Page #1
--------------------------------------------------------------------------
________________ zrIAtmAnanda-jainagrantharatnamAlA ratnam 89 kalikAlasarvajJazrIhemacandrAcAryapraNItaM sklaarhtstotrm| zrIkanakakuzalagaNivihitayA vRttyA samalaGkRtam saMzodhitaM ca tat pravartakazrIkAntivijayamahArAjaziSyAtmAnandajainagrantharatnamAlA''dyasampAdakamahArAjazrIcaturavijayA ntevAsinA munipuNyavijayena / prakAzitaM ca tat bhAvanagarasthayA zrIjainaAtmAnandasabhayA / vIra saMvat 2468 / prathamAvRttiH / vikrama saMvat 1998 Atma saMvat 46 pratayaH 700 / isvIsan 1942
Page #2
--------------------------------------------------------------------------
________________ zrIAtmAnanda-jainagrantharatnamAlA ratnam 89 ~ ~ ~ ~ ~ kalikAlasarvajJazrIhemacandrAcAryapraNItaM sklaarhtstotrm| zrIkanakakuzalagaNivihitayA vRttyA samalaGkRtam saMzodhitaM ca tat pravartakazrIkAntivijayamahArAjaziSyAtmAnandajainagrantharatnamAlA''dyasampAdakamahArAjazrIcaturavijayA ntevAsinA munipuNyavijayena / prakAzitaM ca tat bhAvanagarasthayA zrIjainaAtmAnandasabhayA / vIra saMvat 2468 / prathamAvRtti: vikrama saMvat 1998 Atma saMvat 46 / prataya : 700 (isvIsan 1941
Page #3
--------------------------------------------------------------------------
________________ pustakamidaM rAjanagare ( amadAvAda - nagare) 'pAnakoranAkA jumA masjIda' sthAnasthe zrIzAradAmudraNAlaye mAstara hIrAcandra devacandradvArA mudrayitam / prakAzitaM ca tat " vallabhadAsa tribhuvanadAsa gAMdhI, sekreTarI zrIjaina AtmAnanda sabhA bhAvanagara " ityanena /
Page #4
--------------------------------------------------------------------------
________________ // jayantu viitraagaaH|| prAsaGgikaM nivedanam / adya kiledaM savRttikaM sakalArhatstotretiprasiddhAbhikhyaM caturvizatijinanamaskArastavanamupadIkriyate vidvadvandakarakamaleSu / stotraM hyetat praNItaM syAdvAdavijJAnaghaTitamUrttinA kalikAlasarvajJena bhagavatA shriihemcndrsrinnaa| nahyetatstotramAcAryeNa svatantraM sUtritaM kintu triSaSTizalAkApuruSacaritamahAkAvyAghamaGgalatvenopanyastamidam / AkRSTaM caitat tataH pRthag vibudhajanaiH mahAprabhAvamatyadbhutapratibhAsampannamiti / etaccAdhijigAMsUnAmatIvopayogIti savRttikaM prakAzyate'smAbhiH / eSA ca vRttistapogacchAdhIzAcAryapurandarazrIvijayasenasUriziSyeNa zrImatA kanakakuzalena vaikramIye 1654 mite'bde nirmiteti prakaTamevAvasIyate vRttiprAntagataprazastipadyAvalokanena / etavRttikAravihitA anye'pyetadatiriktA dAnaprakAza-jJAnapaJcamIkathA-dIpAlikAkalpa-devAH prabhostotravRtti-bhaktAmarastotravRtti-caturvizatijinastotravRtti pramukhA granthA uplbhynte| vRttiriyamAdyapipaThiSUNAM tatpipAThayiSUNAM cAtIvopayoginI, yato'tra vRttikRtA pratizlokaM tadgatAni sAmAsikapadAni tathA vyutpAditAni varttante yathA'bhyastasadyaskavyAkaraNAnAM navyavineyAnAM vizeSataH tadviSayaM kaushlmaapaadytiiti|
Page #5
--------------------------------------------------------------------------
________________ saMzodhanasamaye savRttikasyAsyAtIvAzuddhA ekaiva pratirAsAditA / tadAdhAreNAsya saMzodhanaM prakAzanaM ca vyadhAyIti yadatra kiJcit kSuNNaM skhalitaM vA syAt tat kSantavyaM dhIdhanairityabhyarthayate--- mahArAjazrIcaturavijayacaraNasaroruhacazcarIkaH muniH puNyavijayaH S
Page #6
--------------------------------------------------------------------------
________________ // aham // // pravartakazrIkAntivijayapAdapadmabhyo namaH // kalikAlasarvajJaprabhuzrIhemacandramuriviracitaM sklaarhtstotrm| zrIkanakakuzalagaNivinirmitayA vRttyA samalaGkRtam / sakalArhatpratiSThAnamadhiSThAnaM shivshriyH| bhUrbhuvaH-svastrayIzAnamArhantyaM praNidadhmahe // 1 // vyAkhyA--vayam ArhantyaM praNidadhmahe itynvyH| vayamiti zeSaH / arhato bhAva ArhantyaM-tIrthakRttvam / 'praNidadhmahe' praNamAmaH / kiMlakSaNamArhantyam ? 'sakalAIpratiSThAna' sakalAH-samastA ye arhantaHjinAH teSu pratiSThAnam-avasthAnaM yasya tat ; ko'rthaH ? yathA ghaTatvaM ghaTe sthitaM tathA Arhantyamapi arhatsu sthitamityarthaH / sakalAzca te'hantazca sakalArhantaH, sakalArhatsu pratiSThAnaM yasya tat sakalAIpratiThAnam / punaH kiMviziSTamArhantyam ? 'adhiSThAnaM' nagaram , yataH"adhiSThAnaM prabhAve'dhyAsane nagara-cakrayoH" ityanekArthe (haima0catuHsvarakANDa zlo0 1529) / kasyAH ? 'zivazriyaH' moksslkssmyaaH| zivasya zrIH zivazrIH, tasyAH shivshriyH| punaH kiMviziSTamArhantyam ? 'bhUrbhuvaHsvastrayIzAnaM' bhUH rasAtalaM bhuvaH-martyalokaH svaH-svargaH eteSAM yA
Page #7
--------------------------------------------------------------------------
