Book Title: Uttaradhyayan Sutra Mul Path
Author(s): Purushudaniya Parshwanath SMP Jain Sangh
Publisher: Purushudaniya Parshwanath SMP Jain Sangh
View full book text ________________
उत्तराध्ययनसूत्रम् (अध्ययनं ३५) फासुयम्मि अणाबाहे, इत्थीहि अणभिदुए। तत्थ संकप्पए वास, भिक्खू परमसंजए ॥७॥ न सय गिहाइ कुव्विज्ज, नेव अन्नेहि कारए । गिहकम्मसमारंभे, भूयाणं दिस्सए वहो ।॥ ८ ॥ तसाणं थावराणं च, सुहुमाणं बादराण य । तम्हा गिहसमारंभ, संजओ परिवज्जए ॥ ९॥ तहेव भत्तपाणेसु, पयणे पयावणेसु य । पाणभूयदयट्ठाए, न पये न पयावये ॥१०॥ जलधन्ननिस्सिया जीवा, पुढवीकदृनिस्सिया । हम्मति भत्तपाणेसु. तम्हा भिक्खू न पयावए ॥ ११ ॥ विसप्पे सव्वओ ऽधारे, बहुपाणिविणासणे । नत्थि जोइसमे सत्थे, तम्हा जोईन दीवए ॥ १२ ॥ हिरण्ण जायरूव च, मणसा वि न पत्थए । समलेटु-क चणे भिक्खू , विरए कयविक्कए ॥ १३ ।। किणतो कइओ हाइ, विकिणतो य वाणिओ । कयविक्कयम्मि वट्टतो, भिक्खू न भवइ तारिसो ॥ १४ ॥ भिक्खियव्वं न केयव्व, भिक्खुणा भिक्खवत्तिणा । कयविक्कओ महादासो, भिक्खवत्ती सुहावहा ॥ १५ ॥ समुयाण ऊछमेसिज्जा, जहासुत्तमणि दियं । . लाभालाभम्मि संतुद्रे, पिंडवाय चरे मुणी ॥१६॥ अलोले न रसे गिद्धे, अिब्भादते अमुच्छिए । न रसट्ठाए मुंजिज्जा, जवणढाए महामुणी ॥ १७ ॥
Loading... Page Navigation 1 ... 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 