________________
દશમા શ્રી શીતલનાથ પરમાત્માનું સ્તવન
૧૬૩ સિદ્ધ પરમાત્મામાં તો સર્વ ગુણો અને તેના પર્યાયો સ્વચ્છપણે ઉઘડેલા છે. સર્વ આવરણો ક્ષય પામ્યાં છે. એટલે અભિલાપ્ય અને અનભિલાપ્ય એમ સર્વ ગુણો સિદ્ધ પરમાત્મામાં પ્રગટ થયા છે. અનભિલાપ્ય ગુણો તો વાચાથી જ અગોચર છે. તેથી કહી શકાતા નથી. અને અભિલાપ્ય ગુણો કહી શકાય તેમ છે, પરંતુ વક્તાનું આયુષ્ય પરિમિત છે અને ગુણો અનંતા છે અને તે પણ જીભ દ્વારા ક્રમસર જ કહી શકાય છે. માટે આયુષ્યનું પ્રમાણ અલ્પ હોવાથી સર્વ ગુણો કહી શકાતા નથી.
આ સંસારમાં અનંતા જીવદ્રવ્યો અને અનંતાં પુદ્ગલદ્રવ્યો છે તથા ધર્માસ્તિકાયાદિ જે એક એક દ્રવ્યો છે તે દરેક દ્રવ્યોના અસંખ્યાત અસંખ્યાત પ્રદેશો છે. પ્રદેશ પ્રદેશે પોત પોતાના અનંત ગુણો છે અને વળી તે ગુણોની તરતમતા રૂપ અનંતા અનંતા પર્યાયો છે આટલું વર્ણન પરિમિત આયુષ્યવાળાથી કેમ થાય ?
આ આત્માના ગુણો ઉપરનાં સર્વકર્મોનો જ્યારે ક્ષય થાય છે અને સર્વ ગુણો નિરાવરણ બને છે ત્યારે અમાપ (અપરિમિત) નિર્મળતા, નિઃસંગતા અને નિઃસહાયતા આવા આવા ગુણો પ્રગટ થાય છે જે કેવલી પરમાત્મા જ જોઈ શકે છે. એટલે આત્માના અનંત ગુણોની અનંતતા, નિર્મળતા અને પૂર્ણતા આ સઘળું ય કેવલજ્ઞાન વિના જાણી શકાતું નથી. / ૧ /
ચરમજલધિ જલ મિણ અંજલિ, ગતિ ઝીપે અતિવાયજી | સર્વ આકાશ ઓલંઘે ચરણે, પણ પ્રભુતા ન ગણાય જી II ૨ ll
ગાથાર્થ - કદાચ કોઈક શક્તિશાળી મનુષ્ય છેલ્લા સ્વયંભૂરમણ સમુદ્રનું પાણી અંજલિથી માપી શકે અથવા કોઈ મનુષ્ય ગતિ દ્વારા