________________ trayI-trikaM tasyA IzAnaM-nAyakam / bhUrbhuvaH svaHzabdA avyayatvena prasiddhA jJeyAH / bhUrbhuvaHzabdo krameNa nAgaloka-martyalokavAcakAviti bRhnnyaase| bhUzca bhuvazca strazca bhUrbhuvaH svaH, trayANAM samAhAraH trayI, bhUrbhuvaH svaH trayI bhUrbhuvaH-vastrayI, bhUrbhuvaH svastrayyA IzAnaM bhUrbhuvaHsvastrayIzAnam / ityAdyazlokArthaH // 1 // nAmA-''kRti-dravya-bhAvaiH punatastrijagajjanam / kSetre kAle ca sarvasminnahataH samupAsmahe // 2 // vyAkhyA-vayam arhataH samupAsmahe ityanvayaH / vayamiti shessH| 'arhataH tIrthakarAn 'samupAsmahe' sevAmahe / arhataH kiMkurvataH ? 'punataH' pvitriikurvtH| kiM karmatApannam ? 'trijagajjana' tribhuvanalokam / trayANAM jagatAM samAhAraH trijagat , trijagato janaH trijagajjanaH, taM trijagajjanam / kaiH ? 'nAmA-''kRti-dravya-bhAvaiH' nAmAni RSabha ityAdikAni, AkRtayaH-pratimAH, dravyANi-jinajIvAH, bhAvAHsamavasaraNasthA arhantaH taiH| nAmAni ca AkRtayazca dravyANi ca bhAvAzca naamaa-''kRti-drvy-bhaavaastaiH| etadarthapratipAdikA gAthA ceyam - "nAmajiNA jiNanAmA, ThavaNajiNA puNa jinniNdpddimaao| davvajiNA jiNajIvA, bhAvajiNA samavasaraNatthA // " iti| kasmin ? 'kSetre' paJcabharatairAvata-videhalakSaNe / kathambhUte kSetre ? 'sarvasmin skle| 1 "bhU sattAyAmu" ityataH "mithi-rajyuSi-tR-za-bhU-vaSTimyaH kit' (u* 971) ityasi uvAdeze pRSodarAditvAdakAralope ca bhUs bhuvas prathAkarma nAg2a-manuSyalokavAcakau" iti "svarAdayo'vyayam" iti sidbhahema 1-1-30 sUtrabRhannyAse //
Page #8
--------------------------------------------------------------------------
________________ 'ca' punH| kasmin ? 'kAle' utsrpinnyvsrpinniiruupe| kathambhUle kAle ? 'sarvasmin samaye / iti dvitIyazlokArthaH // 2 // Adima pRthivInAthamAdimaM niSparigraham / AdimaM tIrthanAthaM ca, vRSabhasvAminaM stumaH // 3 // vyAkhyA-vayaM vRSabhasvAminaM stuma ityanvayaH / vayamiti zeSaH / vRSabhazcAsau svAmI ca vRSabhasvAmI, taM vRSabhasvAmina-vRSabha iti nAnA prabhum / 'stumaH' stutiM kurmaH, "STuMgk stutau" / vRSabhasvAminaM kiMlakSaNam ? 'pRthivInAthaM' rAjAnam / pRthivyA nAthaH pRthivInAthaH, taM pRthivInAtham / pRthivInAthaM kiMviziSTam ? 'Adima' prathamam / punaH kiMlakSaNaM vRSabhasvAminam ? 'niSparigrahaM' bhikSum / nirgataH parigrahAditi niSparigrahaH, taM niSparigraham / kiMlakSaNaM niSparigraham ? Adimaprathamam / punaH kimbhUtaM vRSabhasvAminam ? 'tIrthanAtham' arhantam / tIrthasya nAthaH tIrthanAthaH, taM tIrthanAtham / kimbhUtaM tIrthanAtham ? 'Adima' prathamam / iti tRtIyazlokArthaH // 3 // arhantamajitaM vizvakamalAkarabhAskaram / amlAnakevalAdarzasaGkrAntajagataM stuve // 4 // vyAkhyA--aham ajitaM stuve itynvyH| ahamiti zeSaH / 'ajitam' ajitanAmAnaM dvitIyatIrthakaraM 'stuve' stutiM kurve / kiMlakSaNamajitam ? 'arhantam' arhati-tribhuvanakRtAyAH pUjAyA yogyo bhavati ityarhan , tam arhantam , tIrthakaramityarthaH / punaH kiMlakSaNamajitam ? 'vizvakamalAkarabhAskara' vizva-jagat tadeva kamalAkaraH-sarojakhAti
Page #9
--------------------------------------------------------------------------
________________ tatra bhAskaraH sUryaH prabodhakatvAt / kamalAnAm AkaraH kamalAkaraH, vizvameva kamalAkaraH vizvakamalAkaraH, vizvakamalAkare bhAskaraH vizvakamalAkara bhAskaraH tam / punaH kiMlakSaNamajitam ? 'amlAna kevalAdarzasaGkrAntajagatam' amlAnaH-- sazobho yaH kevalAdarza:- kevalajJAnadarpaNaH tena saGkrAntAni -pratibimbitAni jaganti - bhuvanAni yasmin sa tam / na mlAnaH amlAnaH, kevalameva AdarzaH kevalAdarzaH, amlAnazvAsau kevalAdarzazca amlAnakevalAdarzaH, saGkrAntAni ca tAni jaganti ca saGkrAntajaganti, amlAnakevalAdarzena saGkrAntajaganti yasmin so'mlAnakevalAdarzasaGkrAntajagat, tam amlAnakevalAdarzasaGkrAntajagatam / iti caturthazlokArthaH // 4 // vizvabhavyajanArAmakulyAtulyA jayanti tAH / dezanAsamaye vAcaH, zrIsambhavajagatpateH ||5|| vyAkhyA-- zrIsambhavajagatpateH dezanAsamaye vAco jayanti ityanvayaH / zriyA -lakSmyA yukto yaH sambhavaH - sambhavanAmA jagatpatiHvizvasvAmI tasya / zriyA yuktaH sambhavaH zrIsambhavaH, jagatAM patirjagatyatiH, zrIsambhavazcAsau jagatpatizca zrIsambhavajagatpatiH, tasya zrIsambhavajagatpateH / 'dezanAsamaye' dharmopadezaprastAve / dezanAyAH samayaH dezanAsamayaH, tasmin dezanAsamaye / 'vAcaH ' giraH / 'jayanti' sarvotkarSeNa vartanta ityarthaH, "ji jaye" iti dhAtuH / kiMlakSaNA vAcaH ? 'vizvabhavya janArAmakulyAtulyAH' vizve- samastA ye bhavyajanAH - bhavyaprANinaH ta eva ArAmAH - vanAni tatra kulyAtulyAH - sAraNisadRzAH, vizveSu - jagatsu ye bhavyajanA iti vA / bhavyAzca te janAzca bhavyajanAH,
Page #10
--------------------------------------------------------------------------
