Agam 41 Mool 02 Ogh Niryukti Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 16

(४३) उत्तरऽज्झयणं (चउत्थं मूलसुतं) अ. ९, १०
I
दूसंच वाहणं । कोसं वढावइत्ताणं तओ गच्छसि खत्तिया ! ॥ ४६ ॥ २७५. एयमहं निसामेत्ता हेऊ कारणचोइओ । तओ नमी रायरिसी देविंदं इणमब्बवी ||४७|| २७६. सुवण्ण-रुपस्स उ पव्वया भवे सिया हु केलाससमा असंख्या । नरस्स लुद्धस्स न तेहिं किंचि इच्छा हु आगाससमा अणंतिया ॥४८॥ २७७. पुढवी साली जवा चेव हिरण्णं पसुभिस्सह । पडिपुण्णं नालमेगस्स इइ विज्जा तवं चरे ॥ ४९ ॥ २७८. एयमहं निसामेत्ता हेऊ कारणचोइओ । तओ नमि रायरिसिं देविंदो इणमब्बवी ॥५०॥ २७९. अच्छेरयमब्भुदए भोए चयसि पत्थिवा ! । असंते कामे पत्थेसि संकप्पेण विहण्णसि ॥ ५१ ॥ २८०. एयमहं निसामेत्ता हेऊ- कारणचोइओ । तओ नमी रायरिसी देविंदं इणमब्बवी ।। ५२ ।। २८१. सल्लं कामा विसं कामा कामा आसीविसोवमा। कामे पत्थेमाणा अकामा जंति दुग्गई ||५३ || २८२. अहे वयइ कोहेणं माणेणं अहमा गई। माया गइपडिग्घाओ लोहाओ दुहओ भयं ॥ ५४॥ २८३. अवइज्झिऊण माहणरूवं विउरुव्विऊण इंदत्तं । वंदइ अभित्थुणंतो इमाहिं महुरांहिं वग्गूहिं ।। ५५ ।। २८४. अहो ! ते निज्जिओ कोहो अहो ! माणो पराजिओ । अहो ते निरक्किया माया अहो ! लोहो वसीकओ ॥ ५६ ॥ २८५. अहो ! ते अज्जवं साहु अहो ! ते साहु मद्दवं । अहो ! ते उत्तमा खंती अहो ! ते मुत्ति उत्तमा ॥५७॥ २८६ . इहं सि उत्तमो भंते ! पेच्चा होहिसि उत्तमो। लोगुत्तमुत्तमं ठाणं सिद्धिं गच्छसि नीरओ ॥५८॥ २८७. एवं अभित्थुणंतो रायरिसिं उत्तमाए सद्धाए। पयाहिणं करेंतो पुणो पुणो वंदई सक्को|| ५९ ॥ २८८. तो बंदिऊण पाए चक्कंकुसलक्खणे मुणिवरस्स । आगासेणुप्पइओ ललियचवलकुंडलतिरीडी ॥६०॥ २८९. नमी नमेइ अप्पाणं सक्खं सक्केण चोइओ । चइऊण गेहं वइदेही सामण्णे पज्जुवडिओ ॥ ६१ ॥ २९०. एवं करेति संबुद्धा पंडिया पवियक्खणा। विणियद्वंति भोगेसु जहा से नमी रायरिसि ॥६२॥ त्ति बेमि || ★ ★ ★ । नमिपव्वज्जाऽज्झयणं समत्तं ||९|| ★★★ १० दसमं दुमपत्तयं अज्झयणं ★★★ २९१. दुमपत्तए पंडुयए जहा निवडइ राइगणाण अच्चइ । एवं मणुयाण जीवियं समयं गोयम ! मा पमा ॥ १ ॥ २९२. कुसग्गे जह ओसबिंदुए थोवं चिट्ठइ लंबमाणए। एवं मणुयाण जीवियं समयं गोयम ! मा पमायए || २ || २९३. इइ इत्तिरियम्मि आउए जीवियए बहुचवा | वाहिरयं पुरेकडं समयं गोयम ! मा पमायए ॥ ३॥ २९४. दुल्लभे खलु माणुसे भवे चिरकालेण वि सव्वपाणिणं । गाढा य विवाग कम्मुणो समयं गोयम ! मा पमायए ॥४॥ २९५. पुढवीकायमइगओ उक्कोस्सं जीवो उ संवसे । कालं संखाईयं समयं गोयम ! मा पमायए ||५|| २९६. आउक्कायमइगओ उक्कोसं वो संवसे । कालं संखातीयं समयं गोयम ! मा पमायए ||६|| २९७. तेउक्कायमइगओ उक्कोस्सं जीवो उ संवसे। कालं संखातीयं समयं गोयम ! मा पमायए ||७|| २९८. वाउक्कायमइगओ उक्कोसं जीवो उ संवसे । कालं संखाईयं समयं गोयम ! मा पमायए || ८|| २९९. वणस्सइकायमइगओ उक्कोस्सं जीवो उ संवसे। कालमणंत दुरंतं समयं गोयम ! मा पमायए ||९|| ३००. बेइंदियकायमइगओ उक्कोस्सं जीवो उ संवसे । कालं संखेज्जसन्नियं समयं गोयम ! मा पमाय ॥१०॥ ३०१. तेइंदियकायमइगओ उक्कोस्सं जीवो उ संवसे । कालं संखेज्जसन्नियं समयं गोयम ! मा पमायए ।। ११ ।। ३०२. चउरिदियकायमइगओ उक्कोस्सं जीवो उ संवसे । कालं संखेज्जसन्नियं समयं गोयम ! मा पमायए ||१२|| ३०३. पंचिदियकायमइगओ उक्कोस्सं जीवो उ संवसे। सत्तडट्ट भवग्गहणे समयं गोयम ! मा पमायए ॥१३॥ ३०४. देवे नेरइए य अइगओ उक्कोसं जीवो उ संवसे। एक्क्कभवग्गहणे समयं गोयम ! मा पमाय ॥ १४॥ ३०५ एवं भवसंसारे संसरइ सुभासुभेहिं कम्मेहिं । जीवो पमा बहुलो समय गोयम ! मा पमाय ॥ १५ ॥ ३०६. लद्धूण वि माणुसत्तणं आयरियत्तं पुणरावि दुल्लहं । बहवे दसुया मिलक्खुया समयं गोयम ! मा पमायए ॥ १६ ॥ ३०७. लद्धूण वि आयरियत्तणं अहीणपंचिंदियता हु दुल्लहा। विगलिंदियता हु दीसई समयं गोयम ! मा पमायए ||१७|| ३०८. अहीणपंचेदियत्तं पि से लभे उत्तम धम्मसुई हु दुल्लहा । कुतित्थिनिसेवए जणे समयं गोयम ! मा पमायए ।। १८ ।। ३०९. लद्धूण वि उत्तमं सुइं सद्दहणा पुणरावि दुल्लहा । मिच्छत्तनिसेवए जणे समयं गोयम ! मा पमायए || १९|| ३१०. धम्मं पि हु सद्दहंतया दुल्लभया कारण फासया । इह कामगुणेसु मुच्छिया समयं गोयम ! मा पमायए ||२०|| ३११. परिजूरइ ते सरीरयं केसा पंडुरया भवंति ते । से सोयबले य हायई समयं गोयम ! मा पमाय ॥ २१ ॥ ३१२. परिजूरइ ते सरीरयं केसा पंडुरया भवंति ते । से
प्र श्री आगमगुणमंजूषा १६४७ YOR
KOK
[८]
ॐॐॐॐॐॐॐএএএএউএব