Agam 41 Mool 02 Ogh Niryukti Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 22

HORO
(४३) उत्तरऽज्झयणं (चउत्यं मूलसुत्त) अ. १५, १६
[१४]
फफफफफफफ
घोरपरक्कमा ॥५०॥। ४९२. एवं ते कमसो बुद्धा सव्वे धम्मपरायणा । जम्म- मच्चुभउव्विग्गा दुक्खस्संतगवेसिणो ॥ ५१ ॥ ४९३. सासणे विगयमोहाणं पुव्विं भावणभाविया । अचिरेणेव कालेण दुक्खस्संतमुवागया ॥ ५२॥। ४९४. राया सह देवीए माहणो य पुरोहिओ । माहणी दारगा चेव सव्वे ते परिनिव्वुड ॥ ५३ ॥ त्ति बेमि || ★★★ ॥ उयारिज्जं समत्तं || १४ || १५ पण्णरसमं सभिक्खुयं अज्झयणं ★★★ ४९५. मोणं चरिस्सामि समेच्च धम्मं सहिए उज्जुकडे निदाणछिन्ने । संथवं जहेज्न अकामकामे अण्णाएसी परिव्वए स भिक्खू || १ || ४९६. ओवरयं चरेज्न लाढे विरए वेदवियाऽऽयरक्खिए । पन्ने अभिभूय सव्वदंसी जे कहिंचि न मुच्छिएस भिक्खू || २ || ४९७. अक्कोस वहं विइत्तु धीरे मुणी चरे लाढे निच्चमायगुत्ते । अव्वग्गमणे असंपहिट्टे जे कसिणं अहियासए स भिक्खू || ३ || ४९८. पंतं सणास भत्ता सीउण्हं विविहं च दंस-मसगं । अव्वग्गमणे असंपहिले जे कसिणं अहियासए स भिक्खू ||४|| ४९९. नो सक्कियमिच्छई न पूयं नो वि य वंदणयं कुओ पसंसं ? | से संजए सुव्वए तवस्सी सहिए आयगवेसए स भिक्खू ||५|| ५००. जेण पुण जहाइ जीवियं मोहं वा कसिणं नियच्छई। नर-नारिं पजहे सया तवस्सी न य कोऊहलं उवेइ स भिक्खू ॥ ६ ॥ ५०१. छिन्नं सरं भोम्मं अंतलिक्खं सुविणं लक्खण दंड वत्थुविज्जं । अंगवियारं सरस्स विजयं जे विज्जाहिं न जीवई स भिक्खू ||७|| १०२. नंतं मुलं विविहं वेज्जचितं कमण- विरेयण धुम- नेत्त सिणाणं । आतुरे सरणं तिगिच्छियं च तं परिण्णाय परिव्वए स भिक्खू ||८|| ५०३. खत्तिय-गण-उग्ग रायपुत्ता माहण भोइय विविहा य सिप्पिणो । नो तेसिं वयइ सिलोग- पूयं तं परिन्नाय परिव्वए स भिक्खू ||९|| ५०४. गिहिणो जे पण अपव्वइएण व संथुया हवेज्जा । तेसिं इहलोगफलट्टयाए जो संथवं न करेइ स भिक्खू ॥१०॥ ५०७ संथणासण पाण-भोयणं विविहं खाइम साइमं परेसिं । अदए पडिहिए नियंते ये तत्व न उस्सती स भिक्खू || १ || ५०६. जं किंचाहार-पाणं विविहं खाइम साइमं परेसिं लब्धुं । जो तं तिविहेण नाणुकंपे मण-वइपायसुसंवुडे स भिक्खू ॥१२॥ ५०७. आयामगं चेद जवोयणं च सीयं सोवीर जवोदगं च। नो हीलए पिंडं नीरसं तु पंतकुलाई परिव्वए स भिक्खू ॥