________________ vizve ca te bhavyajanAzca vizvabhavyajanAH, vizvabhavyajanA eva ArAmAH vizvabhavyajanArAmAH, kulyAnAM tulyAH kulyAtulyAH, vizvabhavyajanArAmeSu kulyAtulyA vizvabhavyajanArAmakulyAtulyAH / punaH kimbhUtA vAcaH ? ' tAH' prasiddhAH / iti paJcamazlokArthaH ||5|| anekAntamatAmbhodhisamullAsanacandramAH / dadyAdamandamAnandaM, bhagavAnabhinandanaH || 6 || vyAkhyA-- abhinandanaH AnandaM dadyAd ityanvayaH / 'abhinandanaH' abhinandananAmA [ caturtho jinaH ] 'Ananda' pramodaM 'dadyAd' dizyAt, "DudAJ dAne" iti dhAtuH / kiMlakSaNo'bhinandanaH ? 'anekAntamatAmbhodhisamullAsanacandramAH' anekAntamataM - syAdvAdamataM tadeva ambhodhiH - samudraH tasya samullAsanaM samuddIpanaM tatra candramAH - vidhuH / na vidyate ekAnto yatra tad anekAntam, anekAntaM ca tad mataM ca anekAntamatam, anekAntamatameva ambhodhiH anekAntamatAmbhodhiH, anekAntamatAmbhodheH samullAsanaM anekAntamatAmbhodhisamullAsanam, anekAntamatAmbhodhisamullAsane candramAH anekAntamatAmbhodhisamullAsanacandramAH / kiMlakSaNamAnandam ? [ amandaM ' ] sajjaM kAryakaraNakSamamityarthaH, analpamiti vA / kiMlakSaNo'bhinandanaH ? 'bhagavAn' "bhago'rka 1 jJAna 2 mAhAtmya 3 yazo 4 vairAgya 5 muktiSu 6 / rUpa 7 vIrya 8 prayatne9 cchA 10 zrI 11 dharmai 12 zvarya 13 yoniSu 14 // " (haimA - nekArtha dvisvarakANDa zlo0 52) arka -yonyarthI varjayitvA atra bhagazabdArthA jJeyAH, bhagaH asyAstIti bhagavAn / iti SaSTha zlokArthaH // 6 // "
Page #11
--------------------------------------------------------------------------
________________ dhuskiriittshaannaayottejitaahinkhaavliH| bhagavAn suMmatikhAmI, tanotvabhimatAni vaH // 7 // vyAkhyA-sumatisvAmI vaH abhimatAni tanotu ityanvayaH / sumatiH-sumatinAmI svAmI prabhuH / suSTu-zobhanA matiryasya saH sumatiH, sumatizcAsau svAmI ca sumatisvAmI / 'vaH' yuSmAkam / abhimatAni-vAJchitAni / 'tanotu' vistArayatu, "tanUyI vistAre" iti dhaatuH| kiMlakSaNaH sumatisvAmI ? 'dhusakirITazANAmottejitAMhinakhAvaliH' dyusadaH-devAH teSAM kirITAni-mukuTAni tAni eva zANAHnikaSAH teSAm agrANi-uparitanabhAgAH taiH uttejitA-ucchAtA ahinakhAvaliH-caraNanakhazreNiyasya saH / dyusadAM kirITAni busakirITAni, ghusatkirITAnyeva zANAH ghusakirITazANAH, dhusakirITazANAnAm agrANi ghusaMkirITazANAgrANi, aMDyornakhAH ahinakhAH, ahinakhAnAm AvaliH ahinakhAvaliH, ghusakirITazANApraiH uttejitA dhusatkirITazANAprottejitA, dyusakirITazANAgottejitA ahinakhAvaliyasya saH dhuskiriittshaannaayottejitaaNhinkhaavliH| punaH kiMviziSTaH sumatisvAmI ? 'bhagavAn' bhago'syAtIti bhgvaan| bhagazabdArthaH pUrvokto zeyaH / iti saptamazlokArthaH // 7 // padmaprabhaprabhordaihabhAsaH puSNantu vaH zivam / antaraGgArimathane, kopATopAdivAruNAH // 8 // 1 .aizvaryasya samaprasya, rUpasya yazasaH zriyaH / dharmasyAtha prayatnasya, ghaNNAM bhaga itIGganA // 1 // ityapyucyate // 2 upasagaipUrvakasya "zoMca tankaraNa" iti dhAtoH kAntamidai rUpam / /
Page #12
--------------------------------------------------------------------------
________________ vyAkhyA - padmaprabhaprabhordehabhAsaH vaH zivaM puSNantu ityanvayaH padmaprabhaH - padmaprabhanAmA prabhuH - svAmI / padmavat prabhA yasya saH padmaprabhaH, padmazabdena atra padmarAgo jJeyaH, "padaikadeze padasamudAyopacarid" itinyAyAt, padmaprabhazcAsau prabhuzca padmaprabhaprabhuH tasya / 'dehabhAsaH' zarIrakAntayaH / dehasya bhAsaH dehabhAsaH / 'vaH' yuSmAkam / 'ziva' kalyANam / 'puSNantu' puSTIkurvantu, "puSza puSTau " iti dhAtuH / kathambhUtA dehabhAsaH ? 'aruNAH' raktAH / atrotprekSA 'iva' utprekSyate / 'kIpATopAta ' krodhAvezAt / kIpasya ATopaH kopATopaH, tasmAt kopATaupAt / kasmin ? 'antaraGgArimathane' antaraGgAH - AbhyantarA ye areyaH -mada-madana- krodha-lobha- mAyAdyAsteSAM maMthana - viloDanaM tatra antaraGgAzca te arayazca antaraGgArayaH, antaraGgArINAM mathanaM antaraGgArimathanam, tasmin antaraGgArimathane / ityaSTama zlokArthaH // 8 // I zrI supArzva jinendrAya, maheMndramahitahiye / namaMzcaturvarNasaGghagaganAbhogabhAsvate // 9 // , " vyAkhyA -- zrIsupArzvajinendrAya namaH astu ityanvayaH / zriyAprAtihAryalakSmyA yuktaH supArzvaH -supArzvAbhidhaH jinendraH- tIrthakRt tasmai / suSThu - zobhane pArzva-samIpaM yasya saH supArzvaH zriyA yuktaH supArzvaH zrIsupArzvaH, jinAnAm indraH jinendra zrIsupArzvazvAsau jinendrazva zrIsupavijinendraH, tasmai zrIsupavijinendrAya / 'namaH' namaskAro bhavatu / astviti zeSaH, "yaMtrAnyat kriyApadaM na zrayate tatrAsti bhavatItyAdika prayujyate" itinyAyAt / kiviziSTAya zrIsupAzvajinendrIya ? 'mahendra-' mahitArhraye' mahendrAH- vAsavAH taiH mahito- pUjitau ahrI caraNoM yasya
Page #13
--------------------------------------------------------------------------
