Agam 41 Mool 02 Ogh Niryukti Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 11

(४३) उत्तरऽज्झयणं (चउत्थं मूलसुत्तं) अ. २, ३
न गच्छेज्ना उट्ठेत्ता अन्नमासणं १० ||२३|| ७२. उच्चावयाहिं सेज्जाहिं तवस्सी भिक्खु थामवं । णाइवेलं विहन्नेज्जा पावदिट्ठी विहन्नई ||२४|| ७३. पइरिक्वस्यं लद्धुं कल्लाणं अदुव पावगं । किमेगरायं करिस्सति ? एवं तत्थऽहियास ११ ||२५|| ७४. अक्कोसेज्ज परो भिक्खुं न तेसिं पडिसंजले । सरिसो होइ बालाणं तम्हा भिक्खू न संजले ||२६|| ७५. सोच्चा णं फरुसा भासा दारुणा गामकंटगा । तुसिणीओ उवेहेज्जा न ताओ मणसीकरे १२ ||२७|| ७६. हओ ण संजले भिक्खू मणं पिन पओसए । तितिक्खं परमं नच्चा भिक्खू धम्मं विचिंत ॥ २८ ॥ ७७. समणं संजयं दंतं हणेज्जा कोइ कत्थई । नत्थि जीवीस्स नासो त्ति एवं पेहेज्ज संजए १३ ॥२९॥ ७८. दुक्करं खलु भो! निच्चं अणगारस्स भिक्खुणो । सव्वं से जाइयं होइ नत्थि किंचि अजाइयं ||३०|| ७९. गोयरग्गपविट्ठस्स पाणी नो सुपसारए । सेओ अगारवासो त्ति इइ भिक्खू न चिंतए १४ ||३१|| ८०. परेसु गासमेसेज्जा भोयणे परिनिट्ठिए । लद्धे पिंडे अलब्द्धे वा नाणुतप्पेज्ज पंडिए ||३२|| ८१. अज्जेवाहं न
भामि अवि लाभो सुए सिया। जो एवं कडिसंचिक्खे अलाभो तं न तज्जए १५ ||३३|| ८२. नच्चा उप्पत्तियं दुक्खं वेयंणाए दुहट्टिए । अदीणो थावए पन्नं पुट्ठो तत्थऽहियासए ॥ ३४॥ ८३. तेइच्छं नाभिनंदेज्ना संचिक्खेऽत्तगवेसए। एतं खु तस्स सामण्णं जं न कुज्जा न कारए १६ || ३५|| ८४. अचेलगस्स लूहस्स संजयस्स तवस्सिणो । तणेसु सुयमाणस्स होज्जा गायविराहणा ||३६|| ८५. आयवस्स निवाएणं अतुला होइ वेयणा । एवं नच्चा न सेवेति तंतुजं तणतज्जिया १७ ||३७|| ८६. किलिण्णगाते मेहावी पंकेण व रएण वा । घिसु वा परियावेणं सातं नो परिदेवए ||३८|| ८७. वेएज्ज निज्जरापेही आरियं धम्मऽणुत्तरं । जाव सरीरभेदो त्ति जल्लं काण धार १८ ||३९|| ८८. अभिवायणमब्भुट्ठाणं सामी कुज्जा निमंतणं । जे ताइं पडिसेवेति न तेसिं पीहए मुणी ||४०|| ८९. अणुक्कसाई अप्पिच्छे अन्नातेसी अलोलुए। रसेसु नाणुगेज्झेज्जा नाणुतप्पेज्ज पण्णवं १९ ||४१ || ९०. से नूण मए पुव्विं कम्माऽनाणफला कडा । जेणाहं नाभिजाणामि पुट्ठो केणइ कण्हुई ||४२|| ९१. अह पच्छा उइज्जति कम्माऽनाणफला कडा । एवमासासे अप्पाणं नच्चा कम्मविवागयं २० ||४३|| ९२. निरत्थयम्मि विरओ मेहुणाओ सुसंवुडो । जो सक्खं नाभिजाणामि धम्मं कल्लाणं पावयं ॥ ४४ ॥ ९३. तवोवहाणमादाय पडिमं पडिवज्जओ । एवं पि विहरओ मे छउमं नो यिट्टई २१ || ४५ || ९४. नत्थि नूणं परे लोए इड्डी वा वि तवस्सिणो । अदुवा वंचिओ मि त्ति इइ भिक्खू न चिंतए । ४६ ।। ९५. अभू जिणा अत्थि जिणा अदुवा वि भविस्सई । मुसं ते एवमाहंसु इइ भिक्खू न चिंताए २२ ।।४७।। ९६. एए परीसहा सव्वे कासवेण पवेइया । जे भिक्खू न विहण्णेज्जा पुट्ठो केणइ कण्हुइ ॥ ४८ ॥ त्ति बेमि ॥ ★★★ ॥ परीसहऽज्झयणं समत्तं ॥ २॥ ★★★ ३ तइयं चाउरंगिज्जं अज्झयणं ★★★ ९७. चत्तारि परमंगाणि दुल्लहाणिह जंतुणो । माणुसत्तं सुई सद्धा संजमम्मि य वीरियं ॥ १ ॥ ९८. समावण्णा ण संसारे नाणागोत्तासु जाइसु । कम्मा नाणाविहा कट्टु पुढो विस्संभिया पया ॥ २ ॥ ९९. एगया देवलोगेसु नरएसु वि एगया। एगया आसुरं कायं आहाकम्मेहिं गच्छई ||३|| १००. एगया खत्तिओ होइ तओ चंडाल बोक्कसो । तओ कीड पयंगो य तओ कुंथू पिवीलिया ॥४॥ १०१. एवमावट्टजोणीसु पाणिणो कम्मकिब्बिसा । न निव्विज्नंति संसारे सव्वट्ठेसु व खत्तिया || ५ || १०२. कम्मसंगेहिं सम्मूढा दुक्खिया बहुवेयणा । अमाणुसासु जोणीसु विणिहम्मंति पाणिणो ||६|| १०३. कम्माणं तु पहाणाए आणुपुव्वी कयाइ उ । जीवा सोहिमणुप्पत्ता आययंति मणुस्स ||७|| १०४. माणुस्सं विग्गहं लब्धुं सुई धम्मस्स दुल्लहा । जं सोच्चा कडिवज्जंति तवं खंतिमहिंसयं ॥ ८ ॥ १०५. आहच्च सवणं लब्धुं सद्धा परमदुल्लहा । सोच्चा णेयाउयं मग्गं बहवे परिभस्सई ||९|| १०६. सुइं च लद्धुं सद्धं च वीरियं पुण दुल्लहं । बहवे रोयमाणा वि नो य णं पडिवज्जई ||१०|| १०७. माणुसत्तम्मि आयाओ जो धम्मं सोच्च सद्दहे । तवस्सी वीरियं लद्धुं संवुडो निद्धुणे र ||११|| १०८. सोही उज्जुयभूयस्स धम्मो सुद्धस्स चिट्ठई । निव्वाणं परमं जाइ घयसित्ते व पावए । १२ ।। १०९. विगिंच कम्मुणो हेउं जसं संचिण खंतिए । पाढवं सरीरं हेच्चा उड्ढं पक्कमई दिसं || १३ | ११०. विसालिसेहिं सीलेहिं जक्खा उत्तरउत्तरा । महासुक्का व दिप्पंता मण्णंता अप्पुच्चयं ॥ १४ ॥ १११. अप्पिया देवकामाणं कामरूवविउव्विणो । उड्ढं कप्पेसु चिट्ठेति पुव्वा वाससया बहू ॥ १५॥ ११२. तत्थ ठिच्चा चहाठाणं जक्खा आउक्खए चुया । उवेंति माणुस जोणि से दसंगेऽभिजायई
T
KO श्री आगमगुणमंजूषा १६४२
[३]