Agam 41 Mool 02 Ogh Niryukti Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 9

XOF20555555$$$
(४३) उत्तरउज्झयणं (चउत्थं मूलसुत) १ अज्झयण
१]
五五五五五五五五五五五步步步ROS
HOG乐听听听听乐乐乐乐乐乐乐乐乐乐乐乐乐乐乐乐乐乐乐乐乐乐乐乐听听听听听玩玩乐乐乐明明明明明明乐乐乐56GB
सिरि उसहदेवसामिस्स णमो। सिरि गोडी - जिराउला - सव्वोदयपासणाहाणं णमो। नमोऽत्थुणं समणस्स भगवओ महइमहावीर वद्धमाणसामिस्स। सिरि गोयम - सोहम्माइ सव्व गणहराणं मणमो। सिरि सुगुरु - देवाणं णमो। उत्तरज्झयणं । अणेयथेरभगवंविरइयाणि उत्तरउज्झयणाणि XXX१ पढमं विणयसुयऽज्झयणं *** १. संजोगा विप्पमुक्कस्स अणगारस्स भिक्खुणो। विणयं पाउकरिस्सामि आणुपुव्विं सुणेह मे ।।१।। २. आणानिद्देसकरे गुरूणमुववायकारए। इंगियाकारसंपन्ने से विणीए त्ति वुच्चई ।।२।। ३. आणाऽनिद्देसकरे गुरूणमणुववायकारए । पडणीए असंबुद्धे अविणीए त्ति वुच्चई ।।३।। ४. जहा सुणी पूइकण्णी णिक्कसिज्जइ सव्वसो । एवं दुस्सीलपडणीए मुहरी निक्कसिज्जई ।।४॥ ५. कणकुंडगं जहित्ताणं विट्ठ भुंजइ सूयरे । एवं सीलं जहित्ताणं दुस्सीले रमई मिए।।५।। ६. सुणियाऽभावं साणस्स सूयरस्स नरस्स य । विणए ठवेज्ज अप्पाणं इच्छंतो हियमप्पणो ॥६।। ७. तम्हा विणयमेसेज्जा सीलं पडिलभेज्जओ । बुद्धवुत्ते नियागट्ठी न निक्कसिज्जइ कण्हुई ।।७।। ८. निसंते सियाऽमुहरी बुद्धाणं अंतिए सया । अत्थुजुत्ताइं सिक्खेज्जा, निरत्थाणि उ वज्जए॥८॥९. अणुसासिओ न कुप्पेज्जा, खंति सेवेज पंडिए । खुड्डेहिं सह संसग्गिं हासं कीडं च वज्जए॥९॥ १०. मा य चंडालियं कासी, बहुयं मा य आलवे । कालेण य अहिज्जित्ता तओ झाएज एक्कओ॥१०॥ ११. आहच्च चंडालियं कट्ट न निण्हवेज कयाइ वि । कडं कडे त्ति भासेज्जा अकडं नोकडे त्ति य॥११॥ १२. मा गलिअस्से व कसं वयणमिच्छे पुणो पुणो । कसं व दट्ठमाइन्ने पावगं परिवज्जए ॥१२॥ १३. अणासवा थूलवया कुसीला मिउं पि चंडं पकरेंति सीसा । चित्ताणुया लहु दक्खोववेया पसायएते हु दुरासयं पि।।१३।। १४. नापुट्ठो वागरे किंचि पुट्ठो वा नालियं वए। कोहं असच्चं कुव्वेज्जा धारेज्जा पियमप्पियं ॥१४॥ १५. अप्पा चेव दमेयव्वो अप्पा हु खलु दुद्दमो ।। अप्पा दंतो सुही होइ अस्सिं लोए परत्थ य ।।१५।। १६. वरं मे अप्पा दंतो संजमेण तवेण य । मा हं परेहि दम्मतो बंधणेहिं वहेहिं य ।।१६।। १७. पडणीयं च बुद्धाणं वाया अदुव कम्मुणा। आवी वा जइ वा रहस्से नेव कुज्जा कयाइ वि ।।