Agam 41 Mool 02 Ogh Niryukti Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 33

FOR9555555555555555
(४३) उत्तरऽज्झयणं (चउत्थं मूलसुत्तं) अ, २३, २४
२५]
555555555555teroy
TO乐乐听听听听听听听听听听听听听听听听听听听听听听听听听听听听听听听听听听听听听乐听听听听听听听FM
९०३. 'दीवे य इति के वुत्ते ?' केसी गोयममब्बवी । तओ केसिं बुवंतं तु गोयमो इणमब्बवी ॥६७।। ९०४. 'जरा-मरणवेगेणं वुज्झमाणाण पाणिणं । धम्मो दीवो पइट्ठा य गई सरणमुत्तमं ॥६८॥९०५. 'साहु गोयम ! पन्ना ते छिन्नो मे संसओ इमो। अन्नो वि संसओ मज्झं तं मे कहसु गोयमा ! ।।६९||९०६. अन्नवंसि महोहंसि ॥ नावा विपरिधावई । जंसि गोयम ! आरूढो कहं पारं गमिस्ससि ? ||७०॥' ९०७. 'जा उ आसाविणी नावा न सा पारस्स गामिणी । जा निरस्साविणी नावा सा तु पारस्स गामिणी ॥७१||' ९०८. 'नावा य इति का वुत्ता ? केसी गोयममब्बवी । तओ केसि बुवंतं तु गोयमो इणमब्बवी ॥७२॥९०९. 'सरीरमाहु नाव त्ति जीवो ॥ वुच्चइ नाविओ। संसारो अण्णवो वुत्तो जं तरंति महेसिणो ॥७३॥' ९१०. “साहु गोयम ! पन्ना ते छिन्नो मे संसओ इमो। अन्नो वि संसओ मज्झं तं मे कहसु गोयमा ! ॥७४||९११. अंधयारे तमे घोरे चिट्ठति पाणिणो बहू। को करिस्सइ उज्जोयं सव्वलोगम्मि पाणिणं ? ||७५।।' ९१२. 'उग्गओ विमलो भाणु सव्वलोकपभंकरो। सो करिस्सइ उज्जोयं सव्वलोगम्मि पाणिणं ॥७६।।' ९१३. 'भाणू य इति के वुत्ते ?' केसी गोयममब्बवी । तओ केसिं बुवंतं तु गोयमो इणमब्बवी ॥७७|| ९१४. 'उग्गओ खीणसंसारो सव्वणु जिणभक्खरो । सो करिस्सइ उज्जोयं सव्वलोगम्मि पाणिणं ।।७८॥ ९१५. 'साहु गोयम ! पन्ना ते छिन्नो मे संसओ इमो । अन्नो वि संसओ मज्झं तं मे कहसु गोयमा ! |७९।। ९१६. सारीर-माणसे दुक्खे बज्झमाणाण पाणिणं । खेमं सिवं अणाबाहं ठाणं किं मन्नसी मुणी ! |८०॥ ९१७. 'अत्थि एगं धुवं ठाणं लोगग्गम्मि दुरारुहं । जत्थ नत्थि जरा मच्चू वाहिणो वेयणा तहा ॥८१॥' ८१८. 'ठाणे य इति के वुत्ते ?' केसी गोयममब्बवी । तओ केसिं बुवंतं तु गोयमो इणमब्बवी ॥८२।। ९१९. 'निव्वाणं ति अबाहं ति सिद्धी लोगग्गमेव य । खेमं सिवं अणाबाहं जं चरंति महेसिणो ।।८३।। ९२०. तं ठाणं सासर्यवासं लोगग्गम्मि दुरारुहं। जं संपत्ता नसोयंति भवोहतकरा मुणी ॥८४||' ९२१. 'साहु गोयम ! पन्ना ते छिन्नो मे संसओइमो। नमोते संसयातीत ! सव्वसुत्तमहोदही ! ||८५।। ९२२. एवं तु संसए छिन्ने केसी घोरपरक्कमे । अभिवंदित्ता सिरसा गोयमं तु महायसं ॥