Agam 41 Mool 02 Ogh Niryukti Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 13

(४३) उत्तरऽज्झयणं (चउत्थं मूलसुत्त) अ. ५,६,७
मुंडिणं । एयाणि वि न तायंति दस्सीलं परियागयं ॥ २१ ॥ १५१. पिंडोलए व्व दुस्सीलो नरगाओ न मुच्चई । भिक्खाए वा गिहत्थे वा सुव्वए कमई दिवं ॥ २२ ॥ १५२. अगारसामाइयंगाई सड्डी काएण फासए । पोसहं दुहओ पक्खं एगराई न हावए ||२३|| १५३. एवं सिक्खासमावन्नो गिहवासे वि सुव्वए । मुच्चई छवि पव्वाओ गच्छे जक्खसलोगयं ॥२४॥ ९५४. अह जे संवुडे भिक्खु दोण्हमन्नतरे सिया । सव्वदुक्खप्पहीणे वा देवे वा वि महिड्डिए || २५ || १५५. उत्तराई विमोहाई जुइमंताऽणुपुव्वसो । समाइन्नाइं जक्खेहिं आवासाइं जसंसिणो ||२६|| १५६. दीहाउया इड्डिमंता समिद्धा कामरूविणो । अहुणोववन्नसंकासा भुज्जोअच्चिमालिप्पभा ॥२७॥ १५७.ताई ठाणाइं गच्छंति सिक्खित्ता संजमं तवं । भिक्खाए वा गिहत्थे वा जे संतिपरिनिव्वुडा ॥२८॥। १५८. तेसिं सोच्चा सपुज्जाणं संजयाणं वसीमओ । न संतसंति मरणंते सीलमंता बहुस्सुया ||२९|| १५९. तुलिया विसेसमादाय दयाधम्मस्स खंतिए । विप्पसीएज्ज मेहावी तहाभूएण अप्पणा ||३०|| १६०. तओ काले अभिप्पेए सड्डी तालिसमंतिए । विणएज्ज लोमहरिसं भेयं देहस्स कंखए ॥ ३१ ॥ १६१. अह कालम्मि आघायाय समुस्सयं । सकाममरणं मरइ तिण्हमण्णतरं मुणि ||३२||त्ति बेमि ||★★★|| अकाममरणिज्जं अज्झयणं समत्तं ॥५॥ ★★★ ६ छठ्ठे खुड्डागनियंठिज्जं अज्झयणं ★★★ १६२. जावंतऽविजापुरा सव्वे ते दुक्खसंभवा । लुप्पंति बहुसो मूढा संसारम्मि अनंतए || १ || १६३. समिक्ख पंडिए तम्हा पासजाईपडे बहू । अप्पणा सच्चमेसेज्जा मेत्तिं भूएसु कप्प ||२|| १६४. माया पिया हुसा भाया भज्जा पुत्ता य ओरसा। नालं ते मम ताणाय लुप्पंतस्स सकम्मुणा ||३|| १६५. एयमट्टं सपेहाए पासे समियदंसणे । छिंद गिद्धिं सिणेहं च न कखे पुव्वसंथवं || ४ || १६६. गवासं मणि- कुडलं पसवो दास-पोरुसं । सव्वमेयं चइत्ताणं कामरूवी भविस्ससि ||५|| १६७. अज्झत्थं सव्वओ सव्वं दिस्स पाणे पियायए। न हणे पाणिणो पाणे भय-वेराओ उवरए || ६ || १६८. आयाणं निरयं दिस्स नाइएज्ज तणामवि । दोगुंछी अप्पणो पाए दिन्नं भुंजेज्ज भोयणं ||७|| १६९. इहमेगे तु मन्नंति अपच्चक्खाय पावगं । आयरियं विदित्ता णं सव्वदुक्खा विमुच्चई ||८|| १७०. भणंता अकरेंता य बंध- मोक्खपइन्निणो । वायाविरिमंत्तेणं समासासेति अप्पयं ॥९॥ १७१. न चित्ता तायए भासा, कुओ विज्जाणुसासणं ? । विसंन्ना पावकम्मेहिं बाला पंडियमाणिणो || १०|| १७२. जे केइ सरीरे सत्ता वन्ने रूवे य सव्वसो । मणसा काय वक्केणं सव्वे ते दुक्खसंभवा ||११|| १७३. आवण्णा दीहमद्धाणं संसारम्मि अणंतए । तम्हा सव्वदिसं पस्स अप्पमत्तो परिव्वए ॥१२॥। १७४. बहिया उड्डमादाय नावकंखे कयाइ वि । पुव्वकम्मखयट्ठाए इमं देहं समुद्धरे || १३|| १७५. विविच्च कम्मुणो हेउं कालकंखी परिव्वए । मायं पिंडस्स पाणस्स क ल भक्खए || १४ || १७६. सन्निहिं च न कुव्वेज्जा लेवमायाए संजए। पक्खी पत्तं समादाय निरवेक्खो परिव्वए ।। १५ ।। १७७. एसणासमिओ लज्जू गामे अनियओ चरे । अप्पमत्तो पमत्तेहिं पिंडवायं गवेसए । १६ ।। १७८. एवं से उदाहु अणुत्तरनाणी अणुत्तरदंसी अणुत्तरनाण-दंसणधरे अरहा नायपुत्ते भगवं वेंसालीए वियाहिए ॥१७॥त्ति बेमि ॥ ★★★ ॥ खड्डागनियंडिज्जं समत्तं ॥६॥★★★ ७ सत्तमं एलइज्जं अज्झयणं ★★★ १७९. जहाऽऽएसं समुद्दिस्स कोइ पोसेज्ज एलगं । ओयणं जवसं देज्जा पोसेज्जा वि सयंगणे ॥ १॥ १८०. तओ से पुट्ठे परिव्वूढे जायमेदे महोदरे। पीणिए विपुले देहे आएसं पडिकंखए ॥२॥ १८१. जाव न एइ आएसे ताव जीवइ से दुही। अह पत्तम्मि आएसे सीसं छेत्तूण भुज्जई || ३ || १८२. जहा खलु से ओरब्भे आएसाय समीहिए। एवं बाले अधम्मिट्ठे ईहई निरयाउयं ||४|| १८३. हिंसे बाले मूसावाई अद्धाणम्मि विलोवए । अण्णऽदत्तहरे तेणे माई कण्णुहरे सढे ||५|| १८४. इत्थीविसयगिद्धे य महारंभपरिग्गहे । भुंजमाणे सुरं मंसं परिवूढे परंदमे ||६|| १८५. अयकक्करभोई य तुंदिले चियलोहिए। आउयं निरए कंखे जहाऽऽएस व एलए ||७|| १८६. आसणं सयणं जाणं वित्तं कामे य भुजिया । दुस्साहडं धणं हेच्चा बहुं संचिणिया रयं ||८|| १८७. तओ कम्मगुरू जंतू पच्चुप्पण्णपरायणे । अय व्व आगयाऽऽएसे मरणंतम्मि सोयई || ९ || १८८. तओ आउपरिक्खीणे चुया देहा विहिंसगा। आसुरियं दिसं बाला गच्छंति अवसा तमं ॥ १० ॥ १८९. जहा कागणिए हेउ सहस्सं हारए नरो । अपत्थं अंबगं भोच्चा राया रज्जं तु हार || ११|| १९० एवं माणुस्साया कामा देवकामाण अंतिए । सहस्सगुणिया भुज्जो आउं कामा य दिव्विया ॥ १२ ॥ १९१. अणगेवासानउया जासा
NORO
[]
原POR
श्री आगमगुणमंजूषा १६४४ ००