Agam 41 Mool 02 Ogh Niryukti Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 20

(४३) उत्तरऽज्झयणं (चउत्थं मूलसुत्त) अ. १३, १४
ॐॐॐॐॐॐॐॐ
T
हियाणुपेही चित्तो इमं वक्कमुदाहरित्था ॥ १५ ॥ ४२२. सव्वं विलवियं गीयं सव्वं नट्टं विडंबियं । सव्वे आभरणा भारा सव्वे कामा दुहावहा ।। १६ ।। ४२३. बालाभिरामेसु दुहावहेसु न तं सुहं कामगुणेसु रायं ! । विरत्तकामाण तवोधणाणं जं भिक्खुणं सीलगुणे रयाणं ॥ १७॥ ४२४. नरिंद ! जाई अधमा नराणं सोवागजाई दुहओ गयाणं । ज वयं सव्वजरस्स वेसा वसीय सोवागनिवेसणेसु || १८|| ४२५. तीसे य जाईय उ पावियाए वुत्था मु सोवागनिवेसणेसु । सव्वस्स लोगस्स दुगंछणिज्जा, इहं तु कम्मा पुरेकडाई ||१९|| ४२६. सो दाणि सिं राय ! महाणुभागो महिडिओ पुण्णफलोववेओ । चइत्तु भोगाई असासयाई आदाणहेउं अभिनिक्खमाहि ||२०|| ४२७. इह जीविए राय ! असासयम्मि धणियं तु पुन्नाइं अकुव्वमाणो । से सोयई मच्चुमुहोवणीए धम्मं अकाऊण परम्भि लोए ॥ २१ ॥ ४२८. जहेह सीहो व मियं गहाय मच्चू नरं नेइ हु अंतकाले । न तस्स माया व पिया व भाया कालम्मि तम्मंसहरा भवंति ॥२२॥। ४२९. न तस्स दुक्खं विभयंति नायओ न मित्तवग्गा न सुया न बंधवा । एगो सयं पच्चणुहोइ दुक्खं कत्तारमेवा अणुजाई कम्मं ॥२३॥ ४३०. चेच्चा दुपयं च चउप्पयं च खेत्तं गिहं धण धन्नं च सव्वं । सकम्मबिइओ अवसो पयाइ परं भवं सुंदर पावगं वा ॥२४॥ ४३१. तमेगयं तुच्छसरीरगं से चिईगयं दहिय उ पावगेणं । भज्जा य पुत्तो वि य नायओ य दायारमण्णं अणुसंकमंति ||२५|| ४३२. उवणिज्जइ जीवियमप्पमायं वण्णं जरा हरइ नरस्स रायं !। पंचालराया ! वयणं सुणाहि मा कासि कम्माणि महालयाणि ॥ २६ ॥ ४३३. अहं पि जाणामि जहेह साहू ! जं मे तुमं साहसि वक्कमेयं । भोगा इमे संगकरा भवंति जे दुज्जया अज्जो ! अम्हारिसेहिं ||२७|| ४३४. हत्थिणपुरम्मि चित्ता ! दवणं नरवई महिड्डीयं । कामभोगेसु गिद्धेणं निदाणमसुहं कडं ॥२८॥ ४३५. तस्स में अपडिकंतस्स इमं एयारिसं फलं । जाणमाणो वि जं धम्मं कामभोगेसु मुच्छिओ ||२९|| ४३६. नागो जहा पंकजलावसन्नो दहुं थलं नाभिसमेइ तीरं । एवं वयं कामगुणेसु गिद्धा न भिक्खुणो मग्गमणुव्वयामो ॥ ३० ॥ ४३७. अच्चेइ कालो तूरंति राइओ न यावि भोगा पुरिसाण निच्चा । उवेच्च भोगा पुरिसं चयंति दुमं जहा खीणफलं व पक्खी ||३१|| ४३८. जइ ता सि भोगे चइउं असत्तो अज्जाई कम्माई करेहि रायं ! | धम्मे ठिओ सव्वपयाणुकंपी तो होहिसि देवो इओ विउव्वी ||३२|| ४३९. न तुज्झ भोए चइऊण बुद्धी गिद्धो सि आरंभ-परिग्गहेसु । मोहं कओ एत्तिओ विप्पलावो गच्छामि रायं ! आमंतिओ सि ॥३३॥ ४४०. पंचालराया वि य बंभदत्तो साहुस्स तस्सा वयणं अकाउं। अणुत्तरे भुंजिय कामभोए अणुत्तरे सो नरए पविट्ठो ॥ ३४ ॥ ४४१. चित्तो वि कामे हिं विरत्तकामो उदत्तचारित्त-तवो महेसी। अणुत्तरं संजम पालइत्ता अणुत्तरं सिद्धिगइं गओ ॥३५॥ त्ति बेमि ॥ ★★★ ॥ चित्त-संभूइज्जं समत्तं ॥ १३॥ ★★★१४ चउदसमं उसुयारिज्जं अज्झयणं ★★★४४२. देवा भवित्ताण पुरे भवम्मी केई चुया एगविमाणवासी । पुरे पुराणे उसुयारनामे खाए समिद्धे सुरलोयरम्मे ॥१॥ ४४३. सकम्मसेसेण पुराकएणं कुलेसुदग्गेसु य ते पसूया । निव्विण्ण संसारभया जहाय जिणिंदमग्गं सरणं पवण्णा ॥२॥ ४४४. पुमत्तमागम्म कुमार दो वि पुरोहिओ तस्स जसा य पत्ती । विसालकित्ती य तहोसुयारो रायऽत्थ देवी कमलावई य || ३ | ४४५. जाई - जरा मच्चुभयाभिभूया बहिविहाराभिनिविट्ठचित्ता । संसारचक्कस्स विमोक्खणट्ठा दट्टूण ते कामगुणे विरत्ता ||४|| ४४६. पियपुत्तगा दोन्नि वि माहणस्स सकम्मसीलस्स पुरोहियस्स । सरित्तु पोराणिय तत्थ जाईं तहा सुचिणं तव संजमं च ॥ ५ ॥ ४४७. ते कामभोगेसु असज्जमाणा माणुस्सएसुं जे यावि दिव्वा । मोक्खाभिकखी अभिजायसड्डा तायं उवागम्म इमं उदाहु ||६|| ४४८. असासयं दट्टु इमं विहारं बहुअंतरायं न य दीहमाउं । तम्हा गिहंसि न रई लभामो आमंतयामो चरिस्सामो मोणं ||७|| ४४९. अह तायओ तत्थ मुणीण तेसिं तवस्स वाघायकरं वयासी । इमं वयं वेयविदो वयंति जहां न होई असुयाण लोगो ||८|| ४५०. अहिज्ज वेए परिविस्स विप्पे पुत्ते परिट्ठप्प गिहंसि जया ! भोच्चा ण भोए सह इत्थियाहिं आरण्णगा होह मुणी पसत्था || ९ || ४५१. सोयग्गिणा आयगुणिंधणेणं मोहानिला पज्जलणाहिएणं । संतत्तभावं परितप्पमाणं लालप्पमाणं बहु बहु ॥१०॥ ४५२. पुरोहियं तं कमसोऽणुर्णेतं निमंतयंतं च सुए धणेणं । जहक्कमं कामगुणेहिं चेव कुमारगा ते पसमिक्ख वक् ||११|| ४५३. वेया अधीया न भवंति ताणं, भुत्ता दिया णेति तमं तमेणं । जाया य पुत्ता न भवंति ताणं, को नाम ते अणुमण्णेज्ज एयं ? || १२ || ४५४. खणमेत्तसोक्खा बहुकालदुक्खा पकामदुक्खा
५ श्री आगमगुणमंजूषा - १६५०
XORO
[१२]