Agam 41 Mool 02 Ogh Niryukti Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 12

(४३) उत्तरऽज्झयणं (चउत्यं मूलसुत्त) अ. ३.४.५
॥१६॥ ११३. खेत्तं वत्युं हिरण्णं च पवसो दास-पोरुसं ॥ चत्तारि कामखंधाणि तत्थ से उववज्जई १ ||१७|| ११४. मित्तवं २ नायवं ३ होइ उच्चागोए ४ य वण्णवं ५ । अप्पायंके ६ महापन्ने ७ अभिजाए ८ जसो९ बले १० ॥ १८॥ ११५. भोच्चा माणुस्सए भोए अप्पडिरूवे अहाउयं । पुव्वं विसुद्धसद्धम्मे केवलं बोहि बुज्झिया ॥१९॥ ११६. चउरंगं दुल्लहं मत्ता संजमं पडिवज्जिया । तवसा धुयकम्मंसे सिद्धे हवइ सासए ॥२०॥ त्ति बेमि ॥ ★★★ ॥ चाउरंगिज्जं समत्तं ॥ ३ ॥ ४ चउत्थं असंखयं अज्झयणं ★★★ ११७. असंखयं जीविय मा पमायए जरोवणीवस्स हु नत्थि ताणं । एवं वियाणाहि जणे पमत्ते किन्नु विहिंसा अजया गर्हिति ॥ १ ॥ ११८. जे पावकम्मेहिं धणं मणुस्सा समाययंती अमई गहाय । पहाय ते पास पर्यट्टिए नरे वेराणुबद्धा नरगं उवेति ॥ २ ॥ ११९. तेणे जहा संधिमुहे गहीए सकम्मुणा कच्चइ पावकारी । एवं पया! पेच्च इहं च लोए कडाण कम्माण न मोक्खु अत्थि || ३ || १२०. परस्स अट्ठा साहारणं जं च करेइ कम्मं । कम्मस्स संसारमावन्न ते तस्स उ वेयकाले न बंधवा बंधवयं उवेति ॥ ४ ॥ १२१. वित्तेण ताणं न लभे पमत्ते इमम्मि लोए अदुवा परत्था । दीवप्पणठ्ठे व अणंतमोहे नेयाउयं दद्रुमदट्टुमेव ॥ ५ ॥। १२२. सुत्ते यावी पडिबुद्धजीवी न वीससे पंडिय आसुपन्ने। घोरामुहुत्ता अबलं सरीरं भारुंडपक्खी व चरऽप्पमत्तो ||६|| १२३. चरे पयाइं परिसंकमाणो जं किंचि पासं इह मन्नमाणो । लाभंतरे जीविय विहइत्ता पच्छा परिणाय मलाबघंसी ||७|| १२४. उंदं निरोहेण उवेइ मोक्खं आसे जहा सिक्खियवम्मधारी । पुव्वाइं वासाइं चरsप्पमत्तो तम्हा मुणी खिप्पमुवेइ मोक्खं ॥ ८॥ १२५. स पुव्वमेवं न लभेज्ज पच्छा एसोवमा सासयवाइयाणं । विसीयई सिढिले आउयम्मि कालोवणीए सरीरस्स भेए ||९|| १२६. खिप्पं न सक्केइ विवेगमेउं तम्हा समुट्ठाय पहाय कामे । समेच्च लोगं समया महेसी अप्पाणरक्खी चर मप्पमत्तो ||१०|| १२७. मुहुं मुहुं मोहगुणे जयंतं अणेगरूवा समणं चरंतं । फासा फुसंती असमंजसं च न तेसु भिक्खू मणसा पउस्से ||११|| १२८. मंदा य फासा बहुलोभणिज्जा तहप्पगारेसु मणं न कुज्जा | रक्खेज्न कोहं विणएज्ज माणं पायं न सेवे पयहिज्ज लोहं ॥ १२ ॥ १२९. जे संख्या तुच्छ परप्पवाई ते पेज्ज - दोसाणुगया परज्झा। 