Agam Suttani Satikam Part 12 Suryapragnapti Chandrapragnapati

Author(s): Dipratnasagar, Deepratnasagar
Publisher: Agam Shrut Prakashan

Page 254

प्राभृतं १३, प्राभृतप्राभृतं
अद्धमंडलस्स जाईं चंदे उत्तराते भागाए पविसमाणे चारं चरति ।
कतराई खलु ताइं छ अद्धमंडलाई तेरस य सत्तट्ठिभागाइं अद्धमंडलस्स जाई चंदे उत्तराते भागाते पविसमाणे चारं चरति ?, इमाइं खलु ताई छ अद्धमंडलाई तेरस य सत्तट्ठिभागाइं अद्धमंडलस्स जाई चंदे उत्तराए भागाते पविसमाणे चारं चरति, तंजहा - तईए अद्धमंडले पंचमे अद्धमंडले सत्तमे अद्धमंडले नवमे अद्धमंडले एक्कारसमे अद्धमंडले तेरसमे अद्धमंडले पन्नरसमंडलस्स तेरस सत्तट्ठिभागाई, एताइं खलु ताइं छ अद्धमंडलाई तेरस य सत्तट्ठिभागाइं अद्धमंडलस्स जाई चंदे उत्तराते भागाते पविसमाणे चारं चरति, एतावया च पढमे चंदायणे समत्ते भवति, ता नक्खत्ते अद्धमासे नो चंदे अद्धमासे नो चंदे अद्धमासे नक्खत्ते अद्धमासे ।
२५१
ता नक्खत्ताओ अद्धमासातो ते चंदे चंदेणं अद्धमासेणं किमधियं चरति ?, एगं अद्धमंडलं चरति चत्तारिय सत्तट्ठिभागाई अद्धमंडलस्स सत्तट्ठिभागं एकतीसाए छेत्ता नव भागाई, ता दोच्चायणगते चंदे पुरच्छिमाते भागाते निक्खममाणे सचउप्पण्णाइं जाई चंदे परस्स चिन्नं पडिचरति सत्त तेरसकाइं जाईचंदे अप्पणा चिण्णं चरति, ता दोच्चायणगते चंदे पञ्च्चत्थिमाए भागाए निक्खममाणे चउप्पण्णाई जाई चंदे परस्स चिण्णं पडिचरति छ तेरसगाइं चंदे अप्पणो चिण्णं पडिचरति अवरगाई खलु दुवे तेरसगाई जाई चंदे केणइ असमन्नगाई सयमेव पविट्ठित्ता २ चारं चरति ।
कतराई खलु ताइं दुवे तेरसगाई जाई चंदे केणइ असामण्णगाई सयमेव पविट्ठित्ता २ चारं चरति ?, इमाई खलु ताइं दुवे तेरसगाइं जाई चंदो केणइ असामण्णगाई सयमेव पविट्ठित्ता २ चारं चरति सव्वब्धंतरे चेव मंडले सव्वबाहिरे चेव मंडले, एयाणि खलु ताणि दुवे तेरसगाई जाई चंदे केणइ जाव चारं चरइ, एतावता दोच्चे चंदायणे समत्ते भवति, ता नक्खत्ते मासे नो चंदे मासे चंदे मासे नो नक्खत्ते मासे ।
ता नक्खत्ताते मासाए चंदेणं मासणं किमधियं चरति ?, ता दो अद्धमंडलाई चरति अट्ठ य सत्तट्ठिभागाइं अद्धमंडलस्स सत्तट्ठिभागं च एकतीसधा छेत्ता अट्ठारस भागाईं, ता तच्चायणगते चंदे पञ्च्चत्थिमाते भागाए पविसमाणे बाहिराणंतरस्स पञ्चत्थिमिल्लस्स अद्धमंडलस्स ईतालीसं सत्तट्टिभागाइं जाई चंदे अप्पणो परस्स य चिण्णं पडिचरति, तेरस सत्तट्ठिभागाई जाई चंदे परस्स चिण्णं पडिचरति, तेरस सत्तट्ठिभागाइं चंदे अप्पणो परस्स चिण्णं पडिचरति, एतावयाव बाहिरानंतरं पच्चत्थिमिल्ले अद्धमंडले समत्ते भवति, तच्चायणगते चंदे पुरच्छिमाए भागाए पविसमाणे बाहिरतञ्चस्स पुरच्छिमिल्लस्स अद्धमंडलस्स ईतालीसं सत्तट्टिभागाइं जाई चंदे अप्पणो परस्स चिण्णं पडियरति, तेरस सत्तट्टिभागाइं जाइं चंदे परस्स चिण्णं पडिचरति, तेरस सत्तट्ठिभागाइं जाई चंदे अप्पणी परस्स य चिण्णं पडियरति, एतावताव बाहिरतच्चे पुरच्छिमिल्ले अद्धमंडले सम्मत्ते भवति, ता तच्चायणगते चंदे पञ्च्चत्थिमाते भागाते पविसमाणे बाहिरचउत्थस्स पञ्च्चत्थिमिल्लस्स अद्धमंडलस्स अद्धसत्तट्ठिभागाइं सत्तट्ठिभागं च एकतीसधा छेत्ता अट्टारस भागाइं जाई चंदे अप्पणो परस्स य चिण्णं पडियरति, एतावताव बाहिरचउत्थपच्चत्थिमिल्ले अद्धमंडले सम्मत्ते भवइ ।
एवं खलु चंदेणं मासेणं चंदे तेरस चउप्पन्नगाई दुवे तेरसगाई जाई चंदे परस्स चिण्णं पडिचरति, तेरस २ गाई जाई चंदे अप्पणी चिण्णं पडियरति, दुवे ईतालीसगाइं अट्ठ सत्तट्ठिभागाई सत्तट्ठिभागं च एकतीसधा छेत्ता अट्ठारसभागाइं जाई चंदे अप्पणो परस्स य चिण्णं पडिचरति ।