________________ saH,"mahendro vAsave zaile" ityanekArthe(haima0 trisvarakANDa zlo01193) mahAntazca te indrAzceti vA / mahendrarmahitau mahendramahito, mahendramahitI ahI yasya saH mahendramahitAMhiH, tasmai mahendramahitAMhaye / punaH kiMlakSaNAya zrIsupArzvajinendrAya ? 'caturvarNasaGghagaganAbhogabhAsvate' catvAraH-catuHsaGkhyAkA varNAH-sAdhu-sAdhvI-zrAvaka-zrAvikAlakSaNA yatra sa evaMvidho yaH saGghaH-samudAyaH sa eva gaganam-AkAzaM tasya AbhogaH-vistAraH tatra bhAsvAn-sUryaH tasmai / catvAro varNA yatra saH caturvarNaH, caturvarNazcAsau saGghazca caturvarNasaGghaH, caturvarNasaGgha eva gaganaM caturvarNasaGghagaganam , caturvarNasaGghagaganasya AbhogaH catuvarNasaGghagaganAbhogaH, caturvarNasaGghagaganAbhoge bhAsvAn caturvarNasaGghagaganAbhogabhAsvAn tasmai / iti navamazlokAkSarArthaH // 9 // candraprabhaprabhozcandramarIcinicayojjvalA / mUrtimUrttasitadhyAnanirmiteva zriye'stu vaH // 10 // vyAkhyA--candraprabhaprabhoH mUrtiH vaH zriye'stu ityanvayaH / candraprabhaH candraprabhanAmA aSTamatIrthakRt prabhuH-svAmI tasya / candravat prabhA yasya saH candraprabhaH, candraprabhazcAsau prabhuzca candraprabhaprabhuH tasya / 'mUrtiH' kaayH| 'vaH' yuSmAkam / 'zriye lakSmyai astu / kiMlakSaNA mUrtiH ? 'candramarIcinicayojjvalA' candraH-vidhuH tasya marIcayaH-kiraNAH teSAM nicayaH-samUhaH tadiva ujjvalA-dhavalA / candrasya marIcayaH candramarIcayaH, candramarIcInAM nicayaH candramarIcinicayaH, candramarIcinicayavad ujjvalA candramarIcinicayojjvalA / 'iva' utprekSyate / 'mUrttasitadhyAnanirmitA' mUrta-mUrtimat sazarIramiti yAvad yat sitadhyAnaM ___
Page #14
--------------------------------------------------------------------------
________________ zukladhyAnaM tena nirmitA - niSpAditA / sitaM ca tad dhyAnaM ca sitadhyA-" nam, mUrta ca tat sitadhyAnaM ca mUrcasitadhyAnam, mUrttasitadhyAnena nirmitA mUrttasitadhyAnanirmitA / iti dazama zlokArthaH // 10 // karAmalakavad vizvaM, kalayana kevalazriyA / acintyamAhAtmyanidhiH, suvidhirbodhaye'stu vaH // 11 // vyAkhyA -- suvidhiH vaH bodhaye'stu ityanvayaH / 'suvidhiH' suvighinAmA navamatIrthakaraH / suSThu - zobhano vidhiryatra sa suvidhiH / 'vaH' yuSmAkam / bodhiH - jinadharmaprAptiH tasyai, bodhizabdaH strIliGgaH / 'astu' bhavatu / suvidhiH kiM kurvan ? ' kalayan ' jAnan / kiM karmatApannam ? 'vizva' jagat / kayA ? 'kevalazriyA' kevalajJAnakamalayA, "padaikadeze padasamudAyopacArAd" itinyAyAt kevalazabdena kevalajJAnamucyate / kevalasya zrIH kevalazrIH, tayA kevalazriyA / kiMvat ? 'karAmalakavat' hastagatAmalakaphalavadityarthaH / kare AmalakaM karAmalakam, karAmalakamiva karAmalakavat / punaH kiMlakSaNaH suvidhiH ? ' acintyamAhAtmya - nidhiH' acintyaM-vicArayitumazakyaM yad mAhAtmyam - anubhAvaH tasya nidhiH - nidhAnam / cintanArha cintyam, na cintyam acintyam, mahAMvAsau AtmA ca mahAtmA, mahAtmanaH bhAvaH mAhAtmyam, acintyaM ca tad mAhAtmyaM ca acintyamAhAtmyam, acintyamAhAtmyasya nidhiH acintyamAhAtmyanidhiH / ityekAdaza zlokArthaH // 11 // 1 kare-haste amalaM-nirmalaM yat kaM jalaM tadvad, ityevamapi kecid vyAkhyAnti //
Page #15
--------------------------------------------------------------------------
________________ -: - - sattvAnoM paramAnandakandoMr3hedanavAmbudaH / sthAdvAdAmRtaniHsyandI, zItalaH pAtu vo jinaH // 12 // vyAkhyA zItalaH vaH pAtu ityanvayaH / 'zItalaH' zItalanAmA dazamo'rhan 'vaH' yuSmAn 'pAtu' rakSatu, "pAMk rakSaNe" iti dhaatuH| kiMlakSaNaH zItalaH ? 'paramAnandakandodbhedanavAmbudaH' paramaHprakRSTo ya AnandaH-harSaH sa eva kandaH-bhUmigatavanaspativizeSaH tasya udbhedaH-prakaTatA tatra navaH-navInaH ambudaH meghaH / paramazcAsau Anandazca paramAnandaH, paramAnanda eva kandaH paramAnandakandaH, paramAnandakandasya udbhedaH paramAnandakandodbhedaH, navazcAsau ambudazva navAmbudaH, paramAnandakandodbhede navAmbudaH paramAnandakandodbhedanavAbudaH / keSAm ? 'sattvAnAM' prANinAm / punaH kiMlakSaNaH zItalaH / 'syAdvAdAmRtaniHsyandI' syAd ityavyayapadam anekAntavAcakam, tasya vAdaH-jalpanaM syAdvAdaH-anekAntavAdaH tadeva amRta-pIyUSa tardai niHsyandateM-zravatItyevaMzIlaH, "syandauG zravaNe" iti dhAtuH bhvAdirAtmanepadI, atra antasthIyo yakAraH sakAre jJeyo na tu pavargIyaH p:| syAd vAdaH syAdvAdaH, syAdvAda evaM amRtaM syAdvAdAmRtam , syAdvAdAmRta niHsyandata ityevaMzIlaH syaadvaadaamRtniHsyndii| puna: kilakSaNaH zItala ? jinaH kevalI / iti dvAdazazlokArthaH / / 12 // bhavarogA''ttajantUnAmagardavAradarzanaH / niHzreyasazrIramaNaH, zreyAsaH zreyasai'stu vaH // 13 // vyAkhyA-zreyAMsaH zreyase vaH astu ityanvayaH / zreyAMsaH' zreyAMsanAmA ekAdazo'rhan 'zreyase' kalyANAya mokSAya vA 'vaH' yuSmAkam . . .
