Agam 41 Mool 02 Ogh Niryukti Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 39

(४३) उत्तरऽज्झयणं (चउत्थं मूलसुतं) अ. २९
[३१]
पल्हायणभावं जणयइ । पल्हायणभावमुवगए य सव्वपाण-भूय जीव सत्तेसु मेत्तीभावं उप्पाएइ । मेत्तीभावमुवगए यावि जीवे भावविसोहिं काऊण निब्भए भवइ १७ ॥१९॥ ११२०. सज्झाएणं भंते! जीवे किं जणवइ । सज्झाएणं नाणावरणिज्जं कम्मं खवेइ १८ ॥२०॥ ११२१. वायणाए णं भंते! जीवे किं जणयइ ? वायणाए निज्जरं जणय, सुयस्स य अणासायणयाए वट्टइ । सुयस्स अणासायणयाए वट्टमाणे तित्थधम्मं अवलंबइ । तित्थधम्मं अवलंबमाणे महानिज्जरे महापज्जवसाणे भवइ १९ ||२१|| ११२२. पडिपुच्छणाए णं भंते ! जीवे किं जणयइ ? पडिपुच्छणाए णं सुत्तत्थ तदुभयाइं विसोहेइ, कंखामोहणिज्जं कम्मं वोच्छिंदइ २० ||२२|| ११२३. परियट्टणाए णं भंते! जीवे किं जणयइ ? परियट्टणाए णं वंजणाई जणयइ, वंजणलद्धिं च उप्पाएइ २१ ॥ २३॥ ११२४. अणुप्पेहाए णं भंते! जीवे किं जणयइ ? आउवज्जाओ सत्त कम्मपगडीओ धणियबंधणबद्धाओ सिढिलबंघणबद्धाओ पकरेइ, दीहकालट्ठिझ्याओ हस्सकालट्ठिझ्याओ पकरेइ, तिव्वाणुभावाओ मंदाणुभावाओ पकरेs, बहुपएसग्गाओ अप्पपएसग्गाओ पकरेइ, आउयं च णं कम्मं सिय बंधइ, सिय नो बंघइ अस्सायावेयणिज्जं च णं कम्मं नो भुज्जो भुज्जो उवचिणाइ, अणाइयं च णं अणवयग्गं दीहमद्धं चाउरंतं संसारकंतारं खिप्पामेव वीईवयइ २२ ||२४|| ११२५. धम्मकहाए णं भंते! जीवे किं जणयइ ? धम्मकहाए णं पवयणं पभावेइ, पवयणपभावए णं जीवे आगमेसस्सभद्दत्ताए कम्मं निबंध २३ ||२५|| १९२६. सुयस्स आराहणयाए णं भंते! जीवे किं जणयइ ? सुयस्स आराहणयाए अन्नाणं खवेइ, न य संकिलिस्सइ २४ ॥ २६ ॥ ११२८. संजमेणं भंते! जीवे किं जणयइ ? संजमेणं अणण्हयत्तं जणयइ २६ ||२८| ११३०. वोयाणेणं भंते ! जीवे किं जणयइ ? वोयाणेणं अकिरियं जणयइ । अकिरियाए भवित्ता तओ पच्छा सिज्झइ बुज्झइ मुच्चइ परिनिव्वायइ सव्वदुक्खाणमंतं करेइ २८ ||३०|| ११३१. सुहसाएणं भंते ! जीवे किं जणयइ ? सुहसाएणं अणुस्सुयत्तं जणयइ । अणुस्सुए णं जीवे अणुकंपए अणुब्भडे विगयसोगे चरित्तमोहणिज्जं कम्मं खवेइ २९ ॥३१॥ ११३२. अप्पडिबद्धयाए णं भंते! जीवे किं जणयइ ? अप्पडिबद्धयाए णं निस्संगत्तं जणयइ । निस्संगत्तेणं जीवे एगे एगग्गचित्ते दिया वा राओ वा असज्जमाणे अप्पडिबद्धे यावि विहरइ ३० ||३२|| ११३३. विवित्तसयणासणयाए णं भंते! जीवे किं जणयइ ? विवित्तसयणासणयाए णं चरित्तगुत्तिं जणयइ । चरणं जीवे विवित्ताहारे दढचरित्ते एगंतरए मोक्खभावपडिवन्ने अट्ठविहकम्मगंठिं निज्जरेइ ३१ ||३३|| ११३४. विणिवट्टणयाए णं भंते! जीवे किं जणयइ ? विणिवट्टणयाए णं पावकम्माणं अकरणयाए अब्भुट्ठेइ, पुव्वबद्धाण य निज्जरणयाए तं नियत्तेइ, तओ पच्छा चाउरंतं संसारकंतारं वीइवयइ ३२ ||३४|| ११३५. संभोगपच्चक्खाणेणं भंते! जीवे किं जणयइ ? संभोगपच्चक्खाणेणं आलंबणाई खवेइ । निरालंबणस्स य आयतट्टिया जोगा भवंति, सएणं लाभेणं संतुस्सइ, परस्स लाभं नो आसाएइ, परलाभं नो तक्केइ नो पीहेइ नो पत्थेइ नो अभिलसइ । परस्स लाभं अणस्साएमाणे अतक्केमाणे अपीहेमाणे अपत्थेमाणे अणभिलसेमाणे दोच्चं सुहसेज्जं उवसंपज्जित्ताणं विहरइ ३३ ||३५|| ११३६. उवहिपच्चक्खाणेणं भंते ! जीवे किं जणयइ । ? उवहिपच्चक्खाणेणं अपलिमंथं जणयइ । निरुवहिए णं जीवे निक्कखे उवहिमंतरेण य न संकिलिस्सा ३४ ||३६|| १९३७. आहारपच्चक्खाणेणं भंते! जीवे किं जणयइ ? आहारपच्चक्खाणेणं जीवीयासंसप्पओगं वोच्छिंदइ । जीवियासंसप्पओगं वोच्छिदित्ता जीवे आहारमंतरेण न संकिलिस्सा ३५ ||३७|| १९३८. कसायपच्चक्खाणेणं भंते! जीवे किं जणयइ ? कसायपच्चक्खाणेणं वीरागभावं जणयइ । वीयरागभावपडिवन्ने वि य णं जीवे समसुह- दुक्खे भवइ ३६ ॥ ३८ ॥ ११३९. जोगपच्चक्खाणेणं भंते! जीवे किं जणयइ ? जोगपच्चक्खाणेणं अजोगत्तं जणयइ । अजोगी णं जीवे नवं कम्मं न बंधइ, पुव्वबद्धं निज्जरेइ ३७ ||३९|| १९४० सरीरपच्चक्खाणेणं भंते! जीवे किं जणयइ ? सरीरपच्चक्खाणेणं सिद्धाइसयगुणत्तं निव्वत्तेइ । सिद्धाइसयगुणसंपन्ने य णं जीवे लोगग्गमुवगए परमसुही भवइ ३८ ||४०|| १९४१. सहायपच्चक्खाणेणं भंते! जीवे किं जणयइ ? सहायपच्चक्खाणेणं एगीभावं जणयइ । एगीभावभूए य णं जीवे एगग्गं भावेमाणे अप्पझंझे अप्पकलहे अप्पकसाए अप्पतुमतुमे संजमबहुले संवरबहुले समाहिए यावि भवइ ३९ ॥४१॥। ११४२. भत्तपच्चक्खाणेणं भंते! जीवे किं जणयइ ? भत्तपच्चक्खाणेणं अणेगाई भवसयाइं निरुभइ ४० ॥ ४२॥। ११४३. सब्भावपच्चक्खाणेणं भंते ! जीवे किं जणयइ ? सब्भावपच्चक्खाणेणं अनियट्टि जणयइ । अनियट्टिपडिवन्ने य अणगारे चत्तारि केवलिकम्मंसे खवेइ, तं जहा वेयणिज्जं आउयं नामं गोयं । 5 श्री आगमगुणमंजूषा - १६७० 5555
2010 03
9
0 5 5 5 5 5 5 5 5 5 5
TOK