Agam 42 Mool 03 Dash Vaikalik Sutra

Author(s): Bhadrankarvijay
Publisher: Shashikant Popatlal Trust Ahmedabad

Page 459

૪૨૨
[ દશ વૈકાલિક (२५७) तम्हा एअं विआणित्ता, दोसं दुग्गइवड्ढणं ।
वणस्सइसमारंभ, जावजीवाइ वज्जए ॥६-४३॥ (२५४) तसकायं न हिंसंति, मगसा वयसा कायसा।
तिविहेण करणजोएण, संजया सुसमाहिआ ॥६-४४॥ (२५५) तसकायं विहिंसंतो, हिंसई उ तयस्सिए ।
तसे अ विविहे पाणे. चक्खुसे अ अचक्खुसे ॥६-४५॥ (२५६) तम्हा एअं विआणित्ता, दोसं दुग्गइवढणं ।
तसकायसमारंभ, जावजीवाइ वज्जए ॥६-४६।। (२५७) जाइं चत्तारि भुज्जाई, इसिणाऽऽहारमाइणि ।
ताई तु विवज्जतो, संजमं अणुपालए ॥६-४७॥ (२५८) पिंडं सिज्जं च वत्थं च, चउत्थं पायमेव य ।
अकप्पिन इच्छिज्जा, पडिगाहिज्ज कप्पि ॥४८॥ (२५८) जे निआगं ममायंति, कीअ-मुद्देसि-आहडं ।
वहं ते समणुजाणंति, इइ वुत्तं महेसिणा ॥६-४९॥ (२६०) तम्हा असणपाणाई, कीअमुद्देसिआहडं ।
वज्जयंति ठिअप्पाणो, निग्गंथा धम्मजीविणो ॥६-५०॥ (२६१) कंसेसु कंसपाएसु, कुंडमोएसु वा पुणो ।
भुंजतो असणपाणाई, आयारा परिभस्सइ ॥६-५१॥ (२६२) सीओदगसमारंभे, मत्तधोअणछड्डणे ।
जाई छिन्नंति[छिप्पंति]भूआई,दिट्ठो तत्थ असंजमो॥५२॥ (२६७) पच्छाकम्मं पुरेकम्मं, सिआ तत्थ न कप्पइ ।
एअमटुं न भुजति, निग्गंथा गिहिभायणे ॥६-५३॥