१३॥ ५०८. सद्दा विविहा भवंति लोए दिव्वा माणुसया तहा तिरिच्छा। भीमा भयभेरवा उराला जे सोच्चा ण वहिज्जई स भिक्खू || १४ || ५०९. वायं विविहं समेच्च लोए सहिए यागए सकोवियप्पा । पन्ने अभिभूय सव्वदंसी उवसंते अविहेडए स भिक्खू ।। १५ ।। ५१०. असिप्पजीवी अगिहे अमित्ते जिइंदिए सव्वओ विप्पमुक्के। अणुक्कसाई लहुअप्पभक्खी चेच्चा गिहं एगचरे स भिक्खु || १६ |त्ति बेमि ॥ ★★★ ॥ सभिक्खुयऽज्झयणं पण्णरसमं समत्तं ॥ १५ ॥ ★★★ १६ सोलसमं भरसमाहिद्वाणं अज्झयणं ★★★ ५११. सुयं मे आउसं! तेणं भगवया एवमक्खायं इह खलु थेरेहिं भगवंतेहिं दस बंभचेरसमाहिद्वाणा पन्नत्ता, जे भिक्खू सोच्चा निसम्म संजमबहुले संवरबहुले समाहिबहुले गुत्ते गुत्तिदिए गुत्तबंभयारी सया अप्पमत्ते विहरेज्जा ॥ १ ॥ ५१२. १ कयरे खलु ते थेरेहिं भगवंतेहिं दस बंभचेरसमाहिट्ठाणा पन्नत्ता, जे भिक्खू सोच्चा निसम्म संजमबहुले संवरबहुले समाहिबहुले गुत्ते गुत्तिदिए गुत्तबंभयारी सया अप्पमत्ते विहरेज्जा ? इमे खलु ते थेरेहिं भगवंतेहिं दस बंभचेरसमाहिट्ठाणा पन्नत्ता जाव अप्पमत्ते विहरेज्न त्ति । तं जहा २ विवित्ताइं सयणासणाई सेविज्जा से निग्गंथे, नो इत्थि पसु पंडगसंसत्ताई सणासणाई सेवित्ता भवति । तं कहमिति ? निग्गंथस्स खलु इत्थि - पसु -पंडगसंसत्ताई सयणासणाई सवमाणस्स बंभचारिस्स बंभचेरे संका वा कंखा वा विचिछा वा समुपज्जेज्जा, भेयं वा लभेज्ना, उम्मार्थ वा पाउणेज्जा, दीहकालियं वा रोगायक हवेज्जा, केवलिपन्नत्ताओ वा धम्माओ भंसेज्जा । तम्हा नो इत्थि पसुपंडगसंसत्ताई सयणासणाहिं सेवित्ता हवइ से निग्गंथे १ । ३ नो इत्थीण कह कहेत्ता भवति से निग्गंथे । तं कहमिति ? निग्गंथस्स खलु इत्थीणं कहं कहेमाणस्स बंभचारिस्स बंभचेरे संका वा कंखा वा वितिगिंछा वा समुप्पज्जेज्जा, भेयं वा लभेज्जा, उम्मायं वा पाउणिज्जा, दीहकालियं वा रोगायकं हवेज्जा, केवलिपन्नत्ताओ वा माओ भंसेज्जा । तम्हा नो इत्थीणं कहं कहेज्जा २ । ४ नो इत्थीहिं सद्धिं सन्निसेज्जागए विहरेत्ता हवइ से निग्गंथे। तं कहमिइ ? निग्गंथस्स खलु इत्थीहिं सद्धि सन्निज्जायस विहरमाणस्स बंभचारिस्स बंभचेरे संका वा कंखा वा जाव केवलिपन्नत्ताओ वा धम्माओ भंसेज्जा । तम्हा खलु नो निग्गंथे इत्थीहिं सद्धि
ॐ श्री आगमगुणमंजूषा १६५३
A S S S S S
2010 03