Book Title: Uttaradhyayan Sutra Mul Path
Author(s): Purushudaniya Parshwanath SMP Jain Sangh
Publisher: Purushudaniya Parshwanath SMP Jain Sangh
View full book text ________________
उत्तराध्ययनसूत्रम् (अध्ययन ३६) १८१ एएसिं वण्णओ चेव, गंधओ रसफासो । संठाणदेसओ वावि, विहाणाई सहस्ससो ॥ २४६ ।। संसारत्था य सिद्धा य, इय जीवो वियाहिया । रुविणो चेवरूवी य, अजीवा दुविहा वि य ॥२४७ ।। (अणंतकालमुक्कोस, वासपुहुत्तं जहन्नगं । आणयाईण कप्पाण, गेविज्जाणं तु अंतर संखिज्ज सागरकोसं, वासपुहुत्त जहन्नगं । अणुत्तराण य देवाण अन्तर तु वियाहिया ।) एय जीवमजीवे य, सेोच्चा सद्दहिऊण य । मवनयाणमणुमए, रमेज्ज संजमे मुणी ।। २४८ ॥ तओ बहूणि वासाणि, सामण्णमणुपालिय । इमेण कम्मजोगेण, अप्पाण संलिहे मुणी ॥ २४९ ॥ बारसेव उ वासाइ, संलेहुक्कोसिया भवे । संवच्छरमझिमिया, छमासा य जहन्निया ।। २५० ॥ पढमे वासचउक्क मि, विगई-निज्जूहण करे । बिईए वासचउक्कम्मि, विचित्त तु तव चरे ॥ २५१ ।। एगंतरमायाम, कटु संवच्छरे दुवे ।। तओ संवच्छरद्धं तु, नाइ विगिट्ठ तु तव चरे ।।२५२॥ तओ संवच्छरद्धं तु, विगिट्ठ तु तव चरे । परिमियं चेव आयाम, तमि संवच्छरे करे ॥ २५३ ।। कोडीसहियमायाम, क संवच्छरे मुणी । मासद्धमासिएण तु, आहारेण तव चरे ॥ २५४ ॥
Loading... Page Navigation 1 ... 194 195 196 197 198 199 200 