Agam 42 Mool 03 Dash Vaikalik Sutra

Author(s): Bhadrankarvijay
Publisher: Shashikant Popatlal Trust Ahmedabad

Page 460

મૂળ સૂત્ર]
४२३ (२६४) आसंदी-पलिअंकेसु, मंचमासालएसु वा ।
अणायरिअमज्जाणं, आसइत्तु सइत्तु वा ॥६-५४॥ (२६५) नासंदी-पलिअंकेसु, न निसिज्जा न पीढए ।
निग्गंथाऽपडिलेहाए, बुद्धवुत्तमहिट्ठगा ॥६-५५।। (२६६) गंभीरविजया एए, पाणा दुप्पडिलेहगा।
आसंदी पलिअंको अ, एअमट्ठे विवजिआ ॥६-५६।। (२६७) गोअरग्गपविट्ठस्स, निसिज्जा जस्स कप्पइ ।
इमेरिसमणायारं, आवज्जइ अबोहि ॥६-५७॥ (२६८) विवत्तो बंभचेरस्स, पाणाणं च वहे वहो ।
वणीमगपडिग्घाओ, पडिकोहो अगारिणं ॥६-५८॥ (२६८) अगुत्ती बंभचेरस्स. इत्थीओ वा वि संकणं ।
कुसीबढणं ठाणं, दूरओ परिवज्जए ॥६-५९॥ (२७०) तिण्हमन्नयरागस्स, निसिज्जा जस्स कप्पइ ।
जराए अभिभूअस्स, वाहिअस्स तवस्सिणो ॥६-६०॥ (२७१) वाहिओ वा अरोगी वा, सिणाणं जो उ पत्थए ।
बुक्कंतो होइ आयारो, जढो हवइ संजमो ॥६-६१॥ (२७२) संतिमे सुहुमा पाणा, घसासु भिलुगासु अ ।
जे अ भिक्खू सिणायंतो, विअडेणुप्पलावए ॥६-६२।। (२७७) तम्हा ते न सिणायंति, सीएण उसिणेण वा ।
जावज्जीवं वयं घोरं, असिणाणमहिट्ठगा ॥६-६३॥ (२.७४) सिणाणं अदुवा ककं, लुद्धं पउमगाणि अ ।
गायस्सुबट्टगट्ठाए, नायरंति कयाइ वि ॥६-६४॥