Page #16
--------------------------------------------------------------------------
________________ 11 'astu' bhavatu / kathambhUtaH zreyAMsaH ? 'agadaGkAradarzanaH' vaidyanirIkSaNaH / agadaGkArasya darzanamiva darzana yasya saH agadaGkAradarzanaH / keSAm ? 'bhavarogA''ttejantUnAm' bhavaH - saMsAraH sa eva janma - jarA - maraNAdiduHkhahetutvAd rogaH- AmayaH tena ArttAH pIDitA ye jantavaH - prANinaH teSAm / bhava eva rogaH bhavarogaH, bhavaroge ArttA bhavarogArttAH, bhavarogA''rttAzca te jantavazca bhavarogA''rttajantavaH, teSAM bhavarogA''--- jantUnAm / punaH kiMlakSaNaH zreyAMsaH ? 'niHzreyasazrIramaNaH' niHzreyasaH --- mokSaH tasya zrI : - lakSmIH tasyA ramaNaH - bharttA / niHzreyasasya zrI :: niHzreyasazrIH, niHzreyasazriyaH ramaNaH niHzreyasazrIramaNaH / iti trayoMdazazlokArthaH // 13 // vizvopakArakIbhUtatIrthakRtkarmanirmitiH / surA - sura-naraiH pUjyo, vAsupUjyaH punAtu vaH // 14 // vyAkhyA -- vaH vAsupUjyaH punAtu ityanvayaH / ' vaH' yuSmAn / 'vAsupUjyaH' vAsupUjyanAmA dvAdazatIrthakaraH / vasubhiH - devavizeSaiH pUjyo vasupUjyaH, vasupUjyasyApatyaM vAsupUjyaH / 'punAtu' pavitrayatu, " pugz pavane" iti dhAtuH / kiMlakSaNo vAsupUjyaH ? 'pUjyaH' arcyaH / kaiH ? 'surA - 'sura-naraiH' surAH - svargavAsino devAH asurAH -- pAtAlavAsinaH narAH - manuSyAH taiH / surAzva asurAzca narAzca surA - 'sura-narAH, taiH surA - sura-naraiH / punaH kiMviziSTo vAsupUjyaH ? 'vizvopakArakIbhUtatIrthakRtkarmanirmitiH' jagadupakRtIbhUtArhatkarmanirmANaH / vizveSAmupakArakaM vizvopakArakam, avizvopakAraka vizvopakArakaM bhUtamiti vizvopakArakIbhUtam, tIrthaM karotIti tIrthakRt, tIrthakRcca tat karma ca tIrtha-
Page #17
--------------------------------------------------------------------------
________________ 12 kRtkarma, vizvopakArakIbhUtaM ca tat tIrthakRtkarma ca vizvopakArakIbhUtatIrthakRtkarma, vizvopakArakI bhUtatIrthakRtkarmaNo nirmitiryasya sa vizvopakArakIbhUtatIrthakRtkarmanirmitiH / iti caturdazazlokAkSarArthaH // 14 // vimalasvAmino vAcaH katakakSodasodarAH / jayanti trijagacce to jalanairmalyahetavaH // 15 // - vyAkhyA -- vimalasvAmino vAco jayantItyanvayaH / vimala :vimalanAmA svAmI - prabhuH tasya / vigato malo yasmAt saH vimalaH, vimalazvAsa svAmI ca vimalasvAmI, tasya vimalasvAminaH / ' vAcaH ' 'giraH / ' jayanti' sarvotkarSeNa vartanta ityarthaH / kiMlakSaNA vAcaH ? ' katakakSodasodarAH ' katakaM - katakaphalaM tasya kSodaH - cUrNaH tasya sodarA:tulyAH / katakasya kSodaH katakakSodaH, katakakSodasya sodarAH kalakakSodasodarAH / punaH kiMlakSaNA vAcaH ? 'trijagaccetojalanairmalyahetavaH' tribhuvanamanaH salilavimalatAkAraNam / trayANAM jagatAM samAhAraH trijagat, trijagataH cetAMsi trijagaccetAMsi, trijagaccetAMsi eva jalAni trijagaccetojalAni, nirmalasya bhAvaH nairmalyam, trijagaccetojalasya nairmalyaM trijagaccatojalanairmalyam, trijagaccetojalanairmalyasya hetavaH trijaga'cetojalanairmalyahetavaH / ko'rthaH ? yathA katakaphalacUrNena sakaluSamapi salilaM nirmalIbhavati tathA bhagavadvANyA sakaluSANyapi trijagacetAMsi nirmalIbhavanti / iti paJcadazazlokArthaH // 15 // svayambhUramaNasparddhA, karuNArasavAriNA / anantajidanantAM vaH prayacchatu sukhazriyam // 16 //
Page #18
--------------------------------------------------------------------------
________________ 13 vyAkhyA - anantajit sukhazriyaM vaH prayacchatu ityanvayaH / 'anantajid' anantanAmA arhan / 'sukhazriyaM' zarmalakSmIm / sukhasya zrIH sukhazrIH tAm / 'vaH' yuSmAkam / 'prayacchatu' pradadAtu, "dAm dAne" iti dhAtuH / kiMlakSaNAM sukhazriyam ? 'ananta' na vidyate anto yasyAH sA anantA tAm, avinAzAmityarthaH / kathambhUtaH anantajit ? 'svayambhUramaNasparddha' svayambhUramaNaM - svayambhUramaNanAmAnamantyasAgaraM spati ityevaMzIlaH svayambhUramaNasparddhA / kena ? 