________________
૨૦
થઈ આખા દેરાસરમાં લાલ રંગ ફેલાઈ ગયો. હમણાં એક વખત નાગસ્વરૂપ ધરણેન્દ્રદેવ કલાકો સુધી પ્રતિમા સામે ધ્યાનમયી થઈ જવાનું શ્ય ઘણા ભાવિક જનોએ જોયું છે. પ્રતિમાજી ઉપર કેસરિયા રંગનો લેપ કરેલ છે અને રેતીની પ્રતિમા છે. અત્યંત પ્રભાવશાળી છે. આ સ્થળ ઉનાથી પાંચ કિ.મી. અને દેલવાડા(ગુજરાત)થી અઢી કિ.મી. છે. દેરાસર સુધી કાર બસ જઈ શકે છે.
રહેવા માટે ધર્મશાળા તથા ભોજનશાળાની સગવડ છે.
૪૦. શ્રી દેલવાડા તીર્થ (ગુજરાત)
મૂળનાયક : શ્રી ચિન્તામણિ પાર્શ્વનાથ, શ્વેત વર્ણ, પદ્માસનસ્થ. તીર્થસ્થળ :
આ તીર્થ અજાહરા પંચતીર્થીનું એક સ્થળ ગણાય છે. મંદિરનો પ્રાચીન ઇતિહાસ મળતો નથી. વિ. સં. ૧૭૩૪માં જીર્ણોદ્ધારનો ઉલ્લેખ છે એટલે એનાથી પ્રાચીન છે. દેલવાડા ગામથી એકાદ કિ.મી.ના અંતરે છે. ખાસ કોઈ કલાત્મક કાર્ય દેખાતું નથી. અહીં આ ગામથી નજીક, દીવ જવાના રસ્તે ગુજરાત સરકારના પર્યટન ખાતાએ અહમદપુર-માંડવીમાં અદ્યતન પર્યટનધામનું નિર્માણ કર્યું છે. પ્રવાસીઓ માટે અનેક સગવડો અહીં કરવામાં આવી છે. સ્થળ દર્શનીય બન્યું છે.
૪૧. શ્રી ચન્દ્રપ્રભાસપાટણ તીર્થ
મૂળનાયક : શ્રી ચન્દ્રપ્રભુ ભગવાન, શ્વેત વર્ણ, પદ્માસનસ્થ.
તીર્થસ્થળ : સમુદ્રકિનારે પ્રભાસપાટણ ગામે (સોમનાથ મંદિરની બાજુમાં) આવેલા આ તીર્થની સ્થાપના આદિનાથ પ્રભુના પુત્ર શ્રી ભરત ચક્રવર્તીએ કરેલી મનાય છે. શ્રી ભરત ચક્રવતીએ જ્યારે શ્રી શેત્રુંજ્ય તીર્થ(સિદ્ધાચલ તીર્થ)નો ઉદ્ધાર કરાવી સંઘ કાઢયા ત્યારે અહીં સરસ્વતી નદીના કિનારે (બ્રામ્હી નદી) રોકાયા હતા. અહીં તપ કરી રહેલા મુનિઓ જોડે બાહુબલીના પુત્ર સોમયશકુમારે વાર્તાલાપ કરી શ્રી ધરણેન્દ્રદેવ દ્વારા પવિત્ર તથા સર્વ રોગ નિવારણ નદીનો પ્રભાવ જાણ્યા ઉપરાંત, અહીં આઠમા ભાવિ તીર્થંકર શ્રી ચન્દ્રપ્રભુ દ્વારા સમવસરણ રચાશે એવો વૃત્તાંત સાંભળી શ્રી ભરત ચક્રવતીએ અહીં આ તીર્થની સ્થાપના કરેલ હતી. ઘણા જૈન પ્રાચીન ગ્રંથોમાં આ તીર્થનો ઉલ્લેખ છે.
“નવગંભારાથી સુશોભિત આ વિશાળ સભામંડપ દર્શનીય છે. એકંદરે પ્રાચીન ક્લાનાં દર્શન થાય છે. મહમદ ગઝની દ્વારા અહીં ઘણી ક્ષતિઓ થયેલ છે. વેરાવળ ગામથી પાંચ કિ.મી. છે. ધર્મશાળા છે. ભોજનની સગવડ પહેલેથી જણાવવાથી થઈ શકે છે.
અત્યંત રમણીય શહેર છે. ઊનાથી અંદાજે ૮૦ કિ.મી. છે.
મુખ્ય દેરાસરમાં નવગંભારામાં દરેક પ્રતિમાજી સુંદર છે. આ ઉપરાંત