८६॥९२३. पंचमहव्वय धम्म पडिवज्जइ भावओ। पुरिमस्स पच्छिमम्मी मग्गे तत्थ सुहावहे ||८७|| ९२४. केसी-गोयमओ निच्चं तम्मि आसि समागमे । सुय-सीलसमुक्करिसो महत्थत्थविणिच्छओ ॥८८|| ९२५. तोसिया परिसा सव्वा सम्मग्गं समुवट्ठिया । संथुया ते पसीयंतु भयवं केसि-गोयम ॥८९||त्ति बेमि || * * ॥ केसि-गोयमिजं समत्तं ॥२३॥ *** २४ चउवीसइमं पवयणमायं अज्झयणं★★★९२६. अट्ठ पवयणमायाओ समिती गुत्ती तहेव य । पंचेव य समितीओ तओ गुत्तीओ आहिया ॥१॥९२७. इरिया-भासेसणादाणे १-४ उच्चारे ५ समिती इय । मणगुत्ती ६ वइगुत्ती ७ कायगुत्ती ८ य अट्ठमा ॥२॥ ९२८. एयाओ अट्ठ समितीओ समासेण वियाहिया । दुवालसंगं जिणऽक्खायं मायं जत्थ उपवयणं ॥३|| ९२९. आलंबणेण कालेणं मग्गेण जयणाय य । चउकारणपरिसुद्धं संजए इरियं रिए।।४।।९३०. तत्थ आलंबणं नाणं दंसणं चरणं तहा । काले य दिवसे वुत्ते, मग्गे उप्पहवज्जिए ॥५॥ ९३१. दव्वओ खेत्तओ चेव कालओ भावओ तहा । जयणा चउव्विहा वुत्ता, तं मे कित्तयओ सुण ॥६|| ९३२. दव्वओ चक्खुसा पेहे, जुगमेत्तं च खेत्तओ। कालओ जावरीएज्जा, उवउत्ते य भावओ|७||९३३. इंदियत्थे विवज्जेत्ता सज्झायं चेव पंचहा । तम्मुत्ती तप्पुरक्कारे उवउत्तेरियं रिए १॥८॥९३४. कोहे माणे य मायाए लोभे य उवउत्तया। हासे भय मोहरिए विगहासु तहेव य॥९॥९३५. एयाइं अट्ठ ठाणाइं परिवज्जितु संजए। असावजं मितं काले भासं भासेज्ज पन्नवं २॥१०॥९३६. गवेसणाए गहणे य परिभोगेसणा य जा। आहारोवहि-सेज्जाए एए तिन्नि विसोहए।११।।९३७. उग्गमुप्पायणं पढमे बीए सोहेज्ज एसणं । परिभोगम्मि चउक्कं विसोहेज्ज जयं जई ३ ।।१२।। ९३८. ओहोवहोवग्गहियं भंडगं दुविहं मुणी। गिण्हंतो निक्खिवंतो य पउंज्जेज्ज इमं विहिं॥१३॥ ९३९. चक्खुसा पडिलेहित्ता पमज्जेज्जा जयं जई। आइए निक्खिवेज्जा वा दुहओ वि समिए सया ४ ॥१४॥९४०. उच्चारं पासवणं खेलं सिंघाण जल्लियं । आहारं उवहिं देहं अन्नं वा वितहाविहं ॥१५|| ९४१. अणावायमसंलोए अणावाए चेव होइ संलोए। आवायमसंलोए आवाए चेव संलोए॥१६॥९४२. अणावायमसंलोए परस्सऽणुवघाइए। समे अझुसिरे यावि अचिरकालकयम्मिय ॥१७|| ९४३. वित्थिण्णे दूरमोगाढे नासन्ने बिलवज्जिए। तसपाण-बीयरहिए उच्चाराईणि वोसिरे ५
GO听听听听听听听听听听听听听听听听听听听听听乐乐华圳乐乐乐听听听听听听听听听听听听听乐坊乐乐所听听QC
EMOSo5555555555555555555555555 श्री आगमगुणमजूषा - १६६४5555555555555555555555555596OR