'एए अहम्मे ' त्ति दुगुंछमाणो कंखे गुणे जाव सरीरभेओ ॥१३॥ त्ति बेमि ॥ ★★★ ॥ असंखयं समत्तं ॥ ४॥ ★★★ ५ पंचमं अकाममरणिज्जं अज्झयणं ★★★ १३०. अन्नवंसि महोहंसि एगे तिन्ने दुरुत्तरं । तत्थ एगे महापन्ने इमं पण्हमुदाहरे ||१|| १३१. संतिमे य दुवे ठाणा अक्खाया मारणंतिया । अकाममरणं चेव अकाममरणं तहा ||२|| १३२. बालाणं अकामं तु मरणं असई भवे । पंडियाणं सकामं तु उक्कोसेण स भवे || ३ || १३३. तत्थिमं पढमं ठाणं महावीरेण देसियं । कामगिद्धे जहा बाले भिसं कराई कुव्वई ||४|| १३४. जे गिद्धे काम - भोगेसु एगे कूडाय गच्छई । न मे दिट्ठे परे लोए चक्खुदिट्ठा इमा रई || ५ || १३५. हत्थागया इमे कामा कालिया जे अणागया । को जाणइ परे लोए अत्थि वा पत्थि वा पुणो ? ||६|| १३६. 'जणेण सद्धिं होक्खामि' इइ बाले पगब्भई । माक-भोगाणुरागेणं केसं संपडिवज्नई ||७|| १३७. तओ से दंड समारमई तसेसु थावरेसु य । अट्ठाए य अणट्ठाए भूयगामं विहिंसई ||८|| १३८. हिंसे बाले मुसावाई माइल्ले पिसुणे सढे । भुंजमाणे सुरं मंसं 'सेयमेयं' ति मन्नई ॥९॥ १३९. कायसा वयसा मते वित्ते गिद्धे य इत्थिसु । दुहओ मलं संचिणई सिसुनागो व्व मट्ठियं ॥ १० ॥ १४० तओ पुट्ठो आयंकेणं गिलाणो परितप्पई । पभीओ परलोगस्स कम्माणुप्पेहि अप्पणो ॥ ११॥ १४१. सुया मे नरए ठाणा असीलाणं च जा गई । बालाणं कूरकम्माणं पगाढा जत्थ वेयणा ॥ १२ ॥ १४२. तत्थोववाइयं ठाणं जहा मे तमणुस्सुयं । आहाकम्मेहिं गच्छंतो सो पच्छा परितप्पई ॥ १३ ॥ १४३. जहा सागडिओ जाणं समं हेच्चा महापहं । विसमं मग्गमोइण्णो अक्खे भग्गम्मि सोयई ॥१४॥ १४४. एवं धम्मं विउक्कम्म अहम्मं पडिवज्जिया । बाले मच्चुमुहं पत्ते अक्खे भग्गे व सोयई || १५ || १४५. तओ से मरणंतम्मि बाले संतसई भया । अकाममरणं मरइ धुत्ते वा कलिणा जिए ।। १६ ।। १४६. एवं अकागमरणं बालांण तु पवेइथं उतो सकाममरणं पंडियाणं सुणे मे ||१७|| १४७. मरणं पि सपुण्णाणं जहा मे तमणुस्सुयं । विप्पसन्नमणाघायं संजयाणं वुसीमओ ॥ १८॥ १४८. न इमं सव्वेसु भिक्खूसु न इमं सव्वेसु गारिसु । नाणासीला य गारत्था विसमसीला य भिक्खुणो || १९|| १४९. संति एगेहिं भिक्खूहिं गारत्था संजमुत्तरा । गारत्थेहि य सव्वेहिं साधवो संजमुत्तरा ||२०|| १५०. चीराजिणं निगिणिणं जडी संघाडि
श्री आगमगुणमंजूषा - १६४३ 502293
फ्र
(४)
फ्र
फफफफफफफफ