધાબા પરથી કોઈ નીચે પડે તો માણસ બચે કે મરે ? આ છોકરાને બચાવનાર કોણ ?
કેટલાંકને થયું કે આ છોકરો મુશ્કેલીમાં છે, ચાલો આપણે એને સહાય કરીએ. એકે ૧ લાખ રૂપિયા બીજાએ પણ ૧ લાખ રૂપિયા વિગેરે અનેક લોકોએ પ્રીન્સના નામે કુલ લાખો રૂપિયા આપ્યા. અરે, આગળ વધતાં વડાપ્રધાને પણ તેના નામે લાખ રૂપિયા મોકલ્યા !
શું પ્રીન્સને વડાપ્રધાન સાથે કોઈ સંબંધ હતો ? ના, તો પછી વડાપ્રધાને કેમ લખાવ્યા? પુણ્યના પ્રભાવે આ છોકરો રોડપતિમાંથી કરોડપતિ બન્યો અને વડાપ્રધાને પણ તેની ચિંતા કરી.
જે ટી.વી.માં જાહેરખબર આપવા માટે ૧ મિનિટના હજારો કે લાખો રૂપિયા આપવા પડે તેમાં ૫ દિવસ સુધી, સતત તેના સમાચાર ચમક્યા, એ પણ મફતમાં !!! આખા વિશ્વના લોકોએ ભાવના કરી કે આ છોકરો બચી જાય તો સારું. કોઈપણ જાતના સંબંધ વગર આખું વિશ્વ આવા ગરીબની ચિંતા કરે તેનું જ નામ પુણ્ય. છેવટે ૫ દિવસે છોકરાને બહાર કાઢવામાં આવ્યો. બચી ગયો. જૈન આદર્શ પ્રસંગો- છિ [૪૦]