१७।। १८. न पक्खओ न पुरओ नेव किच्चाण पिट्ठओ। न जुंजे ऊरुणा ऊरुं सयणे णो पडिस्सुणे ॥१८॥ १९. नेव पल्हत्थियं कुज्जा पक्खपिंडं व संजए। पाए पसारिए वा वि न चिढे गुरुणंतिए ।।१९।। २०. आयरिएहिं वाहिंतो तुसिणीओ न कयाइ वि । पसायपेही नियायट्ठी उवचिढे गुरुं सया।।२०।। २१. आलवंते लवंते वा न निसिज्जा कयाइ वि । चइऊण आसणं धीरो जओ जत्तं पडिस्सुणे ।।२१।। २२. आसणगओ न पुच्छेज्जा नेव सेज्जागओ कयाइ वि । आगम्मुक्कडुओ संतो पुच्छेज्जा पंजलीयडो ॥२२॥ २३. एवं विणयजुत्तस्स सुत्तं अत्थं च तदुभयं । पुच्छमाणस्स सीसस्स वागरेज्ज जहासुयं ॥२३॥ २४. मुसं परिहरे भिक्खू न य ओहारिणिं वए। भासादोसं परिहरे मायं च वज्जए सया ।।२४।। २५. न लवेज्ज पुट्ठो सावज्जं न निरत्थं न मम्मयं । अप्पणठ्ठा परट्ठा वा उभयस्संतरेण वा ॥२५॥ २६. समरेसु अगारेसु संधीसु य महापहे । एगो एगित्थिए सद्धिं नेव चिट्ठे न संलवे ॥२६।। २७. जं मे बुद्धाऽणुसासंति सीएण फरुसेण वा । मम लाभो त्ति पेहाए पयओ तं पडिस्सुणे॥२७॥ २८. अणुसासणमोवायं दुक्कडस्स य चोयणं । हियं तं मन्नई पन्नो, वेसं होइ असाहुणो॥२८॥२९. हियं विगयभया बुद्धा फरुसं पि अणुसासणं । वेस्सं तं होइ मूढाणं खंति-सोहिकरं पयं ।।२९|| ३०. आसणे उवचिट्ठज्जा अनुच्चे अकुए थिरे। अप्पुट्ठाई निरुट्ठाई निसीएज्जऽप्पकुक्कुए ॥३०॥ ३१. कालेण निक्खमे भिक्खू कालेण य पडिक्कमे। अकालं च विवज्जेत्ता काले कालं समायरे॥३१॥ ३२. परिवाडिए ण चिट्ठज्जा भिक्खू दत्तेसणं चरे। पडिरूवेण एसित्ता मियं कालेण भक्खए॥३२॥ ३३. नाइदूरमणासण्णे नऽन्नेसिं चक्खुफासओ। एगो चिट्टेज भत्तट्ठा लंघिया तं नऽइक्कमे ॥३३॥ ३४. नाइउच्चे व णीए वा नासन्ने नाइदूरओ। फासुयं परकडं पिंडं पडिगाहेज्ज संजए॥३४।। ३५. अप्पपाणऽप्पबीयम्मि पडिच्नम्मि संवुडे । समयं संजए भुजे जयं अप्परिसाडियं ॥३५॥ ३६. सुकडे त्ति सुपक्के त्ति सुच्छिन्ने सुहडे मडे । सुनिट्ठिए सुलढे त्ति सावजं वज्जए मुणी ॥३६।। ३७. रमए पंडिए सासं हयं भदं व वाहए । बालं सम्मति सासंतो गलिअस्सं व वाहए ॥३७॥ ३८. खड्डगा मे
( સૌજન્ય :- દીર્ધસંયમી મુખ્ય સાધ્વીશ્રી હરખશ્રીજી મ.સા.ના ૭૫ વર્ષના ચારિત્ર પર્યાચની અનુમોદનાર્થે શ્રી વરલી અચલગચ્છ જૈન સંઘ, શ્રી વડાલા જૈન સંઘ)
Keros551955555555555555555 श्री आगमगुणमंजूषा १६४० 5555555555555555555555555GTIOR