'karuNArasavAriNA ' karuNAyAH - dayAyA yo rasaH - svAdaH sa eva vAri - jalaM tena, athavA karuNAkhyaH tRtIyo rasaH / karuNAyA rasaH karuNArasaH, karuNArasa eva vAri karuNArasavAri, tena karuNArasavAriNA, "rasaH svAde jale vIrye" ityanekArthe (haima 0 dvisvarakANDa zlo0 590 ) / iti SoDaza zlokArthaH // 16 // kalpadrumasadharmANamiSTaprAptau zarIriNAm / caturdhA dharmadeSTAraM, dharmanAthamupAsmahe // 17 vyAkhyA - dharmanArthaM vayam upAsmahe ityanvayaH / dharmaH - dharmanAmA K nAthaH - prabhuH / dharmazcAsau nAthazca dharmanAthaH, taM dharmanAtham / vayamiti shessH|'upaasmhe' sevAmahe, upapUrvaH "Asik upavezane" iti dhAtuH / kiMlakSaNaM dharmanAtham ? 'kalpadrumasadharmANa' suratarusadRzam / kalpazcAsau drumazca kalpadrumaH, samAnaH dharmo yasya sa sadharmA, kalpadrumasya dharmA kalpadrumasadharmA, taM kalpadrumasadharmANam / kasyAm ? 'iSTaprAptau ' vAJchitalabdhau / iSTAnAM prAptiH iSTaprAptiH, tasyAmiSTaprAptau / keSAm ? 'zarIriNAM' prANinAm / zarIraM vidyate yeSAM te zarIriNaH, teSAM zarIriNAm / punaH kiMlakSaNaM dharmanAtham ? 'dharmadeSTAram' dharmopadezakam / dharmasya
Page #19
--------------------------------------------------------------------------
________________ 14 deSTA dharmadeSTA, taM dharmadeSTAram / katham ? 'caturdhA' caturbhiH prakArai:dAna-zIla-tapo-bhAvarUpaiH / catvAraH prakArA asyeti caturdhA / iti saptadazazlokArthaH // 17 // sudhAsodaravAgjyotsnAnirmalIkRtadiGmukhaH / mRgalakSmA tamaHzAntyai, zAntinAthajino'stu vaH // 18 // vyAkhyA-- zAntinAthajinaH vaH tamaH zAntyai astu ityanvayaH / zAntiH zAntinAmA nAthaH - prabhuH jinaH - kevalI / zAntizvAsau nAthazva zAntinAthaH, zAntinAthazvAsau jinazva zAntinAthajinaH / 'vaH' yuSmA - kam | 'tamaH zAntyai' ajJAnaprazamanAya / tamasaH zAntiH tamaH zAntiH, tasyai tamaH zAntyai / 'astu' bhavatu / kiMlakSaNaH zAntinAthajinaH ? 'mRgalakSmA' hariNalAJchanaH / mRgasya lakSma yasya sa mRgalakSmA / punaH kiMlakSaNaH zAntinAthajinaH 'sudhAsodaravAgjyotsnAnirmalIkRtadiGmukhaH' sudhAsodarA - amRtatulyA yA vAg - gIH sA eva jyotsnA - candrikA tayA nirmalIkRtAni - dhavalIkRtAni dizAM - kakubhAM mukhAni - vadanAni yena saH / sudhAyAH sodarA sudhAsodarA, sudhAsodarA cAsau vAk ca sudhAsodaravAk, sudhAsodaravAg eva jyotsnA sudhAsodaravAgjyotsnA, anirmalAni nirmalAni kRtAni iti nirmalIkRtAni, dizAM mukhAni diGmukhAni, sudhAsodaravAgjyotsnayA nirmalIkRtAni sudhAsodaravArajyosnAnirmalIkRtAni, sudhAsodaravAgjyotsnAnirmalIkRtAni diGmukhAni yena sa sudhAsodaravAgjyotsnAnirmalIkRtadiGmukhaH / ityaSTAdazazlokArthaH // zrIkunthunAtho bhagavAn, sanAtho'tizayarddhibhiH / surA - sura-nRnAthAnAmekanAtho'stu vaH zriye // 19 //
Page #20
--------------------------------------------------------------------------
________________ vyAkhyA-zrIkunthunAthaH vaH zriye astu ityanvayaH / zriyAaSTaprAtihAryalakSmyA yuktaH kunthuH-kunthunAmA naathH-prbhuH| 'zriyA yuktaH kunthuH zrIkunthuH, zrIkunthuzcAsau nAthazca zrIkunthunAthaH / 'vaH yuSmAkaM "zriye' lakSyai 'astu' bhvtu| kimbhUtaH zrIkunthunAthaH ? 'bhagavAn' bhago'syAstIti bhagavAn , bhagazabdArthaH pUrvokto jJeyaH / punaH kiMlakSaNaH zrIkunthunAthaH ? 'sanAthaH' sahitaH / kAbhiH ? 'atizarddhibhiH' atizayAH-dehAdbhutAdikAH catustriMzat teSAM RddhayaHvibhUtayaH tAbhiH / atizayAnAM RddhayaH atizayarddhayaH, tAbhiH atishyrddhibhiH| punaH kiMlakSaNaH zrIkunthunAthaH ? 'ekanAthaH' eksvaamii| ekazvAsau nAthazca ekanAthaH / keSAm ? 'surA-'sura-nRnAthAnAM' devendrA-'surendra-cakravartinAm / surAH-devalokavAsinaH asurAH-pAtAlavAsinaH naraH-manuSyAH teSAM nAthAH-prabhavaH teSAm / surAzca asurAzca narazca surA-'sura-naraH, surA-'sura-nRNAM nAthAH surA-'sura-nRnAthAH, teSAM surA-'sura-nRnAthAnAm / ityekonaviMzatitamazlokArthaH // 19 // aranAthaH sa bhgvaaNshcturthaarnbhorviH| caturthapuruSArthazrIvilAsaM vitanotu vaH // 20 // vyAkhyA-aranAthaH vaH caturthapuruSArthazrIvilAsaM vitanotu ityanvayaH / araH-aranAmA nAthaH-prabhuH / arazcAsau nAthazca aranAthaH / 'vaH' yuSmAkam / 'caturthapuruSArthazrIvilAsaM' caturthapuruSArthaH-mokSaH, "trivargo dharmakAmArthazcaturvargaH samokSakaH" iti vacanAt , tasya zrIHlakSmIH tasyA vilAsaH-krIDAvizeSaH tam / caturNA saGkhyApUrakaH caturthaH, puruSasya arthaH puruSArthaH, caturthazcAsau puruSArthazca caturthapuruSArthaH,
Page #21
