________________
કરવા જેવી છે. વિશુદ્ધ ભાવના પ્રભાવે અનેક ચમત્કારો સર્જાતા હોય છે. સમગ્ર વિશ્વના જીવોના હિતની ભાવનાવાળા વિશ્વવત્સલ પ્રભુજી આપણને મળ્યા છે તો એવા પ્રભુના શરણે માથુ મૂકવા તૈયાર થઈ જજો અને આત્મકલ્યાણ પામો એ જ શુભેચ્છા.
૯. તપથી અમીઝરણા
શ્રી કુંથુનાથ જૈન સંઘ, સરસ્વતી, પાલડીમાં વિ.સં. ૨૦૦૨ની સાલમાં પૂ. શ્રી નવચંદ્રસાગરજી મ.સા. એ સામૂહિક સિદ્ધિતપની પ્રેરણા કરી. - બારીમાં કુલ ૩૯ ઉપવાસ અને ૭ બિયાસણાવાળા આ તપમાં આશરે ૫૪ જેવી સંખ્યામાં ભાગ્યશાળીઓએ શરૂઆત કરી. સામૂહિક પચ્ચક્ખાણ માટે તપસ્વીઓ મૂળનાયક શ્રી કુંથુનાથ દાદાના દેરાસરમાં ભેગા થયા. ખુબ ઉત્તમ ભાવનાપૂર્વક પૂ. શ્રીએ સહુને ૧ ઉપવાસનું પચ્ચખાણ આપ્યું. દાદાને પ્રાર્થના કરી કે હે દાદા ! આપનો અચિંત્ય પ્રભાવ છે. આપની કૃપાથી અમારૂં તપ નિર્વિઘ્ન પૂર્ણ થાઓ, બસ હવે વાંચો તપનો
પ્રભાવ.
સહુ ઘરે જવા નીકળ્યા એટલી વારમાં તો એક પછી એક પ્રભુમાંથી દૂરથી પણ દેખી શકાય, ડોલ ભરી શકાય તેવા અમીઝરણા થવાના ચાલુ થયા. ભાવિકો અને તપસ્વીઓ સૌને સમાચાર મળતાં. સૌ દેરાસર તરફ દોડ્યા. પ્રભુમાંથી નીકળતાં અમીઝરણા જોઈ સકલ સંઘ આનંદવિભોર બની ગયો. જે તપની શરૂઆતમાં અમીઝરણા થતા હોય એ તપ કેવો મહાન હશે ? ચાલો, આપણે પણ સિધ્ધિતપ જેવા મહાન તપ કરી આ માનવભવને સફળ બનાવીએ.
જૈન આદર્શ પ્રસંગો
૧૫
