Agam 41 Mool 02 Ogh Niryukti Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 15

(४३) उत्तरऽज्झयणं (चउत्थं मूलसुत्त) अ. ९
[७]
उवसंतमोहणिज्जो सरई पोराणियं जाई ॥१॥ २३०. जाई सरित्तु भगवं सहसंबुद्धो अणुत्तरे धम्मे । पुत्तं ठवित्तु रज्जे अभिनिक्खमई नमी राया ||२|| २३१. सो 'देवलोगसरिसे अंतेउरवरगओ वरे भोए । भुंजित्तु नमी राया बुद्धो भोए परिच्चयइ ॥ ३ ॥ २३२. मिहिलं सपुरजणवयं बलमोरोहं च परिजणं सव्वं । चेच्चा अभिनिक्खंतो एतमहिओ भवं ||४|| २३३. कोलाहलगब्भूतं आसी मिहिलाए पव्वयंतम्मि । तइया रायरिसिम्मि नमिम्मि अभिनिक्खमंतम्मि ||५|| २३४. अब्भुट्टियं रायरिसिं पव्वज्जाठाणमुत्तमं । सक्को माहणरुवेणं इमं वयणमब्बवी ||६|| २३५. किं णु भौ ! अज्ज मिहिलाए कोलाहलगसंकुला । सुव्वंति दारुणा सद्दा पासाए गिहे ? ||७|| २३६. एयमहं निसामेत्ता हेऊ कारणचोइओ । ततो नमी रायरिसी देविंदं इणमब्बवी ||८|| २३७. मिहिलाए चेइए वच्छे सीयच्छाए मणोरमे । पत्तपुप्फ-फलोवे बहू बहुगुणे सय ॥ ९ ॥ २३८. वाएण हीरमाणम्मि चेइयम्मि मणोरमे । दुहिया असरणा अत्ता एए कंदंति भो ! खगा ॥। १० ।। २३९. एयमहं निसामेत्ता - कारणचोइओ । तओ नमि रायरिसिं देविंदो इणमब्बवी ||११|| २४०. एस अग्गी य वाओ य एवं डज्झति मंदिरं । भगवं ! अंतेउरंतेणं कीस णं नाववेक्खह ? ||१२|| २४१. एयमहं निसामित्ता हेउ कारणचोइओ । तओ नमी रायरिसी देविंदं इणमब्बवी ॥ १३ ॥ २४२. सुहं वसामो जीवामो जेसि मो नत्थि किंचणं । मिहिलाए डज्झमाणीए न मे डज्झइ किंचणं ॥ १४ ॥ २४३. चत्तपुत्त- कलत्तस्स निव्वावारस्स भिक्खुणो। पियं न विज्जई किंचि अप्पियं पि न विज्जइ || १५ || २४४. बहुं खु मुणिणो भद्दं अणगारस्स भिक्खुणो । सव्वतो विप्पमुक्कस्स एगंतमणुपस्सओ ||१६|| २४५. एयमहं निसामेत्ता हेऊ-कारणचोइओ । तओ नमिं रायरिसिं देविंदो इणमब्बवी ॥१७॥ २४६. पागारं कारइत्ताणं गोपुरऽट्टालगाणि य। ओमूलग सयग्घीओ तओ गच्छसि खत्तिया ! ||१८|| २४७. एयमहं निसामेत्ता हेऊ- कारणचोइओ । तओ नमी रायरिसी देविंदं इणब्बवी ||१९|| २४८. सद्धं नगरं किच्चा तवसंवरमग्गलं । खंत्तिं निउणपागारं तिगुत्तं दुप्पहंसयं ॥ २० ॥ २४९. धणुं परक्कमं किच्चा जीवं च इरियं सया । धिरं च केयणं किच्चा सच्चेणं पलिमंथए ॥ २१ ॥ २५०. तवनारायजुत्तेणं भेत्तूर्ण कम्मकंचुयं । मुणी विगयसंगामो भवाओ परिमुच्चई ||२२|| २५१. एयमट्टं . निसामेत्ता हेउ-कारणचोइओ । तओ नमिरायरिसिं देविंदो इणमब्बवी ||२३|| २५२. पासाए कारइत्ताणं वद्धमाणगिहाणि य । वालग्गपोइयाओ य ततो गच्छसि खत्तिया ! ||२४|| २५३. एयमहं निसामेत्ता हेऊ कारणचोइओ । तओ नमी रायरिसी देविंदं इणमब्बवी ॥ २५ ॥ २५४. संसयं खलु कुणइ जो मग्गे कुणई घरं । जत्थेव तुमिच्छेज्जा तत्थ कुव्वेज्ज सासयं ॥ २६ ॥ २५५. एयंमहं निसामेत्ता हेऊ कारणचोइओ । तओ नमि रायरिसिं देविदं इणमब्बवी ||२७|| २५६. आमोसे लोमहारे य गंठिभेए य तक्करे । नगरस्स खेमं काऊणं ततो गच्छसि खत्तिया |||२८|| २५७. एयमहं निसामेत्ता हेऊ- कारणचोइओ । तओ नमी रायरिसी देविंदं इणमब्बवी ||२९|| २५८. असइं तु मणुस्सेहिं मिच्छादंडो पउंजई । अकारिणोऽत्थ बज्झंति मुच्चई कारओ जणो ||३०|| २५९. एयमद्वं निसामेत्ता हेऊ-कारणचोइओ । तओ नमिं रायरिसिं देविंदो इणमब्बवी ||३१|| २६०. जे केइ पत्थिवा तुब्भं नाऽऽणमंति नराहिवा ! वसे ते ठावइत्ताणं ततो गच्छसि खत्तिया ! ||३२|| २६१. एयमहं निसामित्ता हेऊ-कारणचोइओ । तओ नमी रायरिसी देविंदं इणमब्बवी ||३३|| २६२. जो सहस्सं सहस्साणं संगमे दुज्जए जिणे । एवं जिणेज्न अप्पाणं एस से परमो जओ ||३४|| २६३. अप्पाणमेव जुज्झाहि किं ते जुज्झेण बज्झओ । अप्पाणमेव अप्पाणं जइत्ता सुहमेह ||३५|| २६४. पंचिदियाणि कोहं माणं मायं तहेव लोभं च । दुज्जयं चेव अप्पाणं सव्वमप्पे जिए जियं ||३६|| २६५. एयमहं निसामेत्ता हेऊ कारणचोइओ । तओ नभिं रायरिसिं देविंदो इणमब्बवी ||३७|| २६६. जइत्ता विपुले to भोत्ता समण-माहणे । दत्ता भोच्चा य जट्ठा य तओ गच्छसि खत्तिया ! ||३८|| २६७. एयमहं निसामेत्ता हेऊ कारणचोइओ । तओ नमी रायरिसी देविंद इणमब्बवी ||३९|| २६८. जो सहस्सं सहस्साणं मासे मासे गवं दए । तस्सावि संजमो सेओ अदितस्स वि किंचिणं ||४०|| २६९. एयमहं निसामेत्ता हेउकारणचोइओ । तओ नमी रायरिसिं देविंदो इणमब्बवी ||४१|| २७०. घोरासमं चइत्ताणं अण्णं पत्थेसि आसमं । इहेव पोसहरओ भवाहि मणुयाहिवा ! ||४२|| २७१. एयमहं निसामेत्ता हेऊ कारणचोइओ । तओ नमी रायरिसी देविंदं इणमब्बवी ||४३|| २७२. मासे मासे उ जो बालो कुसग्गेण तु भुंजए। न सो सक्खायधम्मस्स niras सोलसिं ॥ ४४ ॥ २७३. एयमहं निसामेत्ता हेऊ कारणचोइओ । तओ नमि रायरिसीं देविंदो इणमब्बवी || ४५|| २७४. हिरण्णं सुवण्णं मणि मुत्तं कंसं LOOK श्री आगमगुणमंजूषा - १६४६
HORO