--------------------------------------------------------------------------
________________ 16 caturthapuruSArthasya zrIH caturthapuruSArtha zrIH, caturthapuruSArthazriyaH vilAsaH caturthapuruSArtha zrIvilAsaH, taM caturthapuruSArtha zrIvilAsam / kiMlakSaNo'ranAthaH ? 'saH' prasiddhaH / punaH kiMlakSaNo'ranAtha: : 'bhagavAn' bhago'syAstIti bhagavAn, bhagazabdArthaH pUrvokto jJeyaH / punaH kiMlakSaNo'ranAthaH ? 'caturthAranabhoraviH' caturthAraH - duSSamasuSamAkhyaH sa eva nabhaH - gaganaM tatra raviH sUryaH tatprakAzakatvAt / caturNAM saGkhyApUrakaH caturthaH, caturthazcAsau arazca caturthAraH, caturthAra eva nabhaH caturthAranabhaH, catutharanabhasi raviH caturthAranabhoraviH / iti viMzatitama zlokArthaH // 20 // surA - sura-narAdhIzamayUranavavAridam / karmanmUlane hastima mallimabhiSTumaH // 21 // vyAkhyA -- vayaM mallim abhiSTumaH ityanvayaH / vayamiti zeSaH / 'malliM' mallinAmAnam ekonaviMzatitamatIrthakaram 'abhiSTumaH' stutiM kurmaH, "TuMguk stutau" iti dhAtuH / kiMlakSaNaM mallim ? 'surA'sura-narAdhIzamayUranavavAridaM' deva-danuja-manujapatikekinavInamegham, taddharSotpAdakatvAt / surAzva asurAzca narAzva surA'sura-narAH, surAsura-narANAm adhIzAH surA - 'sura-narAdhIzAH, surA-'sura-narAghIzA eva mayUrAH surAsura - narAdhIzamayUrAH, vAri dadAtIti vAridaH, navazvAsau vAridazva navavAridaH, surA'sura-narAdhIzamayUreSu navavAridaH, surA - sura-narAdhIzamayUranavavAridaH, tam surA -'sura-narAdhIzamayUranavavAridam / punaH kiMviziSTa mallim ? ' hastimallam' airAvaNam / kasmin ? 'karmadrUnmUlane' karmANi - jJAnAvaraNAdIni tAnyeva dravaHtaravaH teSAm unmUlanam--utkhananaM tatra / karmANi eva dravaH karmadravaH,
Page #22
--------------------------------------------------------------------------
________________ karmadrUNAM unmUlanaM karmanmUlanam , tasmin krmdruunmuulne| ityekaviMzatitamazlokArthaH // 21 // jaganmahAmohanidrApratyUSasamayopamam / munisuvratanAthasya, dezanAvacanaM stumaH // 22 // vyAkhyA-vayaM munisuvratanAthasya dezanAvacanaM stuma ityanvayaH / vayamiti zeSaH / munisuvrataH-munisuvratanAmA viMzatitamatIrthakaraH nAthaHprabhuH tasya / suSThu ca tad vrataM ca suvratam , munivat suvrataM yasya sa munisuvrataH, munisuvratazcAsau nAthazca munisuvratanAthaH, tasya munisuvratanAthasya / 'dezanAvacanaM' dharmopadezavacanam / dezanAyA vacanaM dezanAvacanam , punardvitIyAjJApanAya taditi / 'stumaH" stavanaM kurmaH, "STuMgA stutau" iti dhAtuH / kiMlakSaNaM dezanAvacanam ? 'jaganmahAmohanidrApratyUSasamayopamaM' jagatAM "tAtsthyAt tadvyapadezaH" itinyAyAd jagajanAnAM mahAmoha:-prabalamohanIyakarmodayaH sa eva nidrA-tandrA tatra pratyUSasamayaH-prabhAtakAlaH tasya upamA yasya tat / mahA~zcAsau mohazca mahAmohaH, mahAmoha eva nidrA mahAmohanidrA, jagatAM mahAmohanidrA jaganmahAmohanidrA, pratyUSasya samayaH pratyUSasamayaH, jaganmahAmohanidrAyAM pratyUSasamayaH jaganmahAmohanidrApratyUSasamayaH, jaganmahAmohanidrApratyUSasamayasya upamA yasya tad jaganmahAmohanidrApratyUSasamayopamam tad / iti dvAviMzatitamazlokArthaH // 22 // luThanto namatAM mUni, nirmalIkArakAraNam / pAriplavA iva namaH, pAntu paadnkhaaNshvH||23||
Page #23
--------------------------------------------------------------------------
________________ 18 vyAkhyA -nameH pAdanakhAMzavaH pAntu ityanvayaH / namiH - naminAmA arhan tasya / 'pAdanakhAMzavaH' caraNanakhakiraNAH / pAdayoH nakhAH pAdanakhAH, pAdanakhAnAM aMzavaH pAdanakhAMzavaH / ' pAntu' rakSantu, "pAMkU rakSaNe" iti dhAtuH / 'iva' utprekSyate / 'vAriplavAH' jalapravAhAH / vAriNaH plavAH vAriplavAH / kiMlakSaNAH pAdanakhAMzavaH ? 'nirmalIkArakAraNaM' pavitrIkArahetavaH / anirmalaM nirmalaM karotIti nirmalIkAraH, nirmalIkArasya kAraNaM nirmalIkArakAraNam / punaH kiMkurvantaH pAdanakhAMzavaH ? 'luThantaH' patantaH / kasmin ? 'mUrdhni' mastake / keSAm ? janAnAmiti zeSaH / janAnAM kiMkurvatAm ? 