________________
પ્રયત્ન કરવાથી આ પ્રતિમાજી પ્રાપ્ત થયાં અને દેરાસરનું નિર્માણ શરૂ થયું. ધનના અભાવને કારણે કાર્ય થોડું રોકાતાં અધિષ્ઠાયક દેવે ઘણી સહાય કરેલ અને સારા એવા ધનની મદદ મળી રહી. આ સ્થળને મુસલમાનોના વખતમાં ક્ષતિ પહોંચાડવાના પ્રયાસ પછી ચુસલમાન સરદાર અત્યંત વ્યાધિથી પિડાતાં આ સ્થળને અખંડિત રહેવા દેવાનો આદેશ અપાયો હતો. આ સ્થળ ખૂબ જ ચમત્કારિક અને ભવ્ય છે. મેડતા રોડ ગામે, મેડતા શહેરથી ૧૫ કિ.મી. દૂર છે. જોધપુર, નાગોર, મેડતા વચ્ચે સડક રસ્તાઓ છે. રહેવાની વ્યવસ્થા છે. જોધપુરથી ઉત્તરપૂર્વ દિશામાં મેડતા રોડ આવેલું છે.
૮૧. શ્રી પદ્મપ્રભુજી તીર્થ મૂળનાયક: શ્રી પદ્મપ્રભુ ભગવાન, ગુલાબી વર્ણ, કમળના ફૂલ પર સુશોભિત. તીર્થસ્થળ: આ ગામનો ઇતિહાસ પ્રાચીન નથી. પરંતુ પ્રતિમાજીના ભૂગર્ભમાંથી પ્રગટ
થવાને કારણે અહીં પ્રાચીન મંદિરો જરૂર હશે. આ પ્રભુપ્રતિમાના વિ. સં. ૨૦૦૧ના વૈશાખ સુદ પાંચમના શુભ દિને શુભ પ્રભાતે એક ખેડૂત કુટુંબનાં માતા-પુત્રને ખોદકામ કરતાં દર્શન થયાં હતાં. ત્યારે એક નાનું મંદિર બનાવ્યા બાદ ૧૮ વર્ષ પછી વિ. સં. ૨૦૧૯માં વિશાળ મંદિરનું નિર્માણ થયું. આ મંદિરની બનાવટ અને વિશાળતા આખા ભારતમાં પ્રથમ સ્થાને છે. આ શૈલીનું નિર્માણ થયેલ મંદિર બીજે ક્યાંય ખ્યાલમાં નથી. આ સ્થળ બાડા ગામે, શિવદાસપુરા(પાપુરા)થી ૬ કિ.મી., જયપુર સવાઈ માધોપુર લાઇન ઉપર છે. જયપુરથી ૩૬ કિ.મી. છે. ધર્મશાળા
છે. ભોજનશાળાની સગવડ નથી. પ્રભુપ્રતિમાજી ખૂબ જ ચમત્કારિક છે . અને મેલી વિદ્યાથી કષ્ટ ભોગવતા ઉપદ્રવથી છુટકારો મળે છે એવી ભક્તજનોની શ્રદ્ધા છે. મંદિરની અંદર વર્તુળાકાર વિશાળ સભામંડપ છે. આવો વિશાળ સભામંડપ બીજે ક્યાંય જોવા મળતો નથી.
૮૨. શ્રી મહાવીરજી તીર્થ મૂળનાયક: શ્રી મહાવીર સ્વામી ભગવાન, તામ્ર વર્ણ, પદ્માસનસ્થ. તીર્થસ્થળ: શ્રી મહાવીરજી (ચાંદનપુર) ગામે, દિલ્હી-મુંબઈ રેલવેમાર્ગ ઉપર ગંગાપુર
અને હીન્ડોન વચ્ચે મહાવીરજી રેલવે સ્ટેશન છે. ભગવાન શ્રી મહાવીરની આ પ્રતિમા ચમત્કારિક રીતે પ્રગટ થયેલી છે. એક ગાય એક ટેકરી ઉપર જઈને ઊભી રહેતી અને બધું દૂધ ઝરી જતું હતું. ગાયને રોક્વાના ઘણા પ્રયાસો છતાં ગાય રોકાતી ન હતી. વધુ તપાસ કરતાં અને ટેકરીનું ખોદકામ કરતાં એ સ્થાનેથી પ્રભુની પ્રતિમાનાં દર્શન થયાં. આ પ્રતિમાજીને અહીં મંદિર બંધાવી પ્રતિષ્ઠા કરાવવામાં આવી. ત્યાર બાદ અનેક ચમત્કારો થતા રહે છે.
અમાનનામાના પાનનાએnક તારક
