Agam 41 Mool 02 Ogh Niryukti Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 19

(४३) उत्तरऽज्झयणं (चउत्थं मूलसुतं) अ. १२, १३
[११]
पि कुविओ हेना ||२८|| ३८८. अवहेडियपट्टिसउत्तमंगे पसारियाबाहु अकम्मट्ठे । निब्भेरियच्छे रुहिरं वमंते उड्डम्मुहे निग्गयजीह नेते ॥२९॥ ३८९. ते पासियाखंडिय कभू विमणो विसन्नो अह माहणो सो । इसिं पसाएइ सभारियाओ हीलं च निंदं च खमाह भंते ! ||३०|| ३९०. बालेहिं मूढेहिं अयाणएहिं जं हीलिया तस्स खमाह भंते! । महप्पसाया इसिणो भवंति न हू मुणी कोवपरा भवंति ॥ ३१ ॥ ३९१. पुव्विं च इण्डिं च अणागयं च मणप्पओसो न मे अत्थि कोई । क्खा हु वेयावडियं करेति तम्हा हु एए निहया कुमारा ||३२|| ३९२. अत्थं च धम्मं च वियाणमाणा तुब्भे न वि कुप्पह भूइपन्ना । तुब्भं तु पाए सरणं उवेमो समागया सव्वजणेण अम्हे ||३३|| ३९३. अच्चेमो ते महाभाग ! न ते किंचि, न अच्चिमो । भुंजाहि सालिमं कूरं नाणावंजणसंजुयं ॥ ३४ ॥। ३९४. इमं च मे अत्थि पभूयमण्णं तं भुंजसू अम्ह अणुग्गहट्ठा। बाढं ति पडिच्छइ भत्त-पाणं मासस्स ऊ पारणए महप्पा ||३५|| ३९५. तहियं गंधोदय- पुप्फवासं दिव्वा तहिं वसुहारा य वुट्ठा। पहयाओ दुंदुहीओ सुरेहिं आगासे अहोदाणं च घुट्टं ||३६|| ३९६. सक्खं खु दीसइ तवोविसेसो न दीसई जाइविसेसो कोई । सोवागपुत्तं हरिएससाहुं जस्सेरिसा इड्डि महाणुभागा ।। ३७।। ३९७. किं माहणा ! जो समारभंता उदएण सोहिं बहिया विमग्गहा ? | जं मग्गहा बाहिरियं विसोहिं न तं सुदिनं कुसला वयंति ॥ ३८ ॥ ३९८. कसं च जूवं तण-कट्ठमग्गिं सायं च पायं उदगं फुसंता । पाणाई भूयाई विहेडयंता भुज्जो वि मंदा ! पकरेह पावं ||३९|| ३९९. कहं चरे भिक्खु ! वयं जयामो पावाइं कम्माई पणुल्लयामो ? । अक्खाहि णे संजय ! जक्खपूइया ! कहं सुजद्वं कुसला वयंति ? ॥४०॥ ४००. छज्जीवकाए असमारभंता मोसं अदत्तं च असेवमाणा । परिहं इथिओ माण मायं एयं परिन्नाय चरंति दंता ॥ ४१ ॥ ४०१. सुसंवुडा पंचहिं संवरेहिं इह जीवियं अणवकंखमाणा । वोसट्टकाया सुचिचत्तदेहा महाजयं जयई जन्नई जन्नसिहं ॥ ४२ ॥ ४०२. के ते जोई ? के व ते जोइठाणा ? ते सुया ? किं व ते कारिसंगं ? । एह्वा य ते कयरा संति भिक्खू ? कयरेण होमेण हुणासि जोई ? ॥४३॥ ४०३. तवो जोई जीवो जोइठाणं जोया सुया सरीरं कारिसंगं । कम्मं एहा संजमजोग संती होमं हुणामि इसिणं पसत्थं ||४|| ४०४. के ते हरए ? के य ते संतितित्थे ? कहिं सि ण्हाओ व रयं जहासि ? । आइक्ख णे संजय ! जक्खपूइया ! इच्छामु नाउं भवओ सकासे ॥४५॥ ४०५. धम्मे हरए बंभे संतितित्थे अणाइले अत्तपसण्णलेसे । जर्हिसि ण्हाओ विमलो विसुद्धो सुसीइओ पहामि दोसं ॥ ४६ ॥ ४०६. एवं सिणाणं कुसलेहिं दिट्टं महासिणाणं इसिणं पसत्थं । जहिंसि व्हाया विमला विसुद्धा महारिसी उत्तमं ठाण पत्त ॥ ४७॥ त्ति बेमि ॥ ★★★ ॥ हरिएसिज्जं समत्तं ॥ ★★★ १३ तेरसमं चित्त- सभूइज्जं अज्झयणं ★★★ ४०७. जाईपराजिओ खलु कासि नियाणं तु हत्थिणपुरम्मि । चुलणीए बंभदत्तो उववण्णो परमगुम्माओ ॥ १ ॥ ४०८. कंपिल्ले संभूओ, चित्तो पुण जाओ पुरिमतालम्मि । सेट्ठिकुलम्मि विसाले धम्मं सोऊण पव्वइओ || २ || ४०९. कम्पिलाम्मि य नयरे समागया दो वि चित्तसंभूया । सुहदुक्खफलविवागं कहेति ते एगमेगस्स ||३|| ४१०. चक्कवट्टी महिडिओ बंभदत्तो महायसो । भायरं बहुमाणेण इमं वयणमब्बवी ||४|| ४११. आसिमो भायरो दो वि अण्णमण्णवसाणुगा । अण्णमण्णमत्ता अन्नमन्नहि सिणो ||५|| ४१२. दासा दसने आसी मिगा कालिंजरे नगे । हंसा मयंगतीराए सोवागा कासभूभिए || ६ || ४१३. देवा य देवलोगम्मि आसि अम्हे हड्डिया । इमाण छट्टिया जाई अण्णमण्णेण जा विणा ||७|| ४१४. कम्मा निदाणपगडा तुमे रायं ! विचितिया । तेसिं फलविवागेण विप्पओगमुवागया ॥ ८ ॥ ४१५. सच्च-सोयप्पगडा कम्मा मए पुरा कडा । ते अज्ज परिभुंजामो किं नु चित्तो वि से तहा ? || ९ || ४१६. सव्वं सुच्चिण्णं सफलं नराणं कडाण कम्माण न मोक्खु अत्थि । अत्थेहिं कामेहिं य उत्तमेहिं आया ममं पुण्णफलोववे ॥ १०॥ ४१७. जाणाहि संभूय ! महाणुभागं महिड्डियं पुन्नफलोववेयं । चित्तं पि जाणाहि तहेव रायं ! इड्डी जुई तस्स वि य प्पभूया || ११ || ४१८. महत्थरूवा वयणऽप्पभूया गाहाऽणुगीया नरसंघमज्झे । जं भिक्खुणो सीलगुणोववेया इहं जयंते समणो मि जाओ ||१२|| ४१९. उच्चोदए १ महु २ कक्के ३ य बंभे ५ पवेइया आवसहा य रम्मा । इमं गिहं वित्तधणप्पभूयं पसाहि पंचालगुणोववेयं ॥ १३ ॥ ४२०. नट्टेहिं गीएहिं य वाइएहिं नारीजणाई परिचारयंतो। भुंजाहि भोगाई इमाई भिक्खू ! मम रोयई पव्वज्जा हु दुक्खं || १४ || ४२१. तं पुव्वनेहेण कयाणुरागं नराहिवं कामगुणेसु गिद्धं । धम्मस्सिओ तस्स
KOAA श्री आगमगुणमंजूषा- १६५० 67295