'namatAM' praNAmaM kurvatAm / iti trayoviMzatitamazlokArthaH // 23 // yaduvaMzasamudrenduH, karmakakSahutAzanaH / ariSTanemirbhagavAn, bhUyAd vo'riSTanAzanaH // 24 // vyAkhyA--ariSTanemiH vaH ariSTanAzanaH bhUyAd ityanvayaH / 'ariSTanemiH' ariSTaneminAmA / 'vaH' yuSmAkam / 'ariSTanAzanaH' upadravanivArakaH / ariSTAnAM nAzanaM yasmAt saH ariSTanAzanaH / 'bhUyAd' bhavatu / kiMlakSaNo'riSTanemiH ? ' yaduvaMzasamudrenduH' yadukulasAgaracandraH / yadoH vaMzaH yaduvaMzaH, yaduvaMza eva samudraH yaduvaMzasamudraH, yaduvaMzasamudre induH yaduvaMzasamudrenduH / punaH kiMlakSaNaH ariSTanemiH ? 'karma kakSahutAzanaH' karmavanaivaizvAnaraH, taddAhakatvAt / karmANi eva kakSaH karmakakSaH, karmakakSe hutAzanaH karmakakSahutAzanaH / punaH kiMlakSaNo'riSTanemiH ? 'bhagavAn' bhago'syAstIti bhagavAn / bhagazabdArthaH pUrvokto'sti / iti caturviMzatitamazlokArthaH // 24 //
Page #24
--------------------------------------------------------------------------
________________ kamaThe dharaNendre ca, svocitaM karma kurvati / prabhustulyamanovRttiH, pArzvanAthaH zriye'stu vH||25|| vyAkhyA-pArzvanAthaH vaH zriye astu ityanvayaH / pArzvaH-pArzvanAmA nAthaH-prabhuH / pArzvazcAsau nAthazca pArzvanAthaH / 'vaH' yuSmAkam 'zriye' lakSmyai 'astu' bhavatu / kiMlakSaNaH pArzvanAthaH ? 'prabhuH' svaamii| punaH kiMlakSaNaH pArzvanAthaH ? 'tulyamanovRttiH' sazacittapravRttiH / manasaH vRttiH manovRttiH, tulyA manovRttiryasya saH tulyamanovRttiH / kasmin ? 'kamaThe' kamaThanAmni 'ca' punaH dharaNendre / dharaNazcAsau indrazca dharaNendraH, tasmin dharaNendre / kamaThe 'ca' puna : dharaNendre kiMkurvati ? 'kurvati' vitanvati / kiM karmatApannam ? 'karma' kRtyam / kiMlakSaNaM karma ? 'svocitaM' svayogyam / svasya ucitaM svocitaM tt| kamaThakarma meghavarSaNalakSaNaM dharaNendrakarma tu vRSTinivAraNalakSaNam / iti paJcaviMzatitamazlokArthaH // 25 // kRtAparAdhe'pi jane, kRpaamnthrtaaryoH| ISadvASpAyobhadraM, zrIvIrajinanetrayoH // 26 // vyAkhyA-zrIvIrajinanetrayoH bhadraM bhaktu ityanvayaH / zriyAaSTaprAtihAryalakSmyA yuktaH vIraH-vIranAmA jina:-arhan tasya netrelocane tyoH| zriyA yuktaH vIraH zrIvIraH, zrIvIrazcAsau jinazca zrIvIrajinaH, zrIvIrajinasya netre zrIvIrajinanetre, tayoH zrIvIrajinanetrayoH / 'bhadraM kalyANaM bhavatu iti zeSaH / kiMlakSaNayoH zrIvIrajinanetrayoH ? 'kRpAmantharatArayoH' anukampAsUcakakanInikayoH, "mantharaH sUcake koze vakre mande pRthau mathi" ityanekArthe / (haima trisvarakANDa
Page #25
--------------------------------------------------------------------------
________________ zlo0 1190) kRpayA manthare kRpAmanthare, kRpAmanthare tAre yayoste kRpAmantharatAre, tayoH kRpaamnthrtaaryoH| kasmin ? 'jane' loke kiMlakSaNe jane ? 'kRtAparAdhe'pi' vihitAgasi api / kRtaH aparAdhaH yena sa kRtAparAdhaH, tasmin kRtaapraadhe| kiMlakSaNayoH zrIvIrajinanetrayoH ? 'ISadabASpArdrayoH' manAgakSijalaklinnayoH, "bASpa uSmA'kSijalayoH" ityanekArthe (haiMma0dvisvarakANDa zlo0 309) / bASpeNa Ardai bASpAdeM, ISad bAppArdai ISadbASpArdai, tayoH ISadbASpAdayoH |snggmkaakhyo davaH SaNmAsI yAvad upasarga kRtvA akSubdhaM bhagavantaM jJAtvA pazcAt svarga jigamiSuridamAha---'devArya ! tvaM svecchayA braja bhikSArthamiti, nAdhunA'hamantarAyakaraH' ityukte bhagavAn Aha--ahaM nijecchayA bhikSAyai vrajAmi na kenA'pyukta iti / tadanu saGgamakaM gacchantaM dRSTvA bhagavatazcakSuSI sabASpe jAte--yadayaM duHkhabhAg bhaviSyati madupasargakaraNanirmitakarmapariNativazAt / iti SaDviMzatitamazlokArthaH // 26 // vedazararasendu 1654 mite, varSe zrIvijayasenasarINAm / ziSyANunA viracitA, vRttiriyaM kanakakuzalena // 1 // dvayazItiyuktA dvizatI 282, zlokasaGkhyA niveditaa| sasUtra-vRttervibudhaiH, zodhanIyeyamAdarAt // 2 // // iti kalikAlasarvajJavirudadhArakazrIhemacandramariviracitacaturviMzatijinanamaskArANAM vRttiH samAptA // <><> bhagavatakarmapariNativazA ne varSe zrIvija
Page #26
--------------------------------------------------------------------------
________________