________________ श्रीमदाचाराङ्गसूत्रम् :: श्रुतस्कंध 2 अध्ययनं 4] [ 67 सुकडेत्ति वा सुळुकडे इ वा साहुकडे इ वा कल्लाणे इ वा करणिज्जे इ वा, एयप्पगारं भासं सावज्जं जाध नो भासिज्जा 1 // से भिक्खू वा (2), असणां वा (4) उववखडियं पेहाय एवं वइजा, तंजहा-प्रारंभकडेत्ति वा सावजकडेत्ति वा पयत्तकडे इ वा, भद्दयं भद्दति वा ऊसढं उसढे इ वा, रसियं (2), मणुन्नं (2), एयप्पगारं भासं असावज्जं जाव भासिज्जा 2 // ॥सू. 137 // से भिक्खू वा भिक्खुणी वा मणुस्सं वा गोणं वा महिसं वा मिगं वा पसुवा पक्खिं वा सरीसि वा जलचरं वा से तं परिवूढकायं पेहाए नो एवं वइज्जा--थूले इ वा पमेइले इ वा वट्टे इ वा वझे इ वा पाइमे इ वा, एयप्पगारं भासं सावज्जं जाव नो भासिज्जा 1 // से भिवखू वा भिक्खुणी वा माणुस्सं वा जाव जलयरं वा सेत्तं परिवूटकायं पेहाए एवं वइज्जा--परिवूढकाएत्ति वा उवचियकाएत्ति वा थिरसंघयणेत्ति वा चियमंससोणिएत्ति वा बहुपडिपुन्नइंदिइए-त्ति वा, श्यप्पगारं भासं असावजं जाव भासिज्जा 2 // से भिवस्खू वा (2) विरूवरूवायो गायो पेहाए नो एवं वइज्जा, तंजहा---गायो दुज्मायोत्ति वा दम्मेत्ति वा गोरहत्ति वा वाहमत्ति वा रहजोग्गत्ति वा, एयप्पगारं भासं सावज्जं जाव नो भासिज्जा 3 // से भिखू वा (2) विरूवरूवायो गायो पेहाए एवं वइज्जा, तंजहा---जुवंगवित्ति वा घेणुत्ति वा रसवइत्ति वा हस्से इ वा महल्ले इ वा महव्वए इ वा संवहणित्ति वा, एयप्पगारं भासं असावज्जं जाव अभिकख भासिज्जा 4 // से भिक्खू वा (2) तहेव गंतुमुज्जाणाई पव्वयाई वणाणि वा रुक्खा महल्ले पेहाए नो एवं वइज्जा, तंजहा---पासायजोग्गात्ति वा तोरणजोग्गाइ वा गिहजोगाइ वा फलिहजोग्गाइ वा अग्गलग्गिाइ वा नावाजोग्गाइ वा उदगजोग्गाइ वा दोणजोग्गाइ वा पीढ-चंगबेर-नंगलकुलिय-जंतलट्ठी-नाभि(लि)गंडीपासणजोग्गाइ वा सयणजाणउवस्सयजोगाई वा, एयप्पगारं भासं सावज्जं जाव नो भासिज्जा 5 // से भिक्खू वा (2) तहेव गंतुमुज्जाणाई
