________________
૧૪૨
વૈરાગ્યકલ્પલતા/બ્લોક-૧૩૧થી ૧૩૪ સમાધિશુદ્ધ હૃદયવાળા મુનિઓ મિશ્રમોહનીસકર્મના સમૂહરૂપ અંધકારની દષ્ટિ રહિત :
વળી સમાધિશુદ્ધ મુનિઓના હૈયામાં મિશ્રમોહનીયકૃત કર્મથી થતી એવી અંધકારની દૃષ્ટિ ક્યારેય પણ વર્તતી નથી; કેમ કે મોહના ઉપદ્રવથી રહિત અને પરપદાર્થના ઉપદ્રવ રહિત આત્માની અવસ્થા જ રમ્યઅવસ્થા છે, તેવી પ્રકાશવાળી નિર્મળદૃષ્ટિ તેઓમાં સદા વર્તે છે. સમાવિશુદ્ધ હૃદયવાળા મુનિઓ મિથ્યાત્વરૂપી વિષ્ઠાની ગંધરહિત :
વળી, તેવા સમાધિશુદ્ધ હૃદયવાળા મુનિમાં ક્યારેય પણ મિથ્યાત્વરૂપી વિષ્ટાની ગંધ નથી ; કેમ કે તત્ત્વ સ્પષ્ટ દેખાતું હોય ત્યાં બુદ્ધિના વિપર્યાસરૂપ મિથ્યાત્વની દુર્ગધ ક્યાંથી પ્રવેશ પામે ? સમાવિશુદ્ધ હૃદયવાળા મુનિઓ દોષદર્શી એવા પણ જીવોમાં રોષના પરિણામ રહિત -
વળી, જેઓએ સમાધિનું ભાવન કરી આત્માના પારમાર્થિકસ્વરૂપથી આત્માને ભાવિત કર્યો છે તેવા મુનિઓના દોષ જોનારા કોઈ જીવો જગતમાં હોય અને તેવા મુનિઓની તેઓ નિંદા કરતા હોય, તોપણ તે મહાત્માઓને સહેજ પણ રોષનો પરિણામ થતો નથી. સમાવિશુદ્ધ હૃદયવાળા મુનિઓ ગુણસ્તુતિમાં પણ પ્રીતિના સંશ્લેષ રહિત -
વળી, તે મહાત્માઓના ગુણોથી આવર્જિત થઈને કોઈક તેઓના ગુણોની સ્તુતિ કરતા હોય, તો તે સ્તુતિ પ્રત્યે પણ તે મહાત્માઓને લેશ પણ પ્રીતિ ઉત્પન્ન થતી નથી. સમાવિશુદ્ધ હૃદયવાળા મુનિઓ દંભની પ્રવૃત્તિના લવ રહિત :
વળી, સમાધિથી ભાવિતમતિવાળા હોવાને કારણે તેઓના જીવનમાં દંભની પ્રવૃત્તિનો લવ પણ નથી, તેથી તેઓના હૈયામાં જેવો અંતરંગભાવ છે તેવી જ બાહ્ય પ્રવૃત્તિ કે વચનની પ્રવૃત્તિ વર્તે છે.
